2 Kurintu 3:13 - Ke meupiya ne tudtul mekeatag ki Hisu Kristu

¹³ Ne kenà key iring ki Moises te guna su ed-elum en ke merayag dut te paras din ne mid-elangan din en ke paras din su apey kenà mekita te menge ruma rin ne Hudiyanen, ke menge kevuwaran ni Israyil, te ed-elum en ke merayag.

2 Kurintu 3:13 ပူးပေါင်းရင်းမြစ်များ

Marcos 8:25

Ne midampen en maa ni Hisus ke mata rut te pisek ne ketà ne mibutatek din te edtengteng ke meama, ne nekeulit en ke kedtengteng din su mepayag en se kebpekekita rin.

Ruma 10:4

Su geina te nekeuma en si Hisu Kristu ne ke keduma ran te penduan ne warè en egkeetahan din, su kayi rà ebpuun te kebperetiyaya tew ki Hisu Kristu se ralan te kebmetidtu te etew riyà te etuvangan te Eleteala.

2 Kurintu 3:7

Rengan te kineuhing te Eleteala te penduan din ki Moises diyà te melumpipì ne batu, ne nelikuvungan te merayag ne raman te Eleteala ke paras ni Moises. Ne ke menge etew ne kenà dan egkevutatek te edtengteng si Moises su egkesirang dan dut te raman din ne misan iring ketà ne midsahad dà. Arà te neuna ne penduan te Eleteala ne imbehey rin ki Moises ne riyà ki egkepeneheewit te kepepatey ne warà edtemanan din su mevaher se gehem din,

Kulasi 2:17

Su langun kayi ne upama ke impenurù dengan mekeatag te engkey se ebpekeuma. Ne si Hisu Kristu ne ke ketumanan dan ne nekeuma en, tembù be eduma kiyu kandin.