1 Kurintu 9:1 - Ke meupiya ne tudtul mekeatag ki Hisu Kristu

¹ Su siaken ne egkepakey ne ebpemilì a ke engkey se egeleveken ku su kedserihan a ni Hisu Kristu ne nekita ku ke Kerenan tew si Hisu Kristu, ne ke kebperetiyaya niyu kandin ne arà imbe ke helevek ku su sabap dut te kebpenurù ku mekeatag kandin.

1 Kurintu 9:1 ပူးပေါင်းရင်းမြစ်များ

Nenged-ulaula 13:2

Gewii ran te ebpengarap te Kerenan wey edlimpas te egkaan su ebpengeningeni ran, ne ruen impesabut kandan dut te Kedesenan ne Ebpetuntul te Menusiyà. Ke sikandin te, “Idtail niyu kediey si Bernabe wey si Saulo su apey ran egelevek dut te ebpeveelan ku.”

Nenged-ulaula 14:14

Guna su netuenan ni Bernabe ki Pablo ini se ed-ul-ulaan dut te menge etew ne mibpemindas dan ke belegkas dan ne tuus te kenà dan ebpekesuhat kayi te ini ne ulaula. Ne mibpelelahuy ran diyà te luuk dut te menge etew se ebpemengsag te,

Nenged-ulaula 14:4

Ne nevaad ke menge etew kayi te inged ne Ikunya su ruen midtampil te menge Hudiyanen wey ruen dema midtampil enki Pablo.

Nenged-ulaula 23:11

Rutun ne kerukileman en ne mibpekitakita ki Pablo ke Kerenan tew ne si Hisus ne migkahi te, “Kenà ka meandek! Su iring te impeitindeg nu ke kebperetiyaya nu kediey kayi te lusud te inged ne Hirusalim, ne engketà ded se ed-ul-ulaan nu rema diyà te inged ne Ruma.”

Nenged-ulaula 9:15

“Ipanew ka,” ke se Kerenan, “su mibpemilì ku en sikandin ne egelevek kediey. Su sikandin se ebpemenudtul mekeatag kediey riyà te menge etew ne kenà Hudiyanen wey ke menge datù dan abpeg dut ne menge Hudiyanen.

Nenged-ulaula 9:17

Ketà ne mid-ipanew en si Ananias. Nekeuma rà ne mibpemenayik en diyà te baley ne midampen din en si Saulo te migkahi, “Saulo, sikew se suled ku. Impepengkayi a rut te Kerenan tew ne si Hisus ke mibpekitakita keykew diyà te ralan te kebpengkayi nu te ini ne inged. Impepengkayi a su apey ka ebpekekita en maa, wey egkelumunan ka rut te Kedesenan ne Ebpetuntul te Menusiyà.”

Nenged-ulaula 9:3

Guna su ebpelundani en si Saulo diyà te inged ne Demasku, ne netekew en te ruen mermerayag ne ebpuun te langit ne neketayew kandin.

Nenged-ulaula 9:5

Migkahi si Saulo te, “Engkey ka etawa, Kerenan?” “Si Hisus a,” ke se suwara, “ne mibpekesekitan nu.

Ruma 1:1

Siaken ini se edsurat keniyu ne si Pablo, ne sugsuhuen ni Hisu Kristu. Ne nepemilì a te Eleteala ne kedserihan din ne insuhù din kediey te ibpesabut ku ke Meupiya ne Tudtul ne riyà ebpuun te kandin.

Ruma 1:5

Ibpepevayà ki Hisu Kristu ne midtevangan a te Eleteala te nevaluy a ne kedserihan ni Hisus te ebpesabut mekeatag kandin diyà te langun ne menge etew. Su egkiyuhan din te langun ne menge etew ne ebpekeperetiyaya ki Hisus ne eduma kandin. Ne kayi te keduma ran kandin ne sikandin se edeyuen diyà te kandan.

