1 Tiselunika 2:10 - Ke meupiya ne tudtul mekeatag ki Hisu Kristu

¹⁰ Su ketà te riyà key pà te keniyu ne netuenan niyu wey ke Eleteala rema ne netuenan din te meupiya se ed-ul-ulaan dey keniyu ne menge mibperetiyaya. Warà igkesawey te ed-ul-ulaan dey su mid-ulaula rey ke ebpekesuhat te hinawa te Eleteala.

1 Tiselunika 2:10 ပူးပေါင်းရင်းမြစ်များ

Lucas 23:41

Dait ta ini te deruwa se ed-imetayen su id-ulì dà keyta ke kereatey te ulaula ta. Ugaid ne ini se etew ne egkeimetayan te warè en iya meraat ne ulaula rin.”

Nenged-ulaula 20:18

Nekeuma ran ne migkehiyan din sikandan te, “Netuenan niyu ke engkey se mid-ulaula ku te langun ne hewii ku te kayi e pà te keniyu igenat te hewii ne nekeuma a kayi te pruvinsiya te Asiya.

Nenged-ulaula 20:26

Tembù be egkehiyen ku keniyu ke embiya ruen misan senge etew keniyu ne kenà ebpekeliyu dut te kedusa te Eleteala kandin, ne kenè en kilid kediey.

Nenged-ulaula 24:16

Tembù be ebpegelep a te ed-ulaula te meupiya su wey warà igkesewayi kediey te Eleteala wey misan engkey en ne etew.

2 Kurintu 1:12

Nehalew key te netuenan dey ne warà meraat ne mid-ulaula rey diyà te menge etew, labi en kayi te keniyu. Ini se ed-ul-ulaan dey ne metidtu su iyan dey edtumanen ke kiyug te Eleteala. Ne kenà kememenusiyai rà ne ketau se edumaan dey, su iyan dey edserihan ne ke tavang te Eleteala kenami su apey iyan dey ed-ul-ulaan ne ke ebpekesuhat.

2 Kurintu 11:11

Menu, iyan niyu buwa egkepegitung ne geina te nekahi ku ini ne warà limù ku keniyu? Ugaid ne netuenan te Eleteala ke kerekelà te limù ku keniyu!

2 Kurintu 11:31

Ne ini se egkehiyen ku ne kenà tarù su netuenan dut te Eleteala ne Amey tew ne ke Amey ni Hisu Kristu ne Kerenan tew. Ne edeyuen tew sikandin taman te taman!

2 Kurintu 4:2

Ayan se ibpegelesà ne ulaula ne ebpekeyeyà ne mid-engkeran dey. Kenà dey ed-ul-ulaan se kebpegekalà. Kenà dey edsembian ke Lalag te Eleteala, ugaid ne iyan dey egkehiyen ne ke benar. Iyan dey rà ed-ul-ulaan ne ibpekita te menge etew te warà meraat ne itungan dey, ne netuenan ini te Eleteala su sikandin se ed-usisa te langun ne ulaula rey.

2 Kurintu 5:11

Geina te netuenan dey se kedtimbanga ni Hisu Kristu ke Kerenan tew ne mekeandek, ketà be ne egkiyuhan dey ne egkepuyuk ke langun te kebperetiyaya kandin. Ne netuenan te Eleteala se metidtu ini se ed-ul-ulaan dey, ne egkiyuhan dey ne egketuenan niyu rema.

2 Kurintu 7:2

Na ini maa se egkehiyen mekeatag te sikami ne itahù key nikiyu te hinawa su warà meraat ne mid-ulaula rey te misan endei keniyu. Warà senge etew rà ne nerupang dey, ne warà etew ne midlimbungan dey keniyu.

1 Tiselunika 1:5

Netuenan dey ini su ke kebpemesabut dey dut te Meupiya ne Tudtul riyà te keniyu ne kenà kayi te lalag dey rà, ugaid ne midumaan dut te gehem te Kedesenan ne Ebpetuntul te Menusiyà. Ne neheram niyu ini, tembù be mibperetiyaya kew rut te kebpemesabut dey. Ne nekita niyu rema ke meupiya ne betasan dey te riyà key med-ubpà te keniyu su langun ne mid-ulaula rey ne ke keupianan niyu.

1 Tiselunika 2:5

Netuenan niyu ne metidtu se kedlalag dey keniyu ne kenà dey midigdig dà sikiyu su apey niyu edumai ke ebuyuen dey, ne kenà ki engkungkun ne meupiya su apey ruen egkekuwa rey. Netuenan te Eleteala te benar ini.

2 Tiselunika 3:7

Su netuenan niyu te kenà dey igkepehuli te kegelevek te keniyan key pà te keniyu, ne arà imbe se iringi niyu.

1 Timoteo 4:12

Na Timoteo, kenà nu idluhut se kedsudian ka misan engkeniyan te menguwed ke pà, ugaid ne iledawan nu rut te langun ne menge ruma niyu ne mibperetiyaya. Ipekita nu ke keupiya ne egkeiringan dan kayi te lalag nu wey ke ed-ul-ulaan nu. Pekita ka te limù dut te menge ruma nu wey ke tidtu ne sarig nu te Eleteala, ne ipekita nu kandan te warà meraat ne netahù te itungan nu su apey sikuna se egkeiringan.

2 Timoteo 3:10

Ugaid ne sikuna, Timoteo, netuenan nu en te kenà a iring ketà su netuenan nu en ke engkey ke impenurù ku wey ke ed-ul-ulaan ku wey engkey se mibpegelepan ku te egelevek. Netuenan nu en ke kedsarig ku te Eleteala, ne netuenan nu rema ke kebpenginum ku te meadsil wey ke kinepekita ku te limù dut te ruma ne menge etew wey ke kedtigker ku te merasey.

1 Pedro 5:3

Ne arà te kebpeneheewit ta kandan ne kenà ki edsuhù dà. Ugaid ne iyan meupiya ne ibpekita ta kandan ke ulaula ne meupiya su apey sikita ne iyan dan ed-iringan.