1 Tiselunika 4:13 - Ke meupiya ne tudtul mekeatag ki Hisu Kristu

¹³ Menge suled, duen pà egkehiyen dey su apey niyu egketueni ke egked-ulaula dut te menge mibperetiyaya ne minatey en. Ibpenudtul dey ini su apey kew kenà egkeuru iring dut te menge etew ne warà ebpenerengen dan ne umur ne warà edtemanan din.

1 Tiselunika 4:13 ပူးပေါင်းရင်းမြစ်များ

Mateo 27:52

Ne ruen menge penlelevengan ne surung ne nengepuwasan, ne merakel ke minatey ne mibperetiyaya ki Hisus ne nengevanew en.

Juan 11:24

“Uya,” ke si Marta, “netuenan ku se egkevanew red sikandin keuremà dut te kebenawa te menge minatey ketà te mewri ne hewii.”

Nenged-ulaula 13:36

“Na netuenan ta, menge suled,” ke si Pablo, “ne midtuman ni David arà se mibpeveelan kandin te Eleteala, ne guna su neipus din na minatey en. Ne inleveng sikandin diyà te ulid te midlevengan te menge apù din, ne neredak ke lawa rin.

Nenged-ulaula 7:60

Ketà ne mibpenimbuel en sikandin ne mibmerahing se suwara rin se egkahi te, “Ey Kerenan, kenà nu penunduha ke menge salà dan!” Neipus din dà te egkahi ini, ne nepandus en ke hinawa rin.

Ruma 1:13

Menge suled, ebpeketuenan ku keniyu te kenà kepipira ku rà pegitunga te kebpenumbaley ku riyà te keniyu, ugaid ne ruen ma ebpekevangen kediey. Su egkesuatan ku ne ebpemesabut a riyà te keniyu su apey ruen etew ne ebpekeperetiyaya ki Hisus iring dut te kinepesabut ku riyà te ruma ne menge inged ne kenà Hudiyanen.

1 Kurintu 10:1

Menge suled, iyan niyu pegitunga ke netemanan rengan dut te menge apù dey ne menge Hudiyanen ne miduma ki Moises. Su neelungan dan te sehulapun ne tuus te miduma ke Eleteala kandan. Ne mibpevayà dan te ralan ne mibeelan te Eleteala diyà te rahat ne ed-ingaranan te Merihà ne warà nelened.

1 Kurintu 12:1

Na menge suled, ruen ini egkehiyen ku mekeatag te ruma ne insà niyu kediey, su kiyug ku ne egketuenan niyu mekeatag te menge ketau ne ibehey rut te Kedesenan ne Ebpetuntul te Menusiyà.

1 Kurintu 15:6

Neipus arà ne mibpekita sikandin diyà te nevurun ne menge sakup din ne labi lelima nehatus. Ruen en minatey kandan, ugaid ne taman guntaani ne merakel pà kandan se biviyag.

2 Kurintu 1:8

Na menge suled, ebpeketuenan dey keniyu se midrasey key dut te menge etew ne riyà te inged ne Asiya. Kenà dey egketuenan te ebpegusaring ke taman ne impepekaid dan kenami, su iyan dey pegitungan ne kenà dey en egkegaga te edtigker ke imped-ulaula ran kenami su kunaan dey ke ibpatey rey en.

Ipisu 2:12

Pehaney iya rema ne mebmeriyù kew ki Hisu Kristu ne warà kebpenareng niyu te kebpekeuma rin, su kenà kew Hudiyanen ke inenakan ni Israyil ne mibpemilì te Eleteala ne menge etew rin. Tembù be kenà kew ebpeketelimà dut te keupianan ne impasad te Eleteala kandan te edsuhù sikandin te ebpekepeliyu kandan ne ed-ingaranan ki Hisu Kristu. Ne pehaney te miduma kew pà te meraat ne ulaula rut te menge etew kayi te ampew te dunya, ne warà egkepenareng niyu ne tavang te Eleteala su warà niyu ma metueni ke engkey se benar ne Eleteala kayi te ampew te dunya.

Ipisu 2:3

Ne langun tew ne neked-iring ded pehaney, su iyan tew rà edumaan te kiyug tew. Iyan ebayàbayà kenitew ke kebpatà te nanam tew wey piya engkey ne meraat ne ebpekepemula te itungan tew ne arà se edtumanen tew. Ne ketà ne warà ded mibiraan tew dut te ruma, su warà duma ne ebpesineruwan tew ke kenà edusaan kiyu te Eleteala iring dut te langun ne menge etew ne kenà eduma kandin.

1 Tiselunika 4:14

Su sikita ne mibperetiyaya ki te minatey si Hisus, tembù be ebperetiyaya ki te ke menge mibperetiyaya kandin ne minatey en ne ebenawen te Eleteala su apey ran ebpekeruma ki Hisus ketà te kedlived din kayi.

1 Tiselunika 4:15

Ini se impenurù dut te Kerenan tew ne si Hisus ne ibpenudtul dey keniyu: embiya kenà ki pà ebpatey dut te hewii te kedlived din kayi, ne kenà sikita se egkeuna te ebalak kandin dut te menge ruma ta ne mibperetiyaya ne minatey en su ebpekeredsà ki.

1 Tiselunika 5:10

Su sikandin se mibpeimatey mekeatag keyta su misan minatey ki en etawa biviyag ki pà te arà ne hewii te kedlived din kayi, ne ed-ubpà ki riyà te kandin taman te taman.

1 Tiselunika 5:6

Tembù be iyan iya se kenà ki ed-iring dut te menge etew ne edlipereng, ugaid ne ibpelevundus ta ke meupiya ne ulaula ta wey ebpenehana ki rut te kebpekeuma rin.

2 Pedro 3:4

“Kenà be migkahi ni Hisus te edlived sikandin kayi te ampew te dunya? Ne endei buwa sikandin? Mibpenareng kandin ke menge keep-epuan tew rengan ne neuhet dà ne minatey ran en, ugaid ne taman guntaani ne warà nesembian kayi te inged tew egenat dut te rudsuan te kinelimbag te Eleteala kayi.”

2 Pedro 3:8

Na menge suled ku ne igkelimù ku, iyan niyu pegitunga ne diyà te itungan te Eleteala ne ke senge hewii ne warà ebiraan din dut te sengivu ne rahun, su diyà te itungan din ne neked-iring se keuhet din.