1 Timoteo 2:6 - Ke meupiya ne tudtul mekeatag ki Hisu Kristu

⁶ Iyan din mid-ulaula te kinepengkayi rin te ampew te dunya ne imbeliwas din ke umur din te kebpeliyu rin te langun tew rut te kedusa te salà tew. Mid-ulaula rin ini dut te enget en ne hewii ne midtendù te Eleteala rengan su tuus be ini te kiyug te Eleteala ne langun ne menge etew ne ebpekeliyu.

1 Timoteo 2:6 ပူးပေါင်းရင်းမြစ်များ

Mateo 20:28

Med-iring sikandin dut te Impeanak te Menusiyà te kenà iyan din kinepengkayi te ampew te dunya ne apey metevangi te menusiyà. Ugaid ne iyan din kinepengkayi ne apey rin metevangi sikandan, ne egkeimetayan su apey merakel se egkevelukasan.”

Marcos 1:15

Ke sikandin te, “Netuman en ke hewii ne impasad dut te keep-epuan tew,” ke sikandin, “su neuma en ke hewii te kedetui te Eleteala keniyu.” “Engkeri niyu en ke meraat ne ulaula niyu ne peretiyayaa niyu en ke Meupiya ne Tudtul,” ke sikandin.

Marcos 10:45

Su misan ke Impeanak te Menusiyà ne kenà iyan din kinepengkayi te ampew te dunya ne apey sikandin metevangi te menge etew. Ugaid ne iyan din kinekepengkayi ne apey rin metevangi ke langun ne menge etew, ne egkeimetayan sikandin su apey egkevelukasi ke langun ne menge etew.”

Juan 6:51

Siaken ke tidtu ne egkeenen ne riyà ebpuun te langit ne ebpekevehey te umur. Ke etew ne egkaan kayi ne warà kemetayen te himukud din. Su ke egkeenen ne ibehey ku ne ini en iya se lawa ku su apey ebpeketelimà ke langun ne etew kayi te ampew te dunya te umur ne warà edtemanan din.”

Ruma 16:26

Ne arà se benar ne impayag en guntaani te Eleteala keytew sabap dut te impesurat dut te menge etew ne ebpelembas te lalag din dengan. Ne guntaani ne insuhù en dut te Eleteala ne warà kemetayen din te ibpepenudtul ini kayi te langun ne menge etew kayi te ampew te dunya su apey langun ne ebpekeperetiyaya wey ebpekeperumaruma te menge suhù din.

Ruma 5:6

Na pegitunga niyu ma ke pengelimuan keytew te Eleteala, su rengan te warà kiyu pà mebperetiyaya ne warà dalan te kegkegaga te meupiya ne ulaula tew su iring te uripen kiyu te salà tew, ugaid ne neuma en ke hewii ne andang ne midtendù te Eleteala ne mibpebpatey si Hisu Kristu su selidig te langun tew ne mekesesalà.

1 Kurintu 1:6

Su ke penduan ni Hisu Kristu ne iring te pinemula ne nekedalid en kayi te itungan niyu.

2 Kurintu 5:21

su midsuhù din si Hisu Kristu ne warà salà din te ibpevava kandin ke langun ne salà tew. Iyan kineengketaa te Eleteala ne apey ketà ebpuun te kebpekidseveka tew ki Hisus ne ruen en kebmetidtu tew riyà te etuvangan te Eleteala.

Gelasiya 1:4

Su si Hisus ne midtuman din ke kiyug te Eleteala ke Amey tew rut te kinepatey rin su apey sikandin ke ralan te kebpekeliyu tew rut te nekeiket keytew te langun ne salà tew kayi te ampew te dunya.

Gelasiya 4:4

Ugaid ne wey mekeuma ke hewii ne mibpetedtavan te Eleteala rengan, ne midsuhù din ke Anak din kayi te ampew te dunya ne pinebaluy ne etew. Su ibpeanak din si Hisus te senge etew ne meritan ne Hudiyanen ne miduma sikandin dut te penduan te menge Hudiyanen ne intahak ki Moises

Ipisu 1:17

Ne elin dema ne ebpengeningeniyen ku te Eleteala ne ke egkereyù ne Amey tew ke midsuhù ki Hisu Kristu, ne menu ke iyan mebehey keniyu ke Kedesenan ne Ebpetuntul te Menusiyà su apey sikandin se ebehey keniyu te ketau, ne sikandin se kebpekesabut niyu mekeatag te Eleteala su apey egketuenan niyu nevenar sikandin.

