2 Kurintu 1:4 - Ke meupiya ne tudtul mekeatag ki Hisu Kristu

⁴ Su misan engkey se egkerumpak tew ne kemerehenan ne edtevangan kiyu rin su apey kiyu ebpekehuru riyà te kandin ne iring be rema ketà se kedtevangi tew ke menge ruma tew ne egkerehenan.

2 Kurintu 1:4 ပူးပေါင်းရင်းမြစ်များ

Juan 14:16

Ne ebuyù a riyà te Amey ku su apey rin igkevehey keniyu ke Edtavang keniyu ne ebpekesambì kedì, ne kenà edsuwey keniyu taman te taman.

Juan 14:18

“Ne kenà ku sikiyu ed-ewaan,” ke si Hisus, “iring te menge ilu su edliveran ku red sikiyu.

Juan 14:26

“Ugaid ne misan ed-ewaan ku en sikiyu ne ruen en edsuhuen te Amey ku ne ebpekesambì kediey ne edtavang keniyu. Ini se edtavang keniyu ne ke Kedesenan ne Ebpetuntul te Menusiyà su sikandin se ebpenurù keniyu te langun taman, ne ebpetenuran din dema keniyu ke langun ne migkahi ku.

2 Kurintu 7:13

Ketà puunan ne rekelà se kegkehalew ku. Ne mid-iseg se kegkehalew ku te nekita ku ke kinekehalew ni Tito, ne iyan din kegkehalew su nekita rin ke meupiya ne menge ulaula niyu kandin ne nevag-et se hinawa rin.

2 Kurintu 7:4

Rekelà se kedsarig ku keniyu, ne lelayun ku rema egkereyù sikiyu. Misan merakel se kemerehenan ku, ne warà lavew mepiley ke itungan ku su rekelà nevenar se kinekehalew ku keniyu.

Pilipus 1:14

Guna te netuenan dut te kerekelan te menge suled tew ne mibperetiyaya te ini a te bilengguan, ne mid-iseg ke kedsarig dan ki Hisu Kristu ke Kerenan tew. Nasì pà se neawà ke andek dan ne kenà dan en egkealang-alang ne ebpesabut dut te lalag te Eleteala.

1 Tiselunika 4:18

Tembù be, ini ne impesabut ku keniyu ne ibpenurù niyu te menge ruma niyu ne mibperetiyaya su apey ran kenà egkeuru.

1 Tiselunika 5:11

Na geina te ini se edtaharan ta, ne beg-eta niyu ke hinawa dut te menge ruma niyu wey petebtevangey kew.

Hibruhanen 12:12

Engketà be arà ne ehet-eheta niyu ke kedsarig niyu te Eleteala su apey misan ebpekepevayà kew te kemerehenan ne kenà medlugkà se peretiyaya niyu.