1 Pedro 2:6 - Ke meupiya ne tudtul mekeatag ki Hisu Kristu

⁶ Su ruen impesurat ne Lalag te Eleteala ne egkahi te, “Duen mibpemilì ku ne edatù ne iring te pelaus ne berepantag ne iyan segkad dut te baley ne ibpeitindeg ku riyà te inged ne Siyun. Ne piya engkey ne etew ne ebperetiyaya kandin ne kenà ebpekedsendit dut te kebperetiyaya rin kandin.”

1 Pedro 2:6 ပူးပေါင်းရင်းမြစ်များ

Mateo 12:18

“Ini ke sugsuhuen ku ne mibpemilì ku, sikandin ke igkelimù ku, ne ebpekesuhat sikandin te hinawa ku. Ebpelumunan ku sikandin dut te Kedesenan ne Ebpetuntul te Menusiyà, ne ini se metidtu ne kukuman ku ne ibpesabut din diyà te langun ne menusiyà.

Marcos 12:10

Ne migkahi pà maa si Hisus te, “Nevasa niyu red ura ke impesurat ne Lalag te Eleteala ne egkahi te, ‘Ke pelaus ne mid-eng-engkeran dut te menge etew ne ebpemevaley, su kunaan dan ke warà rantek din ne iyan en iya ini nepemilì ne segkad te valey.

Lucas 20:17

Ne mibpeut-utengan ni Hisus te mata sikandan ne migkahi en te, “Na embiya iring ketà se pegitungan niyu ne engkey ve se ibpesabut kayi te impesurat te Eleteala rengan ne egkahi te, ‘Ke pelaus ne mid-eng-engkeran dut te menge etew ne ebpemevaley su kunaan dan ke warà rantek din ne iyan en iya ini nepemilì ne segkad te valey.’”

Lucas 23:35

Ke denda ne etew ne mid-itindeg ketà se edtengteng, ne ini se menge egkeunutan te Hudiyanen ne mid-undaunda ki Hisus, ke sikandan te, “Nekepelihaun sikandin te menge ruma rin. Ne intengan tew ve ke igkepelihaun din ke hinawa rin embiya benar ne sikandin en ke midtendù te Eleteala ne ebperetuen ne ed-ingaranan te Mesiyas.”

Juan 7:38

Su embiya ed-inum en sikandin kayi te kedì,” ke si Hisus, “ne iring dut te impesurat ne Lalag te Eleteala ne egkahi te, ‘Ke etew ne mibperetiyaya kediey,’ embiya idsempità ta, ‘ne riyà ebpuun te hinawa rin ne ruen wayig ne edtudà ne ebpekevehey te umur ne warà edtemanan din.’”

Nenged-ulaula 1:16

“Menge suled,” ke sikandin, “kenà egkepakey ne kenà edtumanen ke Lalag te Eleteala ne impesurat te Kedesenan ne Ebpetuntul te Menusiyà ki David dengan. Su impekahi rin neraan te si Hudas se ebpalad ki Hisus diyà te menge etew ne edsigkem kandin.

Ruma 10:11

Su ruen impesurat ne Lalag te Eleteala ne egkahi te, “Misan engkey ne etew ne ebperetiyaya ki Hisu Kristu, ne kenà sikandin ebpekedsendit dut te kebperetiyaya rin.”

Ipisu 1:4

Su misan ketà te warà pà melimbag te Eleteala ini se dunya, ne raan kiyu en ne mibpemilì nikandin ne kandin ne tuney ne anak. Mibpemilì kiyu rin su apey egkevaluy ke hinawa tew ne metilak atag dut te kebpekidseveka tew ki Hisu Kristu su apey warà salà ne idsawey rin kenitew. Su sabap dut te dekelà ne limù din kenitew,

Ipisu 2:20

Ne sikitew ini se mibperetiyaya en ne iring te nekeuman kiyu te pengawid te baley ne ibpeitindeg te Eleteala. Si Hisu Kristu ne iring sikandin dut te menge pelaus su sikandin se edtihel te kegawed din dut te baley, ne ke menge etew ne kedserihan te Eleteala wey ke menge ebpelambas te lalag din ne iring dan dut te impenangen ne pengawid dut te baley su sikandan ke neuna ne mibpesabut mekeatag ki Hisus. Ne langun ne mibperetiyaya en ne mibpekidseveka ki Hisus, ne iring dan dut te pengawid ne ebiravira ugaid ne ruen atag din dut te valey ne insivey ne ubpaan te Eleteala.

2 Timoteo 3:16

Su langun ne lalag te Eleteala ne impesurat din ne riyan en iya ebpuun te kandin. Ne dekelà se atag din kenita su iyan ebpayag kenita te tidtu ne penurù mekeatag kandin wey ke kiyug din, wey edawey keyta te meraat su apey ki ebpekeengked. Ne ebpemandù dema kenita te ulaula ne ebpekesuhat kandin apey ki ebpekeruma te metidtu.

1 Pedro 2:4

Egawed kiyu en rut te Kerenan tew ne si Hisus ne iyan ebehey te umur ne warà edtemanan din. Su sikandin ne iring te pelaus ne intimbag dut te menge ebpemevaley su kunaan dan ke warà rantek din, ugaid ne iyan en iya ini ne pemilì te Eleteala ne segkad ne berepantag dut te valey.

1 Pedro 2:8

Ne ruen dema impesurat ne Lalag te Eleteala ne egkahi te, “Ne sikandin ne iring te batu ne nesiud te menge etew ne ebpekepiley kandan.” Iyan dan kebpekesiud su warà dan mebperetiyaya te Lalag te Eleteala mekeatag dut te ini se Impasad din ne Ebperetuen te langun, tembù be ini se kedusa kandan se netahù te itungan te Eleteala.

2 Pedro 1:20

Na, itahù niyu nevenar ini te itungan niyu su apey kenà niyu melipati. Warà misan senge etew rà ne metau ne ebpesabut te lalag te ebpelambas te Lalag te Eleteala rengan embiya kayi rà te itungan din dà su iyan iya se medsarig sikandin dut te Kedesenan ne Ebpetuntul te Menusiyà te ebpesabut kandin.

2 Pedro 3:16

Diyà te langun ne surat din ne impenudtul din mekeatag te ini se hewii te kedlived ni Hisu Kristu kayi. Duen dema impenurù din diyà te menge surat din ne merehen ne egkesebutan, tembù be ke menge etew ne warà netuenan dan dut te benar ne penurù wey ke menge etew ne melemu ne eduma dut te kenà benar su mibèbeelan dà ne ebpekesuwey ran dut te meana rin. Ne kenà arà dà se insurat ni Pablo ne midsuwey ran dut te meana rin su iring ded se mid-ulaula ran dut te ruma ne impesurat ne Lalag te Eleteala. Tembù be edusaan dan te Eleteala kayi te mid-ulaula ran.