Ipisu 1:7

Ne ketà te kebpebpatey ni Hisu Kristu diyà te pinebelavag ne kayu, ne ini se ebpekepeliyu keyta rut te kedusa te salà tew su ebpeseharan en te Eleteala ke salà tew. Su sabap dut te limù din ne warà tedtab din,

Ipisu 3:5

Warà pà impayag te Eleteala ini diyà te menge apù tew, ugaid ne guntaani ne impesabut din en dut te menge kedserihan din wey ke menge ebpelambas te lalag din ibpepevayà dut te Kedesenan ne Ebpetuntul te Menusiyà.

Ipisu 5:2

Ne pelimlimuey kew iring dut te limù ni Hisus kenitew. Su ke limù din kenitew ne impekita rin ketà te imbeliwas din ke umur din su apey ke Eleteala se ebpeliyu kenitew te kedusa rin te menge salà tew. Ne ini se kinebeliwas din te umur din ne iring te indrenà ne ibehey te Eleteala ne nekesuhat te hinawa te Eleteala.

2 Tiselunika 1:10

Ini ne egked-ulaula ketà te kedlived ni Hisu Kristu kayi te ampew te dunya, su arà ne hewii ne langun ne menge mibperetiyaya ki Hisus ne edeyù wey ed-adat kandin. Ne ebpekeamung kew su midumaan niyu ke impenurù dey.

1 Timoteo 6:15

Ini ve se kebpelived te Eleteala ki Hisus kayi ne kedtumana rin dut te enget ne hewii ne mibpemilì din. Su sikandin dà se keupianan te ebayàbayà te langun. Sikandin ke mepurù ne ebayàbayà dut te langun ne menge datù wey sikandin ke mepurù ne ebayàbayà dut te langun ne menge pengulu.

2 Timoteo 1:8

Ketà be ne kenà nu ve ikeyeyai te ebpemenudtul mekeatag ki Hisus ke Kerenan tew, ne kenà nu rema ikeyeyai su ini a te bilengguan su iyan ku kinekevilanggù ne keduma ku ki Hisus. Ugaid ne telimaa nu se piya engkey ne rasey ne ebpekeuma keyta atag dut te kebpesabut ta kayi te Meupiya ne Tudtul su iyan ebaher keyta ne Eleteala.

Tito 1:3

ne ketà te midtendù din ne hewii ne impayag din en ini kayi te lalag din. Na ini ve imbe se tudtul se ibpesabut ku mekeatag dut te impasad din, su midsuhù a te Eleteala ke ebpeliyu kenitew te salà tew.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.

Hibruhanen 9:12

Ne ketà te midlusud si Hisus diyà te Punggus ne Berekat ne Ruhu ne dutun en ke Eleteala, ne keseveka rà mulà medlusud sikandin. Ne kenà iyan din mid-ewit ke lengesa te kambing etawa sapì. Ugaid ne iyan din mid-ewit ne ke kandin ne muney ne lengesa su ke kinepatey rin se nekepeliyu kenitew dut te kedusa te salà tew taman te taman.

1 Pedro 2:24

Su ketà te mibpeimatey si Hisus diyà te pinebelavag ne kayu ne mid-ewit din ke langun ne menge salà ta su sikandin se midusaan mekeatag te salà tew. Iyan din mid-ulaula te iring ketà su apey tew ed-engkeri ke ed-ul-ulaan ta ne meraat ne edtidtuwen ta ini se ed-ul-ulaan ta te ulaula ne meupiya. Su ketà te kegkepelii rin ne impeliyu ki rut te kedusa te menge salà ta.

1 Pedro 3:18

Su misan si Hisu Kristu ne warà salà din ne mibpeimatey sikandin su atag dut te sikitew ne mekesesalà su apey ibpelived ta ke hinawa ta diyà te Eleteala. Keseveka rà se kinepatey rin atag dut te salà ta, ne kenà en edseupan su nepasad en. Ugaid ne misan mid-imetayan te menge etew ke lawa rin ne biviyag ded sikandin su warà mibpatey ke gimukud din,

1 Juan 4:10

Na ini ke tidtu ne limù. Su kenà sikita ke midlimù te Eleteala, ugaid ne sikandin ke midlimù keyta kayi te insuhù din ke Anak din su apey ebpekepeliyu keyta rut te kedusa te salà tew sabap dut te kinepebpatey ni Hisus kenita.

Imperayag 5:9

Ne migkanta ran te behu pà ne kanta, ke se bayuk dan te, “Sikuna rà ke ebpekegaga ne ebpekekuwa te midlulun ne kelatas ne ebpekeawà dut te menge tuus ne impereket ketà. Su mid-imetayan ka rengan ne sabap dut te kedtudà te lengesa nu ketà te kineimetayi keykew, ne mid-awun nu ke menge etew ne meraat se ed-ul-ulaan din dut te langun ne menge inged, bansa wey kinehiyan su apey sikandan ne egkevaluy ne sakup te Eleteala.