1 Timoteo 6:6 - Ke meupiya ne tudtul mekeatag ki Hisu Kristu

⁶ Ne benar ne sikitew ne mibperetiyaya en te Eleteala ne ruen ke kewesai tew, ugaid ne kenà kearen ini. Su iyan dekelà te hinawa tew ini se kebpesakup tew te Eleteala wey kebmeupiya te hinawa tew ke misan deisek dà ne kearen tew.

1 Timoteo 6:6 ပူးပေါင်းရင်းမြစ်များ

Lucas 12:15

Ne midlalag en si Hisus ketà te merakel ne etew te, “Uram kew wey inteng kew te ulaula niyu te warà kegkeeram-am niyu. Su ke tidtu ne puunan te kegkeuyag te etew ne kenà diyà te kearen ne egeweran din.”

Lucas 3:14

Ne ruen dema menge sundaru ne mid-insà kandin, ke sikandan te, “Nemenu sikami? Engkey se kenami ne ed-ul-ulaan?” Ne migkahi si Juan te, “Engkeri niyu ini se kebpenguwa te pirak te kebpemehes niyu wey ini se kebpenguwa te pirak te etew ne edtevuan niyu. Kenà kew ebpeuman te sukey niyu kayi te kedlimbung niyu.”

Ruma 8:28

Ne sikitew ke mibpemilì te Eleteala te iyan nerumaan ke netahù te itungan din, netuenan tew te langun ne egketemanan tew ne ebeluyen din ne keupianan tew kayi te keytew ne egkelimù kandin.

2 Kurintu 4:17

Ne ini se kemerehenan ne igkerasey rey guntaani ne edsahad dà, ugaid ne ke kedtigker dey te keresayan ne ruen egkeperateng dey ketà te akir din ne hewii ne ibehey rin keytew ne muna pà dut te igkerasey rey.

Pilipus 1:21

Su gewii te kayi e pà te ampew te dunya, ne si Hisu Kristu rà se dekelà te hinawa ku. Ugaid ne embiya ebpatey a ne meupiya pà su ebpekelintad a diyà te kandin.

1 Timoteo 4:8

Meupiya se kedlumbad ta te lawa ta su apey ki ebmevaher, ugaid ne iyan pà muna ne ibaher tew te itungan tew se keduma tew te Eleteala. Su embiya ini se ed-ul-ulaan tew, ne ruen keupianan te kegkeuyag tew kayi te ampew te dunya wey ruen ded dema ketà te keuhet din ne hewii diyà te langit.

1 Timoteo 6:8

Ketà be ne embiya maa duen ded egkekaan tew wey duen belegkas tew, ne edupianen tew en te hinawa tew.

Hibruhanen 13:5

Uram kew te kegkiyug niyu te pirak, ne endei rà taman se nearen niyu ne igkehalew niyu en arà. Su migkahi te Eleteala te, “Kenà ku sikiyu ed-ewaan, ne kenà ku sikiyu ebpedterayen.”