1 Pedro 3:4 - Ke meupiya ne tudtul mekeatag ki Hisu Kristu

⁴ Ugaid ne iyan tidtu ne ibmerayirayi niyu ne meupiya ne ulaula ne ebpuun te hinawa niyu ne warà kegkeawà din. Su iyan belielehà diyà te etuvangan te Eleteala ne arà se mepened se hinawa niyu wey meredtan ne betasan.

1 Pedro 3:4 ပူးပေါင်းရင်းမြစ်များ

Mateo 11:29

Isangan niyu ke ingkul ku diyà te keniyu ne iyan din meana ne guru kew kayi te kedì ne tumana niyu ke penurù ku, ne ebpekeimeley kew su siaken ne metmetulanged wey dekelà se kegkeyru ku.

Mateo 21:5

“Kehiya niyu diyà te menge etew te Hirusalim te, ‘Ebpekeuma en ke datù niyu! Meamuk sikandin ne ed-untud te nati te kudà, uya, ed-untud te anak te kudà, ke binatang ne eduranan.’ ”

Mateo 23:26

Sikiyu ne menge Peresiyu, benar iya ne iring kew te pisek! Unai niyu te edlinis ini se meredsik ne kenà egkekita ne kayi te diralem niyu su apey ebmetidtu ini se ed-ul-ulaan niyu!

Mateo 5:5

Dayirayi ke menge mepeembavà te hinawa rin, su ebpeketelimà dan te impasad te Eleteala!

Lucas 11:40

Menge warà eperu niyu!” ke si Hisus. “Maa, warà niyu metueni te kenà iyan dà midlimbag te Eleteala ke egkekita kayi te lihewangan su misan ini se kayi te lusud ne kenà egkekita ne midlimbag din ded dema.

Lucas 16:15

Ne migkahi si Hisus kandan te, “Sikiyu ne engkungkun ne menge metidtu kew kayi te sineruwan te menge etew, ugaid ne netuenan te Eleteala ke netahù te hinawa niyu. Su ini se rekelà te hinawa te menge etew ne warà pantag din diyà te etuvangan te Eleteala.

Ruma 1:23

Su kenà iyan dan ebpengerapan ke tidtu ne Eleteala ne warà kemetayen din, su iyan dan ebpengerapan ne menge ledawan ne mibeelan dà iring te paras te etew ne ruen kemetayen din, wey iring te paras te menge pepenuk, binatang wey uled.

Ruma 2:29

Ugaid ne iyan tidtu ne Hudiyanen diyà te etuvangan te Eleteala ne ke etew ne eduma te insuhù din ne ebpuun te lunsey te hinawa rin. Su riyà te etuvangan te Eleteala ne ke benar ne egkeetusan ne kenà ketà dà te ebpelian ke lawa te etew iring te insurat te penduan, ugaid ne ke kebmetilak te hinawa te menge etew ne riyà ebpuun dut te Kedesenan ne Ebpetuntul te Menusiyà. Ke etew ne iring kayi, ne kenà iyan edeyù ne etew, ugaid ne iyan edeyù kandin ne ke Eleteala.

Ruma 6:6

Su netuenan tew te andang ki en ne etew ne mekesesalà, ugaid ne ke daan ne ke eetawi tew ne meraat ne nekeunung en ketà te kinelensanga ki Hisus diyà te pinebelavag ne kayu su apey ke kiyug tew te ed-ulaula te meraat ne egkeengked en su apey kenà ki en egkeuripen dut te betasan tew ne meraat.

Ruma 7:22

Su kayi te ginawa ku ne dekelà se kiyug ku te edtuman dut te insuhù te Eleteala.

2 Kurintu 10:1

Na siaken ini si Pablo ne ruen suhù ku keniyu. Su siaken kun ne telawen ke embiya riyan a te keniyu, ugaid ne meharang kun ke menge lalag ku keniyu embiya riyan a te meriyù ne iyan ku kebpekidlalag keniyu ne kayi te surat. Ne ini se suhù ku guntaani ne iyan ku ed-iringan se kebpekidlalag ni Hisu Kristu ne kenà meharang su menanew,

2 Kurintu 4:16

Tembù be kenà ebmeluvey te hinawa rey te kebpemesabut dey. Su misan ini se lawa rey ne egkelukes wey ebmeluvey, ugaid ne meilut se kebperetiyaya rey te uman gewii.

