Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 2:16 - Ke meupiya ne tudtul mekeatag ki Hisu Kristu

16 Ne geina te impeliyu ki en dut te salà ta ne egkepakey ne sikita se ebpemilì ke engkey se ed-ul-ulaan tew. Ugaid ne kenà egkepakey ne iyan tew ebpegitungen ne ini se kebpekeliyu keytew ne idtaleb ta dut te meraat maa ne ed-ul-ulaan ta. Ugaid ne ebperumaruma ki te Eleteala su sikita se sugsuhuen din guntaani.

အခန်းကိုကြည့်ပါ။ ကော်ပီ




1 Pedro 2:16
15 ပူးပေါင်းရင်းမြစ်များ  

Ne migkahi pà maa si Hisus te, “Mekeyruwiru kew ne menge meyterù te Penduan wey menge Peresiyu su edusaan kew dut te Eleteala! Uvag en kun ne eduma kew te kiyug te Eleteala! Ugaid ne ebelevahan niyu ke ibayà te menge etew ne ebpesakup perem te Eleteala. Sikiyu ne kenà kew ebpesakup dut te Kedatù te Eleteala, ne ed-alang kew pà maa dut te menge etew ne edlusud perem. [


Embiya warà a mebpengkayi te ampew te dunya,” ke si Hisus, “te ebpayag dut te lalag ku kandan, ne warà igkeisuhat kandan te salà. Ugaid ne geina te impayag ku en ini kandan ne warà en liwahì dan.


Na guntaani ne iyan ebayàbayà keniyu ne ke metidtu en ne ulaula, su nevelukasan kew en te Eleteala rut te salà ne mid-uripen keniyu.


Ugaid ne guntaan ne mibelukasan kew en te Eleteala rut te salà ne mid-uripen keniyu, ne nevaluy kew en ne uripen te Eleteala. Ne rekelà se keupianan niyu su ebmetilak ke hinawa niyu, ne egketelimà niyu ke umur ne warà edtemanan din.


Su misan uripen ka ketà te kineperetiyaya nu ki Hisu Kristu ke Kerenan tew, ne iyan din kedtengteng keykew ne kenà uripen. Engketà ded dema misan kenà ki uripen dut te kineperetiyaya tew, ne iring kiyu te uripen su embiya sikitew se mibperetiyaya ki Hisus ke Kerenan tew ne uripen kiyu nikandin.


Kenà kiyu en uripen dut te penduan ne intahak ni Moises, su nekeliyu kiyu en. Kenà niyu lipati ini ne itindehi niyu su apey kew kenà mekelived te kegkeuripen dut te penduan.


Menge suled ku, mibpemilì kew te Eleteala su apey kew ebpekeliyu rut te keduma niyu te penduan ni Moises. Ne misan nekeliyu kew en ketà, ne kenà niyu iyan idtahù te hinawa te egkepakey ne eduma kew rut te misan engkey ne egkiyuhan niyu. Iyan pà mentag se iyan niyu ipeiseg ke kebpetebtevangey niyu su sabap dut te kebpelimlimuey niyu.


Kenà wey kew rà ed-upiya te helevek niyu ke ebentayan kew pà apey kew egkereyù nikandin. Ugaid ne ul-ulaa niyu ve ke kiyug te Eleteala te egenat imbe te hinawa niyu su iyan niyu itahù te itungan ne edsugsuhuen kew ni Hisu Kristu.


Tentenuri niyu te ruen idlalew te Kerenan tew keniyu ketà te mid-ulaula niyu, su si Hisu Kristu ke tidtu ne edsuhùsuhù keniyu ne sikandin se ebehey keniyu dut te impenehana rin.


Netuenan niyu ne metidtu se kedlalag dey keniyu ne kenà dey midigdig dà sikiyu su apey niyu edumai ke ebuyuen dey, ne kenà ki engkungkun ne meupiya su apey ruen egkekuwa rey. Netuenan te Eleteala te benar ini.


Ugaid ne ke etew ne ebpemineg dut te impemandù te Eleteala ne kenà din egkelipatan su edumaan din iya, ne arà imbe ke etew ne egketevangan te Eleteala te piya engkey ne ed-ul-ulaan din. Su ke impemandù te Eleteala ne meupiya nevenar, ne ini se ebpekepeliyu kenitew wey iyan edtavang te kenà tew kebpekedsalà.


Tembù be uram kew te kedlalaglalag niyu wey ke ulaula niyu apey kew kenà ebpekerimpas te penduan din. Su ke penduan te Eleteala se ebpekepeliyu te etew te salà din. Ne Eleteala se egkukum te langun ne etew keuremà mekeatag te keduma ran te penduan din, ne iyan din igkukum ne ke kandin ded ne penduan.


Su iyan dan ibpenurù ne embiya ruen etew ne eduma rut te ibpenurù dan ne warè en penduan ne ebpekeiket kandan. Ugaid ne sikandan se ebpenurù te tarù ne ed-uripenen dut te menge ulaula ran ne meraat ne ederaat dema kandan. Su netuenan ta ne uripen iya ke etew dut te piya engkey ne ebayàbayà kandin.


Su ruen menge etew ne warà adat dan te Eleteala ne nekeamung te kevurunan niyu ne engkungkun ne ebperetiyaya te Eleteala ne ebpenurù te senge bias dut te peretiyaya tew ne egkahi ran te neked-iring ded. Ed-eraten dan perem ke benar ne penurù mekeatag te kegkeyru te Eleteala su ebpenurù dan te egkepakey ne ed-ul-ulaan tew te meraat su egkeyru nelaus ke Eleteala ne kenà ki kun edusaan nikandin. Kenà dan ebperetiyaya te si Hisu Kristu rà ke edumaan ne Kerenan tew. Ugaid ne rengan dà ne impesurat en te Eleteala se kedusa rin kandan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