1 Timoteo 5:13 - Ke meupiya ne tudtul mekeatag ki Hisu Kristu

¹³ Ketà be ne kenà meupiya embiya ini se egketevangan su kalu ke ebpehulen ne ebpemedlakit diyà te idsehumbelayà. Ne kenà arà dà su egkevaluy ran ne serupeten wey ebpemedlakit, ne ebpenlalag te kenà dait ne egkelalag dan.

1 Timoteo 5:13 ပူးပေါင်းရင်းမြစ်များ

Lucas 10:7

Ubpà kew ketà te valey ne ruen migalàhalà keniyu taman te egkeuma ke ked-awà niyu ketà te inged dan. Kenà kew ed-arat-arat te ked-ubpà niyu. Ne telimaa niyu misan engkey se idsaru ran wey ibpeinum dan keniyu su mehelalew ran en keniyu. Su ke etew ne egelevek ne dait ne edsukayan.

Nenged-ulaula 20:20

Netuenan niyu se in-amin ku keniyu ipesabut ke langun ne ebpeketavang keniyu. Ne impenurù ku keniyu diyà te kevurunan wey misan dema diyà te menge baley niyu.

Nenged-ulaula 20:30

Egkeuma se hewii ne misan menge ruma niyu red ne edlalag te tarù su apey ruen menge mibperetiyaya ne mekeruma kandan.

1 Timoteo 5:12

Ne ketà ne edsewayan sikandan, su warà dan medtuman te pasad dan ne kenà dan ed-esawa edsaup su apey ran egelevek ki Hisu Kristu.

Tito 1:11

Ne peengkera nu sikandan su merakel se tiwelayà ne nehuvar dut te kebpenurù dan ne kenà tidtu su mekeyeyà se dalan dan te kebpementiyarì te pirak.

Santiago 3:10

Iyan din meana ne kayi ebpuun te sebseveka ne bèbà ne egemew ke lalag ne ebpeselamat ki te Eleteala wey ke lalag ne ebpenrawak ki te ruma ta. Menge suled, kenà meupiya arà!

1 Pedro 4:15

Ne ed-uram ki su apey warà kayi te keyta ne ebpekesekitan su sabap dut te ed-ul-ulaan ta ne meraat iring te ebunù, etawa ebpenakew, etawa misan engkey ne ulaula ne mereatey, etawa ed-amung-amung te warà kandin.

3 Juan 1:10

Tembù be embiya ebpekeuma a riyà te keniyu, ne ibpenudtul ku ini se langun ne meraat ne ed-ul-ulaan din wey ke tarù ne livakan din kedì. Ne kenà pà dutun dà taman, su kenà din edtugenuren ke menge ruma tew te ebperetiyaya ne ebpekeuma riyà te keniyu. Ne embiya ruen edtuganur kandan ne ebengenen din su kenà din idtuhut te ebpekeamung dan ketà te kegkevurun niyu te menge mibperetiyaya.