1 Tiselunika 5:7 - Ke meupiya ne tudtul mekeatag ki Hisu Kristu

⁷ Su iyan dà dait ne idlipereng te menge etew ne merukilem. Ne ketà dema ne nelayaman te menge etew te egkehubug.

1 Tiselunika 5:7 ပူးပေါင်းရင်းမြစ်များ

Juan 2:10

ne migkahi te, “Iyan tew nelayaman ne betasan te embiya ruen kevurunan tew ne iyan tew id-una te ebpeinum ke meupiya ne binu, ne embiya ve su ebpengevulung dan en ne arà pà ne ibpeinum ke binu ne mekurangkurang se nanam din. Ugaid ne sikuna,” ke se meama “ne ke meupiya ne binu ne impememewri nu te ebpehendad su ini pà ne impelepew nu.”

Nenged-ulaula 2:15

Iyan niyu kunaan ne netevereg en ini se menge ruma ku, ugaid ne kenà egkepakey su edluuk pà ebpemenayik ke andew.

Ruma 13:13

Uya, ed-upianan ke menge ulaula tew su ini ke dait ne ed-ul-ulaan dut te menge etew ne ed-ubpà te kerayahan. Ne kenà ki en ebpemekiduma dut te kevurunan te menge etew ne ebpengasak te temperasà wey ebpenginum te ebpeketevereg, ne kenà ki ebpengingniyug etawa ed-ulaula te misan engkey en ne mekeyeyà ne kenà ki ebaal te kewahaan etawa egkeima.

1 Kurintu 15:34

Gimerata niyu en ke mata niyu su apey kew ebpekeimaman, ne engkeri niyu en ke ulaula niyu ne meraatey. Migkehiyan ku sikiyu kayi su apey kew egkeyeyai su ruen keniyan te keniyu ne reisek pà se netuenan din mekeatag te Eleteala!

Ipisu 5:14

Ne ketà te egkekita ran ke meraat, ne egkepayahan dan te itungan dan ne edtidtuwen dan. Tembù be ruen beseanan ne egkahi te, “Sikew ke iring te edlipereng, imaman kad; Uya, su iring ke en te minatey, ne mevanew kad; Ne edtayawan ni Hisu Kristu ke itungan nu.”

Ipisu 5:18

Kenà kew ve ed-inum te ebpeketevereg su ayan ne ebpekegkeraat keniyu. Ugaid ne iyan niyu peveybeyaa te hinawa niyu ke Kedesenan ne Ebpetuntul te Menusiyà.

2 Pedro 2:13

Ne edresayen dan dema su atag te daan ne kedrasey ran dut te menge ruma ran. Su sikandan ne misan meandew ne kenà dan egkeyeyaan te ed-ulaula te kiyug dan ne meraat ne ibpatà te nanam dan. Kenà edait ne ebpekidtuhen dan diyà te kevurunan niyu su mekeyayà se ulaula ran, su iyan dan kiyug ne ed-ekalan kew ran mekeatag te meredsik ne ed-ul-ulaan dan.