2 Kurintu 2:7 - Ke meupiya ne tudtul mekeatag ki Hisu Kristu

⁷ Na gunteani ve ne pesaharan niyu en sikandin wey up-upiani niyu sikandin te ebpehayuk su apey ke sarig din te Eleteala ne kenà egkeawà.

2 Kurintu 2:7 ပူးပေါင်းရင်းမြစ်များ

1 Kurintu 15:54

Ne embiya ini se lawa ta ne ebpatey wey egkeredak ne egkesembian en te Eleteala te lawa ta ne kenà en ebpatey, ne ketà ne egketuman en ke impesurat ne lalag te Eleteala ne egkahi te, “In-awà en te Eleteala ke kepepatey ne ebpekeuma kayi te langun ne menge etew!”

2 Kurintu 2:8

Ne ebuyuen ku keniyu ne ipekita niyu kandin te rekelà niyu te hinawa.

2 Kurintu 5:4

Su taman te kayi kiyu pà te ampew te dunya, ne merakel se egkeheram ta ne merasey. Ne kenà ku iyan egkehiyen ne egkiyug ad ne mehaan ebpatey su apey ku egkeawai ini se lawa ku ne ruen kegkerundus din, ugaid ne iyan ku igkesuat ne igkevehey rin en ke behu ne lawa ku ne riyà ebpuun te langit. Su embiya igkevehey rin en ke behu ne lawa ta ne kenà ebpatey, ne nepupus en ke ketehel dut te kemetayen.

2 Kurintu 7:10

Su ke kemutuwan ne ibehey te Eleteala ne egkegaga rin te kebpedsendit te menge etew te kegkesembii te hinawa ran te kebpekeliyu ran te kedusa te salà dan. Ne kenà dait ne ibpedsendit tew ke kemutuwan ne riyà ebpuun te Eleteala. Ugaid ne ke kemutuwan te menge etew ne kenà eduma te Eleteala su kenà dan ebpedsendit, ne riyà dan ded egkepeneheewit te kepepatey ne warà edtemanan din.

Ipisu 4:32

Ugaid ne iyan niyu iya ul-ulaa ne meupiya, ne pelimlimuey kew wey ipekita niyu ke kegkeyru niyu te ruma niyu. Ne pesehara niyu ke igkeepes niyu dut te menge ruma niyu iring te kinepesehad dut te Eleteala te salà niyu atag dut te kinepatey ni Hisu Kristu.

Pilipus 2:27

Ne benar rema ne midaru si Ipapruditu su deisek samà ne ebpatey, ugaid ne ingkeyru sikandin te Eleteala ne neulian ded. Ne kenà sikandin dà se ingkeyru te Eleteala su siaken dema, su embiya nememenu sikandin ne dekelà pà maa ne kemutuwan ku.

Kulasi 3:13

Kenà kew melemu rà ne egkeepes te ruma niyu misan ruen ibpuun niyu kandan, ugaid ne pesehara niyu. Iring ki Hisus te kenà din en ebpenunduhen ke salà tew, ne iring kew red dema ketà.

1 Tiselunika 4:13

Menge suled, duen pà egkehiyen dey su apey niyu egketueni ke egked-ulaula dut te menge mibperetiyaya ne minatey en. Ibpenudtul dey ini su apey kew kenà egkeuru iring dut te menge etew ne warà ebpenerengen dan ne umur ne warà edtemanan din.

2 Tiselunika 3:6

Menge suled, duen pà duma ne idsuhù dey keniyu su ini se insuhù dut te Kerenan tew ne si Hisu Kristu te kenà kew ebpekiduma rut te menge ruma niyu ne pehulen ne kenà eduma dut te impenurù dey keniyu.