2 Juan 1:9 - Ke meupiya ne tudtul mekeatag ki Hisu Kristu

⁹ Su ke etew ne edsuwey rut te benar ne impenurù ni Hisu Kristu etawa ed-umanan din pà maa te tarù, ne warà mebpekidseveka sikandin te Eleteala. Ugaid ne ke etew ne iyan din egeweran te mevaher ke benar ne impenurù ni Hisu Kristu, ne mibpekidseveka sikandin dut te Amey tew ne Eleteala wey ke Anak din.

2 Juan 1:9 ပူးပေါင်းရင်းမြစ်များ

Mateo 11:27

Ne migkahi si Hisus diyà te menge etew te, “Ke Amey ku se mibpesarig kediey te langun taman. Warà netau kedì te Anak a te Eleteala liyu rà te Amey ku ne Eleteala. Ne warà netau te Amey ku ne Eleteala liyu rà te siaken ne Anak din wey ke menge etew ne egkiyuhan ku te ebpayag mekeatag dut te Amey ku.”

Lucas 10:22

Ne migkahi maa si Hisus dut te menge etew te, “Ke Amey ku se mibpesarig kediey te langun taman. Warà netau kedì te Anak a te Eleteala liyu rà te Amey ku ne Eleteala. Ne warà netau te Amey ku ne Eleteala liyu rà te siaken ne Anak din wey ke menge etew ne egkiyuhan ku te ebpayag mekeatag dut te Amey ku.”

Juan 14:6

Midtavak si Hisus te, “Siaken ke ralan te Eleteala, siaken ke ebpuunan te benar, ne siaken ded ke ebpuunan te umur ne warà edtemanan din. Warà etew ne ebpekependiyà te Amey ku embiya kenà kayi ebpevayà te kediey.

Juan 15:6

Su ke etew ne ebpitas kediey,” ke si Hisus, “ne igketimbag sikandin iring dut te subpang ne idtimbag su egenguwen. Embiya nehangu en, ne eburunen ne idtimbag diyà te apuy su ebinsulan.

Juan 5:23

Iyan din kinesarig kedì su apey siaken ne Anak din ne egkereyrey rut te langun ne menge etew, iring te kedeyreya ran te Amey ku. Su misan engkey en ne etew ne kenà edeyrey kedì ne kenà dema edeyrey dut te Amey ku ne Eleteala ke midsuhù kedì.

Juan 8:31

Ne migkehiyan ni Hisus ke menge Hudiyanen ne mibperetiyaya en kandin te, “Embiya ibperayun niyu ke keduma niyu rut te menge penurù ku keniyu ne benar kew en ne edumdumaan ku.

Nenged-ulaula 2:42

Uman gewii ne ebpemineg dan dut te ibpenurù te menge kedserihan, ne neseveka ke hinawa dut te langun ne menge mibperetiyaya ki Hisus. Langun dan ne mid-amung te egkaan te pan su kedtenuri ran dut te kinepatey ni Hisus, ne mid-amung dan lavew te kebpengeningeni te Eleteala.

Kulasi 3:16

Itahù niyu nevenar te hinawa ke langun ne nerineg niyu ne impenurù ni Hisus apey niyu egkeherami ke engkey se keupiya rin, ne ini se nehuruwan niyu ketà ne ipenurù niyu wey ibpesabut niyu rut te menge ruma niyu. Pemeyveyuka niyu ke keupiya te Eleteala kayi te iringà niyu apey kew ebpeketavang te ruma ne etew, ne peselamat kew ve te Eleteala kayi te iringà niyu egenat dut te dekelà ne hinawa niyu.

Tito 2:10

kenà dan mebpemenakew, ugaid ne layun dan mebpekita te langun ne ulaula ran ne egkeserihan. Su embiya iring ketà ne langun ne ed-ul-ulaan dan ne meupiya, ne ed-iseg se kegkeinesa rut te menge etew kayi te tidtu ne penurù te Eleteala ne ebpeliyu kenitew.

Hibruhanen 3:14

Su embiya egewaran tew te mevaher ini se sarig tew te behu ki pà mebperetiyaya ki Hisus taman te ketepusan, ne ebpekeruma ki kandin dut te langun ne imbehey kandin te Amey rin.

Hibruhanen 6:1

Engketà be arà ne kenà kiyu ed-ulit-ulit dut te melemu rà ne penurù mekeatag ki Hisu Kristu ne nehuruwan ta en pehaney su apey ki ebpekeiseg te eguru rut te metua ne penurù ne edait dut te metua en ne etew. Su warà keupianan ne egketelimà tew embiya iyan tew rà ed-ul-ulitan ke neuna ne penurù mekeatag dut te kebpedsendit wey ke kebperetiyaya te Eleteala

1 Juan 1:3

Na ini se nekita rey wey ini se nerineg dey ne ini en se ibpenudtul dey keniyu su apey sikiyu ne duma rey su mibpekidseveka key rut te Amey tew ne Eleteala wey ke Anak din ne si Hisu Kristu.

3 Juan 1:9

Ne ruen insurat ku mekeatag te ini riyà te menge mibperetiyaya ne egkevurun ketà. Ugaid ne si Diyutripis ne kenà din ebpeminehen ini se lalag ku, su iyan din igkesuat ne sikandin se edlingekaan dut te menge mibperetiyaya riyà.