2 Kurintu 3:7 - Ke meupiya ne tudtul mekeatag ki Hisu Kristu

⁷ Rengan te kineuhing te Eleteala te penduan din ki Moises diyà te melumpipì ne batu, ne nelikuvungan te merayag ne raman te Eleteala ke paras ni Moises. Ne ke menge etew ne kenà dan egkevutatek te edtengteng si Moises su egkesirang dan dut te raman din ne misan iring ketà ne midsahad dà. Arà te neuna ne penduan te Eleteala ne imbehey rin ki Moises ne riyà ki egkepeneheewit te kepepatey ne warà edtemanan din su mevaher se gehem din,

2 Kurintu 3:7 ပူးပေါင်းရင်းမြစ်များ

Nenged-ulaula 6:15

Ne langun dut te menge Perekukum ne nevurun ketà ne midtengteng ki Esteban, ne nekita ran ke paras din ne iring dut te paras te suluhuen te Eleteala.

Ruma 10:4

Su geina te nekeuma en si Hisu Kristu ne ke keduma ran te penduan ne warè en egkeetahan din, su kayi rà ebpuun te kebperetiyaya tew ki Hisu Kristu se ralan te kebmetidtu te etew riyà te etuvangan te Eleteala.

Ruma 4:15

Su ke penduan ne ed-ewit te kegkeepes te Eleteala te langun ne menge etew su kenà dan ebpeketuman. Ugaid ne embiya warà penduan ne warà ma ralan te kegketueni ran te nekesurang dan.

Ruma 5:20

Iyan kinevehey te Eleteala te penduan su apey tew metueni te ed-iseg ke salà tew kandin. Ugaid ne kayi te ked-iseg pà te salà tew ne iyan muna pà se kerekelà dut te raat te nanam te Eleteala ne edtavang keytew.

Ruma 7:10

Ketà be ne ini se penduan ne imbehey te Eleteala te kebpeketelimà tew te umur ne warà edtemanen din embiya kenà tew edsurangen, ne iyan ded ebpekepeneheewit kedì te kepepatey ne kenà edtaman su warà a ma meketuman te penduan.

Ruma 7:22

Su kayi te ginawa ku ne dekelà se kiyug ku te edtuman dut te insuhù te Eleteala.

Ruma 7:5

Su rengan te warà ki pà mebperetiyaya ne iyan mibayàbayà keytew ke meraat ne ulaula tew, ne nekeiseg ke meraat ne ed-ul-ulaan tew ketà te netuenan tew ke imbandù te penduan. Ne geina te iring ketà se mid-ulaula kiyu te meraat, ne iyan tew rà ebpenerengen ne kepepatey ne warà edtemanan din.

1 Kurintu 13:10

Ugaid ne ketà te keuhetan din ne hewii te ked-imasag en dut te Eleteala, ne ke langun ne warà pà mepasad ne egkeawà.

2 Kurintu 3:3

Ne egkekita kayi te ed-ul-ulaan niyu te nesembian en ni Hisu Kristu ke hinawa niyu sabap dut te impesabut dey keniyu mekeatag kandin. Ne sikiyu ne timbang te tidtu ne surat ne kenà belad dà se midsurat, ugaid ne ibpepevayà dut te helevek te Kedesenan ne Ebpetuntul te Menusiyà. Ne kenà diyà dà insurat te melumpipì ne batu iring dut te penduan ne intahak ki Moises dengan, ugaid ne surat ini ne riyà din en mulà insurat te hinawa niyu.

2 Kurintu 3:6

Ne sikandin ded be ke mibehey kenami te ketau te kebpemesabut dey dut te behu ne pasad din. Ne ini se behu ne pasad ne kenà iring dut te neuna ne penduan ne imbehey te Eleteala ki Moises, ugaid ne imbehey ini impepevayà dut te Kedesenan ne Ebpetuntul te Menusiyà. Su arà te neuna ne penduan ne insurat ne netuenan tew se nekesalà ki ne riyà ki egkepeneheewit te kepepatey ne warà edtemanan din. Ugaid ne ke Kedesenan ne Ebpetuntul te Menusiyà se ebehey keytew te umur ne warà edtemanan din.

2 Kurintu 3:8

ne iyan pè be kenà muna pà se kevaher te gehem din ini se behu ne pasad ne imbehey te impepevayà dut te Kedesenan ne Ebpetuntul te Menusiyà.

Gelasiya 3:10

Ugaid ke langun ne menge etew ne iyan dan edserihan te kebmetidtu ran te edtuman dut te penduan ni Moises, ne nekukum dan en te kedusa te Eleteala. Su ruen impesurat ne Lalag te Eleteala ne egkahi te, “Langun ne menge etew ne kenà edtuman dut te langun ne penduan ni Moises, ne edusaan te Eleteala.”

Gelasiya 3:21

Kenà niyu pegitunga ne kayi te penduan te Eleteala ne midwarà din en ke impasad din. Kenà iring ketà! Su embiya ma ruen penduan ne ebpekevehey keyta te umur ne warà edtemanan din, ne arà en ke dalan te kebmetidtu tew riyà te etuvangan te Eleteala.

Hibruhanen 12:18

Ne kayi te ini se behu ne ralan te kebpekeuvey tew te Eleteala, ne kenà kiyu egkeandek iring dut te impepevayà dengan te menge Hudiyanen. Su ketà te kineuvey ran te buvungan ne ed-ingaranan te Siney, ne ruen nekita ran ne egkeregreg ne apuy, ne ruen mevandes ne keramag, ne mibmerusireman dan misan meandew pà.

Hibruhanen 3:3

Ugaid ne iyan pà mepurù si Hisus ki Moises, su iring dut te etew ne ebevaley ne iyan pà sikandin egkevantug, kenà ke imbevaley rin.

Hibruhanen 9:4

Ne iyan intahù ketà ne lemisaan ne vulawan ne edtutungan dan te rukut. Ne ruen dema ketà ne iring te kavan ne midsepuwan te bulawan ne midtehuan dut te deruwa ne melumpayà ne vatu ne midsuratan te penduan ne imbehey ki Moises te Eleteala. Ne ruen ketà dema ke bulawan ne kelalew ne netehuan te egkeenen ne ed-ingaranan te mana ne imbehey kandan te Eleteala rengan. Ne rutun dema neketahù ke tuked ni Arun ne mibpeneringsing te dawun.