1 Pedro 2:24 - Ke meupiya ne tudtul mekeatag ki Hisu Kristu24 Su ketà te mibpeimatey si Hisus diyà te pinebelavag ne kayu ne mid-ewit din ke langun ne menge salà ta su sikandin se midusaan mekeatag te salà tew. Iyan din mid-ulaula te iring ketà su apey tew ed-engkeri ke ed-ul-ulaan ta ne meraat ne edtidtuwen ta ini se ed-ul-ulaan ta te ulaula ne meupiya. Su ketà te kegkepelii rin ne impeliyu ki rut te kedusa te menge salà ta. အခန်းကိုကြည့်ပါ။ |
1 Pedro 2:24
50 ပူးပေါင်းရင်းမြစ်များ
“Ke Kedesenan ne Ebpetuntul te Menusiyà ne riyà ebpuun te Kerenan ne Eleteala ne midlumun en kediey, ne mibpemilì a te Kerenan ne Eleteala su apey ku ibpesabut dut te menge etew ne ayuayu ke Meupiya ne Tudtul. Ne mibpeveyaan din kedì apey ku mepenudtuli te egkevelukasan ke menge etew ne nevakù ni Setanas; ne ebpengeulian ke menge pisek su apey ran ebpekekita; ne ebpelihawang dut te menge edtekutaken.
Su netuenan niyu te piya endei kew ebpesakup ne arà se ebayàbayà keniyu su embiya idsempità ta ne iring kew te uripen din. Ne engketà ded dema ke etew ne iyan ed-uripen kandin ke meraat ne ed-ul-ulaan din, ne edusaan sikandin te kepepatey ne warà edtemanan din. Ugaid ne ke etew ne idrumakan din ke hinawa rin te eduma te Eleteala, ne iyan kedtengteng kandin te Eleteala ne metidtu riyà te etuvangan din.
Ugaid ne geina te midsarig ki en ki Hisus ne iring te nekeunung ki en dut te kinepatey rin, ne nekeliyu ki en dut te keduma te penduan ni Moises ne mibayàbayà keytew. Su rengan te iyan tew pà edumaan ke penduan ni Moises, ne warà kiyu meketuman dut te kiyug te Eleteala. Ugaid ne guntaani ne ebpekegaga kiyu en ne edtuman dut te kiyug te Eleteala ibpepevayà dut te tavang te Kedesenan ne Ebpetuntul te Menusiyà.
Ugaid ne impeliyu ki en ni Hisu Kristu su apey ki kenà edusaan su sabap te kenà ki ebpekegaga ne edtuman dut te langun kayi ne penduan. Impeliyu ki en ni Hisus su sikandin ke nerasey dut te kedusa keyta su migaked din ke kerusaan ta ketà te inlansang sikandin diyà te pinebelavag ne kayu. Su ruen impesurat ne Lalag te Eleteala ne egkahi te, “Misan engkey en ne etew ne mid-imetayan ne ibitin dut te pinebelavag ne kayu, ne tuus arà te merasey ne kedusa te Eleteala.”
Pehaney ne ruen penduan te Eleteala ne ebperumaan din keytew, ugaid ne geina te nekerimpas kiyu ketà te insuhù din ne arà be imbe se ked-isuhata te Eleteala keytew te kewagib. Ugaid ne gunteani ne in-awà en te Eleteala ke ked-isuhat din keytew te menge mibperetiyaya su sabap dut te kinepatey ni Hisus ketà te pinebelavag ne kayu.
Engketà be ne si Hisus ke Mepurù ne Terebpelengesa tew riyà te etuvangan te Eleteala ne sikandin se ebpekevehey kenitew te langun ne kurang tew. Metidtu nevenar sikandin, ne warà salà din misan deisek dà ne meraat ne ulaula. Nekebira nevenar sikandin dut te langun tew su belisalà ki. Ne impepurù sikandin te Eleteala dut te langun taman misan diyà te langit.
Ne edtudà arà se wayig ketà te luuk te ralan te inged. Ne riyà te idsengeriveluyà dut te wayig ne ruen menge kayu ne impemula ne ebpekevehey te umur. Lusud te senge rahun ne ebahas te kesepulù wey deruwa su uman bulan ne ebahas. Ne arà se dawun din, ne ebpekevawì te langun ne menge etew dut te ampew te dunya.
ကြော်ငြာတွေ