Gelasiya 5:23

mepeembavà ke hinawa rin te ruma rin, ne ruen kedtigker din te hinawa rin. Embiya ini se ed-ul-ulaan din, ne warà penduan te Eleteala ne egkesurang din.

Ipisu 4:2

Ke ulaula niyu ve imbe ne iring kayi: peembavà kew te hinawa niyu, medtultulanged kew wey ebpesahad te igkeepes keniyu te ruma niyu. Ipekita niyu ke kedlimù niyu dut te langun te kenà niyu idtahù ke sakit te hinawa niyu dut te menge ruma niyu.

Kulasi 3:12

Sikiyu ke menge mibpemilì te Eleteala ne nevaluy ne menge sakup din ne igkelimù din nevenar, tembù be iyan niyu ul-ulaa ke ebpekesuhat kandin. Pekita kew te kegkeyru niyu diyà te menge ruma niyu, ne peketulanged kew kandan. Ne kenà niyu ibpeuna ke hinawa niyu, ugaid ne ipeembavà niyu ke hinawa niyu rut te menge ruma niyu apey ran egkekita se keamuk niyu wey kedtigker niyu.

Kulasi 3:3

Su sikitew ini se mibperetiyaya ne ebpekeiring te nekeunung ki te kinepatey ni Hisus, ugaid ne neuyag ded ma. Su ruen behu ne umur tew ne warà pà mebpayag ne ebentayan en te Eleteala su atag ki Hisu Kristu.

1 Tiselunika 4:11

Ne ruen ruma pà ne ebuyuen ku te iyan niyu itahù te hinawa ne kemelinew ne betasan. Ne kenà kew ed-amung-amung te ulaula te menge ruma niyu, ugaid ne peketehel kew se egelevek su apey ruen keuyahan niyu iring dut te impenurù dey keniyu.

2 Tiselunika 3:12

Tembù be iyan kiyug rut te Kerenan tew ne si Hisu Kristu ne idsuhù dey ketà ne menge etew te kenà dan medlauglaug ne ebangen dut te menge ruma ran, ugaid ne iyan se mebpegelep dan se egelevek dut te kegkeuyag dan.

1 Timoteo 2:2

Ibpengeningeni tew te Eleteala ke menge mepurù ne ebayàbayà kenitew wey langun ne menge ruma ran ne ruen gaga ran te ed-ewit kenitew. Ibpengeningeni tew te Eleteala sikandan apey meupiya se ked-ewit dan keytew su apey ebmelinandang se ketemanan tew wey apey ruen kesig tew te eduma te Eleteala wey ed-ulaula te metidtu.

2 Timoteo 2:25

Embiya ruen ed-apul dut te ibpenurù din, ne ebpetuntayan din te menanew su kema ke edsembian te Eleteala ke itungan dan ne ebpedsendit dan ne ebpeketuntul dan en dut te benar.

Tito 3:2

Igkahi nu kandan te kenà dan med-ituk te ruma ran, ne kenà dan medretem te meraat. Ugaid ne iyan dan ul-ulaa ne ebpeed-edatey wey mebpesegsehipeey ne ibpekita ke ketulengeran dan te langun ne menge etew.

Santiago 1:21

Tembù be id-awà niyu ke langun ne meredsik ne netahù te itungan niyu wey ke meraat ne ulaula niyu. Ne ipeembavà niyu ke hinawa niyu su apey ke lalag te Eleteala ne intahù din te hinawa niyu ne mibperetiyaya niyu se egkerumaan niyu, su ini se ebpekepeliyu keniyu rut te salà niyu.

1 Pedro 1:23

Su ketà te mibperetiyaya ki te Lalag te Eleteala ne nevaluy ki ne anak din su iring te insaup ki in-anak, ne kenà etew se iyan mid-anak kenitew su Eleteala ne warà kemetayen din. Ne ini se behu ne umur ta ne ibpepevayà din ini dut te lalag din ne mibperetiyaya key ne ebpekevehey te umur ne warà edtemanan din wey kenà egkesembian.

1 Pedro 3:15

Ugaid ne iyan ta ibpeuna te hinawa ta ke ked-adat tew ki Hisu Kristu su sikandin se Kerenan ta. Ne ed-andam ki neraan ke engkey se idtavak ta te menge etew ne ed-insà mekeatag dut te kebperetiyaya ta.