1 Timoteo 4:15 - Ke meupiya ne tudtul mekeatag ki Hisu Kristu

¹⁵ Sevekaa nu se itungan nu kayi te migkahi ku keykew, ne dumai nu ini su apey egkekita te langun se ked-iseg din ke keduma nu te kiyug te Eleteala.

1 Timoteo 4:15 ပူးပေါင်းရင်းမြစ်များ

Mateo 5:16

Ne iring ded te sulù ne impeluukluuk te saag ne ebpekerayag te langun ne menge etew ketà te lusud te baley, ne pekereyaha niyu ke sulù niyu riyà te menge etew su apey ran mekita ke meupiya ne ed-ul-ulaan niyu ne ebpekereyù dan dut te Amey niyu ne Eleteala diyà te langit.”

Nenged-ulaula 6:4

Ketà,” ke sikandan, “ne sikami ke menge kedserihan ne kenà en egkeseletan ke hewii te kebpengeningeni rey wey kebpemesabut dey dut te Lalag te Eleteala.”

1 Kurintu 16:15

Na menge suled ku, netuenan niyu te iyan neuna ne mibperetiyaya riyà te lusud te inged ne Gerisya ne telteleanak ne ensi Istipanya. Ne egenat dà ketà ne kenà dan eduwaruwa se edtavang dut te menge ruma ran ne mibperetiyaya.

2 Kurintu 4:14

Su netuenan dey te mibanew te Eleteala si Hisu Kristu ke Kerenan tew, ne engketà ded be ne ebenawen key rin dema keuremà su sabap dut te kinepekidseveka rey ki Hisus. Ne eburunen din ke langun ne mibperetiyaya kandin diyà te etuvangan din.

2 Kurintu 8:5

Ne mibehey ran te labi pà dut te nepegitung dey ne ibehey ran. Ugaid te warà den pà mebehey te tavang ne in-una ran imbehey ke lawa ran wey ke niyawa ran diyà te Eleteala te kedtuman dan dut te kiyug din abpeg te midsarig dan kenami.

1 Timoteo 4:14

Ne kenà nu lipati ke ketau nu te ebpeneheewit te menge mibperetiyaya ne imbehey te Eleteala keykew ketà te midampen ka rut te menge pekilukesen te menge mibperetiyaya ne impengeningeni ka rin. Su iyan dan migkahi ke impesabut kandan dut te Ebpelambas te Lalag te Eleteala.

1 Timoteo 4:16

Urami nu ke ed-ul-ulaan nu wey ke kebpenurù nu. Su embiya edumaan nu ini se migkahi ku, ne kenà sikuna rà se ebpekeliyu rut te kedusa te salà nu su misan imbe rema ke ebpemineg keykew ne ebpekeamung.

1 Timoteo 4:6

Embiya ibpenurù nu ini se migkahi ku kayi, Timoteo, diyà te menge mibperetiyaya keniyan te keniyu, ne tuus arà te egkeserihan ka ne suhù ni Hisu Kristu ne ebpesabut te lalag din. Ne tuus dema te mid-iseg ke sarig nu su intahù nu te hinawa ke tidtu ne penduan wey midumaan nu te arà arè en.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.