1 Timoteo 2:5 - Ke meupiya ne tudtul mekeatag ki Hisu Kristu

⁵ Su Eleteala ne sebseveka rà, ne sebseveka rà dema se edteyekupan tew te menge etew riyà te etuvangan te Eleteala ne warà liyu rin ke kenà si Hisu Kristu ne nevaluy ne etew.

1 Timoteo 2:5 ပူးပေါင်းရင်းမြစ်များ

Mateo 1:1

Ini se guhud te kepuun ni Hisu Kristu, kevuwaran ni David wey kevuwaran dema ni Abraham.

Mateo 1:23

“Ebmehingey ini se raha ne warà pà mebeyugi ne ed-anak te meama ne iyan id-ingaran ne si Imanwil” (ne iyan din meana ne “Ke Eleteala ne kayi en te kenitew”).

Lucas 14:22

“Huna su mid-ulì ini se edsugsuhuen ne migkahi sikandin dut te ebpengemuney kandin te, ‘Netuman ku en ke insuhù nu kedì ne ini ran en, ugaid ne warà pà mepengkeg ini se valey.’

Juan 1:14

Ne ke mid-ingaranan te Lalag ne mibpebaluy en ne menusiyà ne mid-ubpà en kayi te keytew. Ne lilimuen nevenar sikandin, wey ke langun ne egkehiyen din ne benar. Nekita rey ke geyip ne gehem din ne imbehey kandin te Eleteala su sikandin ke budtung ne Anak te Amey rin ne Eleteala.

Juan 17:3

Su ke ralan te kebpeketelimà te umur ne warà edtemanan din ne arà se kegkesebuti te menge etew te sikew rà iya ke benar ne Eleteala, wey egkesebutan dan dema te siaken si Hisu Kristu ke Anak nu ne midsuhù nu.

Nenged-ulaula 4:12

Ne sikandin dà se ebpekepeliyu keytew rut te keberedusaan tew,” ke si Pedro, “su warà duma ne kayi te ampew te dunya ne imbehey te Eleteala ne ebpekegaga ne ebpekepeliyu keytew su sikandin dà.”

Ruma 1:3

Ini se impesurat din ne mekeatag dut te Anak din ne si Hisu Kristu ke Kerenan tew. Ne si Hisus ini ne nevaluy ne etew ne in-anak sikandin dut te kevuwaran ni Dabid.

Ruma 10:12

Tembù be misan engkey ne etew ne egkepakey ne medsarig en ki Hisu Kristu, Hudiyanen ma sikandin etawa kenà su warà biraan din. Su seveka rà ke Kerenan dut te langun ne menge etew, ne melimù nevenar sikandin dut te langun ne ebuyù te tavang kandin.

1 Kurintu 8:4

Na gunteani maa ne edlived ad te egkahi te in-insà niyu mekeatag te indrenà ne siparat diyà te kenà tidtu ne ebpengerapan. Ne netuenan ta te arà se midrenaan dan te siparat ne kenà tidtu ne ebpengerapan su ruen sebseveka rà ne Eleteala.

1 Kurintu 8:6

ugaid ne sikitew ne mibperetiyaya ki Hisus, ne netuenan tew te ruen sebseveka rà ne Eleteala ke Amey tew ne midlimbag te langun taman. Ne sikandin se edumaan tew su apey ki edtuman dut te kiyug din. Ne seveka rà ke Kerenan tew ne si Hisu Kristu su ibpepevayà kandin ne midlimbag te Eleteala ke langun taman, ne sikandin se mibehey keytew te behu ne umur.

Gelasiya 3:20

Ugaid ne ketà te hewii ne imbehey en te Eleteala ke impasad din ki Abraham, ne warè en tehutau su sikandin en iya ke midtarem.

Ipisu 4:6

Ne ruen dema seveka rà ne Eleteala ne ke Amey rut te langun tew, ne sikandin ke mepurù ne ebayàbayà te langun ne sikitew. Sikandin dà ke ebayàbayà dut te langun tew su piya endei kiyu ed-ubpà ne ketà ed-ubpà sikandin, ne kayi red te kinawa te langun tew.

1 Timoteo 6:13

Na duen pè be maa ini igkahi ku keykew ne ke Eleteala ne mibehey te niyawa te langun ne eginginawa se ebpekevantey keyta wey si Hisu Kristu ke mid-itindeg dut te benar diyà te etuvangan ni Poncio Pilato se ebantey rema. Tembù be igkahi ku keykew

Hibruhanen 12:24

wey riyà te ki Hisus ke midtuman dut te behu ne pasad te Eleteala, su impepevayà dut te lengesa rin ne netilak kiyu rut te salà tew. Su ke lengesa ni Hisus ne imbùbù din dut te kinepatey rin, ne muna pà se keupiya rin su tuus ini te limù te Eleteala te kebpeliyu kenitew, kenà iring dut te lengesa ni Abel rengan su ke lengesa rin ne tuus te kedusa te Eleteala rut te suled ni Abel ne mid-imatey kandin.

Hibruhanen 7:25

Tembù be ebpekegaga nevenar si Hisus te ebpeliyu te langun ne ed-uvey te Eleteala su ebuyù te tavang su atag dut te sarig dan kandin, su warà ma ketepusan din se kebuyù din te tavang kenitew riyà te Eleteala.

Hibruhanen 8:6

Ugaid ne ini se helevek ni Hisus te kedterebpelengesa ne mepurù pà dut te nengehelevek te menge terebpelengesa rengan. Ne iring din ded dema ke keupiya ini se behu ne pasad te Eleteala te si Hisus se terebpelengesa tew ne ebpeninindeg kenitew su muna pà se keupiya rin ketà te neuna ne pasad te Eleteala. Iyan din ked-una te keupiya ini se behu ne pasad su ruen impenendan din mekeatag ketà ne mepmeupiya pà nevenar.

Hibruhanen 9:15

Ne tehaad te ruen gaga te lengesa ni Hisus iring ketà, ne sikandin ke ebpeninindeg kenitew riyà te Eleteala su edtuman dut te behu ne pasad su apey ke langun ne menge etew ne midtawag te Eleteala ne ebpeketelimà dut te penaub ne impasad din ne warà edtemanan din. Ne egketelimà ini sabap dut te kinepatey ni Hisu Kristu ne nekepeliyu kandan dut te salà ne neveelan dan gewii te kineruma ran te neuna ne pasad.

1 Juan 2:1

Edsuratan ku sikiyu, menge anak ku, su ralan te edtavang keniyu su apey kenà kew mekedsalà. Ugaid ne embiya ruen ebpekesalà, ne ruen edtindeg keytew diyà te Amey tew ne Eleteala ne si Hisu Kristu ini ne metidtu nevenar se ulaula rin.

Imperayag 1:13

Ne riyà te luuk dut te menge sulù ne ruen nekita ku ne iring te paras te menusiyà. Ne mibevelegkas te melayat su nekeuma te paa rin ne ruen inselauy kayi te kumeng din ne vulawan.