1 Pedro 1:9 - Ke meupiya ne tudtul mekeatag ki Hisu Kristu

⁹ Ne iyan kegkeiring ketà su ruen umur ne warà edtemanan din ne egketelimà niyu sabap te mibperetiyaya kew kandin.

1 Pedro 1:9 ပူးပေါင်းရင်းမြစ်များ

Ruma 6:22

Ugaid ne guntaan ne mibelukasan kew en te Eleteala rut te salà ne mid-uripen keniyu, ne nevaluy kew en ne uripen te Eleteala. Ne rekelà se keupianan niyu su ebmetilak ke hinawa niyu, ne egketelimà niyu ke umur ne warà edtemanan din.

Hibruhanen 11:13

Langun kayi ne menge etew te migkahi ku geina ne warà migkurang ke sarig dan te Eleteala taman te minatey ran, misan warà den pà medtelimà arà se impasad kandan te Eleteala te biviyag den pà. Su netuenan dan se ebpekeuma ke hewii te edtumanen te Eleteala ke impasad din kandan, ne taman be te biviyag den pà ne impesabut dan te sikandan ne nekererepuan den dà kayi te ampew te dunya.

Santiago 1:21

Tembù be id-awà niyu ke langun ne meredsik ne netahù te itungan niyu wey ke meraat ne ulaula niyu. Ne ipeembavà niyu ke hinawa niyu su apey ke lalag te Eleteala ne intahù din te hinawa niyu ne mibperetiyaya niyu se egkerumaan niyu, su ini se ebpekepeliyu keniyu rut te salà niyu.

1 Pedro 3:20

Ne ini ke menge gimukud dut te menge etew rengan ne warà mibperetiyaya te Eleteala ketà te hewii ni Noe. Rengan te biviyag den pà ne midtigkeran dut te Eleteala ke meraat ne ulaula ran su midtahad sikandin embiya ebpekeperetiyaya ran gewii te ebelayan pà ni Noe ke avang ne ed-ingaranan te arka. Ugaid ne guna su nekeipus si Noe te arka ne mid-urug ke ralem, ne ruen walu rà ne menge etew ne mibperetiyaya kandin ne midlusud te arka ne nekeliyu ran dut te kegkelened.