1 Pedro 1:11 - Ke meupiya ne tudtul mekeatag ki Hisu Kristu

¹¹ Su ruen mibpeketuenan kandan neraan dut te Kedesenan ne Ebpetuntul te Menusiyà ne riyà ebpuun te ki Hisu Kristu te ruen kemeresayan ne egkeheraman ni Hisu Kristu kayi te ampew te dunya, ne embiya egkeipus arà ne egkekita ini se kebmepurù din. Ne mibpekid-inseey ran te keenu ed-ul-ulaa te Eleteala ini wey engkey se ralan te ini ne egketuman.

1 Pedro 1:11 ပူးပေါင်းရင်းမြစ်များ

Mateo 26:24

Su egkeimetayan ke Impeanak te Menusiyà iring dut te nekahi te impesurat ne Lalag te Eleteala rengan, ugaid ne meraat nevenar se egketemanan din ini se etew ne ed-ulug kandin. Iyan pà tumù ne warà ianak sikandin.”

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Juan 12:41

Migkahi ini ni Isayas su netuenan din dengan ke rekelà ne gehem ni Hisus ke Ibpeanak te Menusiyà ne ini se edlalag din mekeatag kandin.

Nenged-ulaula 16:7

Guna su nekeuma ran diyà te eletan te inged te Misiya ne edlaus dan perem diyà te pruvinsiya te Bitaniya, ugaid ne warà dan tuhuti dut te Kedesenan ne Ebpetuntul te Menusiyà ne ebpuun diyà te ki Hisus.

Ruma 8:9

Ugaid ne sikiyu ve mulà, ne kenà en ke keniyu rà ne kiyug se edtumanen niyu su iyan niyu en edtumanen ne ke kiyug dut te Kedesenan ne Ebpetuntul te Menusiyà ne ed-ubpà riyà te hinawa niyu guntaan. Ugaid ke etew ne warà pà mekeubpà diyà te hinawa rin ini se Kedesenan ne Ebpetuntul te Menusiyà ne midsuhù ni Hisu Kristu, ne kenà pà sakup sikandin ni Hisu Kristu.

Gelasiya 4:6

Ne ketà te nevaluy kew en guntaani ne anak te Eleteala, ne midsuhù din en ke Kedesenan ne Ebpetuntul te Menusiyà su ebpeubpaan din diyà te hinawa niyu. Ne egkepakey en ne ed-Amey kew te Eleteala ketà te kebpengeningeni niyu.

2 Pedro 1:21

Su ini se Lalag te Eleteala ne impesurat dut te ebpelambas te Lalag te Eleteala rengan ne kenà ebpuun diyà te itungan den dà dè duen su ke Kedesenan ne Ebpetuntul te Menusiyà se mibpesabut kandan ke engkey se idsurat dan.

Imperayag 19:10

Ne midlumpeng ad diyà te sineruwan din su ebpengarap a kandin. Ugaid ne midawey a nikandin se egkahi te, “Kenà ka ebpengarap kediey. Iyan dait ne ebpengerapan nu ne ke Eleteala rà su siaken ne seveka a ne sugsuhuen te Eleteala iring kenikew wey ke menge ruma nu ne eduma rut te benar ne tuluuwen ne impesabut ni Hisus.” Su ini se benar ne tuluuwen ne impesabut din ne ini rema ke impenurù dut te ebpelambas te Lalag te Eleteala.