1 Tiselunika 1:9 - Ke meupiya ne tudtul mekeatag ki Hisu Kristu

⁹ Su sikandan en se ebpemenudtul mekeatag te kegalàhalà niyu kenami ketà te kebpekeuma rey keniyan te keniyu. Ne ebpemenudtul dan mekeatag dut te kebpekeengked niyu te ebpengarap te ledawan dà ne kenà tidtu ne Eleteala su apey kew ebpengarap dut te tidtu ne Eleteala ne warà kemetayen din.

1 Tiselunika 1:9 ပူးပေါင်းရင်းမြစ်များ

Mateo 16:16

Ne midtavak si Pedro te, “Sikuna ke Impasad ne Ebperetuen te langun ne menge etew dut te Eleteala ne warà kemetayan din, ne sikuna ke Anak din.”

Nenged-ulaula 14:15

“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.

Ruma 9:26

Ne misan diyà te inged ne migkahi ku kandan te kenà sikandan ke sakup ku, ne ketà ne egkehiyan ku sikandan te sikandan ke tidtu ne menge anak te Eleteala, ke Eleteala ne warà kemetayen din.”

1 Kurintu 12:2

Netuenan niyu te warà kew pà mebperetiyaya ki Hisus, ne nepeneheewit kew te kebpengarap te kenà tidtu ne ebpengerapen ne warà hinawa rin. Ne ketà te mibpengarap niyu arà, ne nekesuwey kew en dut te tidtu ne Eleteala.

1 Tiselunika 2:1

Menge suled, netuenan niyu te kinepengkeniyan dey te keniyu ne neketavang keniyu su nevaluy ne keupianan niyu.

1 Tiselunika 2:13

Ne egkehiyen ku maa te layun dey ebpeselemati te Eleteala te midtelimà kew te Lalag din. Su ketà te kebpesabut ku kayi riyà te keniyu ne warà niyu kehiya te lalag ini ne mibèbeelan dà te etew, ugaid ne mibpemineg kew ne midtelimà kew te ini ne Lalag iya te Eleteala. Su ini se Lalag din, ne ruen gehem din te edtavang te menge mibperetiyaya su apey ran ed-ul-ulaa ke engkey se metidtu.

1 Timoteo 4:10

Tembù be ebpegelep te egelevek te Eleteala su edsarig ki te Eleteala ne warà kemetayan din ne iyan ebpekepeliyu te langun ne menge etew, labi en ke menge etew ne mibperetiyaya kandin.

Hibruhanen 12:22

Ugaid ne sikitew ve guntaan, ne ini ke ralan te kebpekeuvey tew te Eleteala ne kenè en iring dut te menge Hudiyanen dengan su iring te nekeuma ki en dut te buvungan ne ed-ingaranan te Siyun ne ed-ubpaan te Eleteala ne warà kemetayan din. Ne ini se inged ne riyà te langit ne ed-ingaranan te Behu ne Hirusalim ne ruen egngivungivuwan ne menge suluhuen din dema ne edeyù kandin.

1 Juan 5:21

Menge anak ku, pekeriyù kew te ked-erapa niyu rut te langun ne kenà iya tidtu ne Eleteala. Arà dà taman. Juan

Imperayag 17:2

Ne mibpengingniyug kandin ke langun ne menge datù dut te ampew te dunya, ne langun ne menge etew dut te ampew te dunya ne mibpeewit dema kandin kayi te binu rin ne mibpearig kandan.”