2 Kurintu 11:12 - Ke meupiya ne tudtul mekeatag ki Hisu Kristu

¹² Ne kenà ku iya ed-engkeran ke nekahi ku te kenà a ebuyù keniyan te keniyu su apey kenà edantal ayan se menge etew ne uvag kun ne kedserihan ni Hisu Kristu ne egkahi te mibpesukey a iring dut te ulaula ran.

2 Kurintu 11:12 ပူးပေါင်းရင်းမြစ်များ

Mateo 26:16

In-awà dè be ketà ne ebpemengaan en ni Hudas te ralan te kegkeulug din ki Hisus su apey ran mesigkem en.

1 Kurintu 5:6

Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

1 Kurintu 9:12

Embiya edait ne egkevehayan niyu ke ruma ne ebpenurù keniyu, iyan key pè be kenà duen egkeperateng. Ugaid ne misan duen kewagib dey te ebperateng, ne warà key mebuyù. Misan mepasang en se egketemanan dey ne warà key mebuyù apey kenà meungen ke kebpemesabut dey rut te Meupiya ne Tudtul mekeatag ki Hisus.

2 Kurintu 1:17

Ne geina te warà a meketuman te ebpengkeniyan te keniyu, ne kalu ke egkahi kew te edsalinsalin ke itungan ku. Kunaan niyu vuwa ke iring dà ke itungan ku rut te itungan te menge etew ne iyan dà ebayàbayà kandan ke itungan ne kememenusiyai, su kunaan niyu ke arà te kegkahi ku te, “Uya, ebpengkeniyan a te keniyu,” ne kayi rà te bèbà ku.

2 Kurintu 10:17

Su ruen impesurat ne Lalag te Eleteala ne egkahi te, “Kenà dait ne ruen etew ne edantal te kandin dà ne hinawa, ugaid ne iyan din idantal ke neveelan te Eleteala.”

2 Kurintu 11:18

Su geina te ruen merakel ne edantal te helevek dan kayi te ampew te dunya, ne egkepakey red dema ke ruen deisek ne egkekahi ku te kedì ne keeetawi.

2 Kurintu 11:9

Su ke keniyan e pà te keniyu ne warà a mebuyù te misan engkey ne peginawà ku su iyan mibehey kedì te misan engkey ne kurang ku ne ke menge etew ne mibperetiyaya riyà te inged ne Mesidunya. Warà a mebuyù keniyu wey kenà a iya ebpekeuringer keniyu te misan keenu ne hewii.

2 Kurintu 5:12

Ini se menge lalag dey ne kenà dey egkiyuhan ne sikami ne egkereyù niyu. Ugaid ne iyan dey egkesuatan ne egketuenan niyu ini se benar su apey kenà key egkeyeyaan ne idtindeg niyu diyà te menge etew ne ed-isuhat kenami su iyan den dà edtengtengan ne paras te etew ne kenà ke ulaula rin ke meupiya ve etawa ke kenà.

Gelasiya 1:7

Ugaid ne warà en duma pà ne Meupiya ne Tudtul ke kenà ini rà se penduan mekeatag ki Hisus ne impenurù ku keniyu. Ugaid ne ruen menge etew ne ebpeketarin te itungan niyu, su edsembian dan te tarù ini se Meupiya ne Tudtul mekeatag ki Hisus.

1 Timoteo 5:14

Embiya ke kediey rà kayi te menge valu ne sesangen pà, ne medsaup den pà mebpeesawa ne tugenura ran ke sikandan ne telteleanak apey warà meraat ne egkekahi rut te menge etew ne warà mebperetiyaya ne ebpekesuhat kandan.