1 Timoteo 3:10 - Ke meupiya ne tudtul mekeatag ki Hisu Kristu

¹⁰ Embiya ruen etew ne egkiyug ne edsukendul dut te menge unuten, ne egkeintengan pà se ulaula rin. Ne embiyà warà meraat ne ulaula rin, ne arà pà ne ebpekesukendul sikandin dut te helevek.

1 Timoteo 3:10 ပူးပေါင်းရင်းမြစ်များ

1 Kurintu 1:8

Ne sikandin ke mibaher te kebperetiyaya niyu su apey warà idsawey rin keniyu ketà te hewii ne kedlived ni Hisu Kristu.

Kulasi 1:22

Ugaid ne gunteani ne imped-ulit kew en te Eleteala su sabap dut te kinepatey rut te Anak din diyà te pinebelavag ne kayu. Ne egenat ketà ne ebpekeuvey kew en te Eleteala su nelùluan en ke salà niyu, ne midtilak din en ke hinawa niyu, ne warè en igkesawey keniyu.

1 Timoteo 3:13

Su embiya meupiya se helevek kayi te menge etew ini ne edsekundul, ne kenà egketuen te wagib se kenà ed-edatan dut te menge etew ne ketà dema ne kenà egkealang-alang sikandan ne ebpesabut te ruma mekeatag te kebperetiyaya ran ki Hisu Kristu.

1 Timoteo 3:2

Ugaid ne ke etew ne ebpeneheewit te menge mibperetiyaya ki Hisus ne iyan din kemeyidan ne warà ulaula rin ne meraat ne igkesawey kandin, ne seveka rà se esawa rin. Iyan din kemeyidan ne kenà mekalas se kebpenunuen din te keuyahan, ugaid ne erangan se ed-ul-ulaan din su apey langun ne ulaula rin ne meupiya. Iyan din kemeyidan ne mesakew te piya engkey en ne etew, ne metau sikandin ne ebpenurù.

1 Timoteo 3:6

Kenà dema egkepakey ke behu pà sikandin ne mibperetiyaya ki Hisus su kema ke ibpereyùdeyù din ke ketengdanen din, ne ketà ne edusaan sikandin te Eleteala iring te kinedusai te Eleteala ki Setanas.

1 Timoteo 5:22

Ne embiya ruen edtenduen nu ne ebpepeneheewiten nu rut te menge mibperetiyaya, ne kenà ka ed-una edampen kandin taman te kenà nu egkepeniyap se ulaula rin. Su embiya ruen ulaula rin ne meraat ne nerampen nu sikandin, ne ebpekeunung ka te salà din. Tembù be uram ka ke ebpekeamung ka rut te salà.

1 Juan 4:1

Menge suled ku ne igkelimù ku, kenà kew peretiyaya dut te langun ne egkahi ne impekahi ran kun te Kedesenan ne Ebpetuntul te Menusiyà. Ugaid ne perisaan niyu pà ke ebpenurù dan apey niyu metueni ke riyà be ebpuun ini te Eleteala etawa kenà. Su merakel se midlepew kayi te ampew te dunya ne uvag kun te ebpelambas sikandan te Lalag te Eleteala.