1 Tiselunika 3:1 - Ke meupiya ne tudtul mekeatag ki Hisu Kristu

¹ Ketà te kenà dey en egketigkeran ke kegkelimengawi rey keniyu, ne netahù te itungan dey te ebpelintetahak key diyà te inged ne Etenas

1 Tiselunika 3:1 ပူးပေါင်းရင်းမြစ်များ

Nenged-ulaula 17:15

Ke menge etew ne mid-ated ki Pablo ne miduma ran kandin taman te inged ne Etenas. Ne ketà ne mid-ulì dan diyà te inged ne Beriya se ed-ewit te telaan ni Pablo te ibpehaangaan ibpetundug si Silas ki Timoteo.

Nenged-ulaula 17:16

Ne tehaad te kedtehari ni Pablo ki Silas wey si Timoteo riyà te inged ne Etenas, ne neliveg se itungan din te nekita rin ne medmerakel ne ledawan ne ebpengerapen dut te menge etew ketà.

2 Kurintu 2:13

Ugaid ne iyan ingkepeguru te hinawa ku ne warà ku metuen ke suled tew ne si Tito. Geina te warà ku metuen sikandin, ne mibpemehetew ad dut te langun ne mibperetiyaya ketà su midlaus ad diyà te inged ne Mesidunya.

1 Tiselunika 2:17

Menge suled, misan warà pà meuhet ke kineawà dey keniyan te keniyu ne egkelimengawan key nevenar keniyu. Ugaid ne misan warà key en keniyan, ne kayi kew red lavew te itungan dey. Ne egkiyuhan dey nevenar te ebpemekebalak kiyu maa.

1 Tiselunika 3:5

Tembù be ketà te nerineg ku mekeatag te kebpekesekiti keniyu ne warà a meketigker, ne impepengkeniyan ku si Timoteo su apey ku metueni mekeatag dut te kebperetiyaya niyu. Su neuru ad su kalu ke negaga kew en rut te penggeram ni Setanas ke datù te pekaid, ne ketà ne ke helevek dey te ebpemesabut te Lalag te Eleteala ne warà atag din.