2 Kurintu 4:18 - Ke meupiya ne tudtul mekeatag ki Hisu Kristu

¹⁸ Su kenà iyan egketutub te hinawa rey ne ini se egkekita ne langun taman kayi te ampew te dunya, ugaid ne iyan benar ne neketahù te hinawa rey ne arà se kenà egkekita. Su ini se egkekita tew ne mehaan ne id-anew te mata tew, ugaid ne arà se kenà tew egkekita ne ibehey te Eleteala keytew ne kenà id-anew te mata taman te taman.

2 Kurintu 4:18 ပူးပေါင်းရင်းမြစ်များ

Mateo 25:46

“Tembù be,” ke si Hisus, “ini se menge etew ne ibpependiyà te apuy nerakà su edusaan te warà edtemanan din. Ne ini se menge metidtu ne ibpependiyà te surugà su ruen umur dan ne warà edtemanan din.”

2 Kurintu 5:7

Su taman te ed-ubpà kiyu pà kayi te ampew te dunya, ne eduma kiyu ki Hisu Kristu ibpepevayà te sarig ta kandin misan kenà ta egkekita sikandin.

2 Tiselunika 2:16

Iyan dey egkiyuhan ne ke Kerenan tew ne si Hisu Kristu wey ke Eleteala ne Amey tew se ebag-et dut te hinawa niyu wey ebaher keniyu su apey langun ne ed-ul-ulaan niyu wey langun ne egkehiyen niyu ne ebmeupiya su dekelà se limù te Eleteala keytew. Ne egenat dut te limù din wey ke kebpenaub din ne ibehey rin ke kevag-et dut te itungan tew wey ke keupiya ne ebpenerengen tew ne egketuman.

Hibruhanen 11:1

Na, embiya duen tidtu ne sarig tew te Eleteala, ne netuenan tew iya se egketelimà tew ke meupiya ne ebpenerengen tew. Su egenat te sarig tew ne netuenan tew en rema se benar ini se keupiya rin misan kenà ta egkekita.

Hibruhanen 11:13

Langun kayi ne menge etew te migkahi ku geina ne warà migkurang ke sarig dan te Eleteala taman te minatey ran, misan warà den pà medtelimà arà se impasad kandan te Eleteala te biviyag den pà. Su netuenan dan se ebpekeuma ke hewii te edtumanen te Eleteala ke impasad din kandan, ne taman be te biviyag den pà ne impesabut dan te sikandan ne nekererepuan den dà kayi te ampew te dunya.

Hibruhanen 9:11

Na guntaan te ruen en ini se behu ne ralan su nekeuma en si Hisu Kristu ne sikandin en ke Mepurù ne Terebpelengesa tew, ne ibpepevayà kandin ne muna pà se keupianan ne nekeuma kayi te kenitew. Su ke ebpengerapan ne midlusuran din te egelevek te ebpeninindeg kenitew, ne muna pà se keupiya rin su kenà baley ne mibeelan te etew su kenà kayi rà te ampew te dunya.

1 Juan 2:25

Ne ini se impasad ni Hisu Kristu keyta ne ibehey rin ini se umur ne warà edtemanan din.