1 Timoteo 2:11 - Ke meupiya ne tudtul mekeatag ki Hisu Kristu

^11-12 Ne kenà ku idluhut ne iyan ebpenurù se meritan dut te menge meama diyà te kevurunan niyu etawa ebpeneheewit kandan. Iyan meupiya ne mebpeeng-eneng ke meritan se ebpemineg dut te ebpenurù kandan su apey ran ebpekehuru. Iyan dà kandan ne mebpeeneng-eneng.

1 Timoteo 2:11 ပူးပေါင်းရင်းမြစ်များ

1 Kurintu 11:3

Ugaid ne ruen pà ini ne ebpeketuenan ku keniyu. Iyan ebayàbayà te meritan ne ke esawa rin, ne iyan ebayàbayà ke meama ne si Hisu Kristu, ne iyan ebayàbayà ki Hisu Kristu ne ke Eleteala.

Kulasi 3:18

Sikiyu ne menge meritan, edati niyu ke esawa niyu su ini ke dait ne ulaula te sikiyu ne mibperetiyaya.

1 Timoteo 2:10

Ugaid ne kayi egketueni te meupiya ne ulaula ran. Su arà se dait dut te menge meritan ne egkekahi ne mibperetiyaya te Eleteala.

Tito 2:5

Ebpemenduan dan dema ke menge menguwed pà ne memeritan te med-eren dan te kiyug dan dut te itungan wey lawa ran. Ne iyan dan dà edurungulan ne kedtuganur te baley ran wey meadat te esawa ran wey ke lalag te esawa ran ne ebpeminehen dan. Su embiya ini se ed-ul-ulaan dan ne kenà egkesumpalit ke lalag te Eleteala.

1 Pedro 3:1

Ne sikiyu rema ne menge meritan, iyan iya se ebpesakup kew rut te esawa niyu. Su embiya ruen warà pà mibperetiyaya te Lalag te Eleteala ne kalu ke ebpekeperetiyaya ran dema ke egkekita ran ini se ed-ul-ulaan niyu ne meupiya. Misan warà en egkehiyen niyu ne ebpeneheewit kandan,