1 Tiselunika 4:5 - Ke meupiya ne tudtul mekeatag ki Hisu Kristu

⁵ Su apey ke ulaula niyu ne kenà iring dut te menge etew ne kenà ebperetiyaya te Eleteala ne iyan ebayàbayà kandan ne ke kiyug te lawa ran.

1 Tiselunika 4:5 ပူးပေါင်းရင်းမြစ်များ

Mateo 6:32

(Su ini imbe ke layun intahù te hinawa rut te menge etew ne kenà ebperetiyaya te Eleteala.) Ugaid ne sikiyu, ne kenà kew meuru su netuenan dut te Amey niyu ne Eleteala ke engkey se kurang niyu.

Lucas 12:30

Su ini imbe ke layun intahù te hinawa rut te menge etew ne warà mebperetiyaya rut te benar ne Eleteala. Ugaid ne sikiyu ne kenà kew meuru su netuenan dut te Amey niyu ne Eleteala te engkey se kurang niyu.

Nenged-ulaula 17:23

Su gewii ku te kedlauglaug kayi te inged niyu ne nengekita ku ini se ed-erapen niyu. Ne ruen seveka dema ne ebpengerapen niyu ne nekita ku ne duen insurat ketà ne lalag ne egkahi te, ‘Ini se ebpengerapan ne Eleteala ne warà pà metueni.’ “Na,” ke si Pablo, “ini se Eleteala ne ebpengerapen niyu ne misan warà niyu pà metueni, ne ini iya ke ibpesabut ku keniyu.

Ruma 1:24

Tembù be mibelehad dan en te Eleteala te ed-ulaula ran te kiyug te lawa ran ne meredsik, ne ini se mibeelan dan te kandan ne lawa ne mekeyeyà.

Ruma 1:26

Su mid-iniyuhan dan ke Eleteala, ne mibelehad en dema rut te Eleteala te ed-ul-ulaan dan ne kandan dà ne kiyug ne meredsik. Su misan ke menge meritan ne kenà en ke esawa ran ke ed-uliren dan, ugaid ne meritan ded se igkeerihi ran.

Ruma 1:28

Su warà te hinawa ran ke benar mekeatag te Eleteala, ne ketà mibelehad en te Eleteala sikandan te iyan ebayàbayà te itungan dan ne utew meraatey. Tembù be iyan dan ed-ul-ulaan ne meraat.

1 Kurintu 1:21

Su ayan ne menge ketau te itungan ne kenà ayan ke ralan ne kegkesebuti tew te Eleteala. Ugaid ne ke puunan te ralan te kegkeriweswasi tew te Eleteala ne riyà ded ebpuun te kandin ne eturan. Ini se eturan din ne ebpekepeliyu keytew atag dut te kebperetiyaya tew rut te Meupiya ne Tudtul ne impemesabut dey, misan ini se impemesabut dey ne warà kun rantek din.

1 Kurintu 15:34

Gimerata niyu en ke mata niyu su apey kew ebpekeimaman, ne engkeri niyu en ke ulaula niyu ne meraatey. Migkehiyan ku sikiyu kayi su apey kew egkeyeyai su ruen keniyan te keniyu ne reisek pà se netuenan din mekeatag te Eleteala!

Gelasiya 4:8

Rengan te warà niyu pà metueni ke tidtu ne Eleteala, ne mibpengunguripen kew rut te ebperetiyayaan niyu ne tumitimà ne kenà tidtu ne Eleteala.

Ipisu 2:12

Pehaney iya rema ne mebmeriyù kew ki Hisu Kristu ne warà kebpenareng niyu te kebpekeuma rin, su kenà kew Hudiyanen ke inenakan ni Israyil ne mibpemilì te Eleteala ne menge etew rin. Tembù be kenà kew ebpeketelimà dut te keupianan ne impasad te Eleteala kandan te edsuhù sikandin te ebpekepeliyu kandan ne ed-ingaranan ki Hisu Kristu. Ne pehaney te miduma kew pà te meraat ne ulaula rut te menge etew kayi te ampew te dunya, ne warà egkepenareng niyu ne tavang te Eleteala su warà niyu ma metueni ke engkey se benar ne Eleteala kayi te ampew te dunya.

Kulasi 3:5

Tembù be engked kew se ed-ulaula te meraat ne ke daan en ne ulaula te menge etew kayi te ampew te dunya iring dut te kebpengingniyug wey langun ne meredsik ne ulaula ne igkesuat te menusiyà. Ne engkeri niyu ne betasan ayan se kegkeima, su embiya kenà niyu ed-engkeran ne ke kearen ne igkesuati niyu ne arà se egkevaluy ne kerenan niyu.

2 Tiselunika 1:8

Ketà te kebpekeuma rin ne iring te egkeregreg ne apuy ini se lawa rin. Ne edusaan din ke menge etew ne mid-engkenà te Eleteala, ini se kenà ebperumaruma rut te Meupiya ne Tudtul mekeatag ki Hisu Kristu ke Kerenan tew.

1 Pedro 4:3

Ustuen ketà te hewii ne mid-usar ta te iyan ta ed-ul-ulaan ne engkey se kiyug te ed-ul-ulaan te menge etew ne kenà ebperetiyaya te Eleteala. Su rengan ne ruen ed-ul-ulaan ta ne meredsik, wey ini se ulaula ne ebpatà ki te nanam. Lelayun ki ed-inum te ebpeketevereg wey ke kebpengingniyug ta. Ne ruen betasan ta ne egkevurun ki su edhubughubug wey ke kebpengarap ta te ledawan dà ne kenà tidtu ne Eleteala ne medmeraat ini diyà te etuvangan din.