2 Kurintu 2:4 - Ke meupiya ne tudtul mekeatag ki Hisu Kristu

⁴ Tembù arà te kinepeewiti ku keniyu te surat ne nemutuwan a nevenar su iring ma te ebpekesinsinehew en se direlemen ku ne warà ku en metigkeri ke menge luwà ku ne eguriper. Ne kenà iyan meana rut te surat ku se ebehayan ku sikiyu te kemutuwan, ugaid ne ibpekita ku te rekelà ku sikiyu te hinawa.

2 Kurintu 2:4 ပူးပေါင်းရင်းမြစ်များ

2 Kurintu 11:2

Ini se egkehiyen ku keniyu ne ebpekepengelikud a keniyu iring te kebpekepengelikud te Eleteala keniyu embiya eduma kew te ed-arap te tarù ne ebpengerapan. Embiya idsempità ta ne iring kew te senge etew ne raha ne mibpenelenggunian ku en ketà te senge etew ne kenakan ne si Hisu Kristu. Kiyug ku ne lunsey en se hinawa niyu diyà te kandin.

2 Kurintu 12:15

Ne igkehalew ku te ibehey ke menge kearen ku wey ed-eminen ku ke resen ku te edtavang keniyu. Ugaid ne misan mid-iseg te kerekelà ke limù ku keniyu, ne sikiyu ne lemban ne edtustus se limù niyu kediey.

2 Kurintu 2:9

Su midsuratan ku rà sikiyu su apey ku egkekita kayi ke benar ne eduma kew rut te langun ne penduan ni Hisu Kristu ne impenurù ku keniyu.

2 Kurintu 7:12

Ne misan midsurat a keniyu ne kenà ku iyan kedsurati keniyu ne mekeatag keniyan te etew ne nekevaal te salà wey ke etew ne neselaan din. Ugaid ne netuenan te Eleteala te iyan kinesurati ku keniyu ne apey niyu metueni ke endei taman ke limù niyu kenami.

Pilipus 3:18

Ruen nekahi ku en keniyu pehaney te ruen merakel ne etew ne ed-ulaula te meraat ne egkunterà dan ki Hisu Kristu su edsudian dan ke kinepatey rin riyà te pinebelavag ne kayu. Kenà kepipira ku rà ini intarem keniyu ne misan guntaani ne igkahi ku keniyu te egurebpad se luwà ku.