Ruma 11:13

Ne sikiyu ini se menge etew ne kenà menge Hudiyanen ne ruen egkehiyen ku keniyu. Netuenan niyu ne midsuhù a te Eleteala ne kedserihan din te ebpemenudtul ke Meupiya ne Tudtul keniyan te keniyu, ne edtumanen ku ve ini te mevaher se insuhù din kediey.

1 Kurintu 1:1

Siaken ini si Pablo se edsurat kayi diyà te menge etew te Eleteala te inged ne Kurintu egenat te kebperetiyaya ran ki Hisu Kristu. Ne si Sutinis ke suled tew te ebperetiyaya se ed-amung kediey te edsurat kayi. Senge etew a ne kedserihan ni Hisu Kristu ne nepemilì din su arà ke kiyug te Eleteala. Ini se surat ku keniyan te keniyu ne nepemilì te Eleteala ne egkevaluy ne menge etew rin egenat te mibpekidseveka ke hinawa niyu ki Hisu Kristu. Uya, nepemilì kew nikandin ne mibmetilaken ke hinawa niyu su apey sikiyu ne menge etew rin ne edtuman te kiyug din. Ne kenà sikiyu rà se nepemilì din su langun ne etew ne mibperetiyaya ki Hisu Kristu ke Kerenan tew, misan endei ran kayi te ampew te dunya, su si Hisus ke Kerenan tew te langun ne ebpengarap kandin.

1 Kurintu 10:30

Su embiya mibpeselemetan ku te Eleteala arà se egkeenen ku, ne meambe ke egkehiyen te ruma ne etew te meraat ne egkekaan ku misan mimpeselamat a ketà?”

1 Kurintu 11:16

Ne embiya ruen kenà edtelimà kayi te migkahi ku en mekeatag te edtutungatub ke meritan ne ebpengeningeni ne ini se egkehiyen ku te warà duma ne betasan ne ibpenurù dut te sikami ne kedserihan ni Hisus ke kenà ini rà. Ne ini ke edumaan dut te langun ne mibperetiyaya te Eleteala diyà te baley ne ebpengeningeniyan dan piya diyà te ruma ne inged.

1 Kurintu 3:6

Embiya idsempità ku ne iring te benì ne ibpemula ku riyà te keniyu. Ne ke helevek ni Epulus ne ebungbung te wayig su sikandin se ebag-et dut te kebperetiyaya niyu. Ugaid ne iyan ebpetuvù dut te benì ne Eleteala.

1 Kurintu 9:19

Na geina te warà etew ne edsukey kediey, warà dema etew ne dait ne edsuhù kediey. Ugaid ne egkiyug ad ne egkevaluy ne edsugsuhuen dut te langun ne etew su apey ku egkepeneheewit ke merakel ne etew te kebperetiyaya ki Hisu Kristu.

2 Kurintu 10:7

Sikiyu ne warà mekesuhat se itungan niyu su iyan niyu edtengtengan ne ke kebpeparas te etew, ugaid ne iyan niyu kenà egkekita ke riyà te lusud te hinawa rin. Su ruen keniyan te keniyu ne iyan dan itungan ne sikandan dà ke benar ne sugsuhuen ni Hisu Kristu, ugaid ne iyan meupiya ne egkesebutan dan te sikami ne benar dema ne sugsuhuen din.

2 Kurintu 11:5

Ne ini se uvag kun ne menge kedserihan ni Hisu Kristu ne mibpengkeniyan ne kunaan niyu ke utew ran en ne nekelavew, ugaid ne netuenan ku se kenà dan ebpekelavew kedì.

2 Kurintu 6:1

Engketà arà ne mid-amung key dut te Eleteala te egelevek dut te helevek din kayi te ampew te dunya. Ne ebuyuen dey keniyu ne ibpekita niyu te mid-upianan niyu ke daat te nanam din keniyu su apey kew ebpekeliyu.

Gelasiya 1:1

Siaken ini se edsurat ne si Pablo. Ne ibpeewit ku ini riyà te menge etew ne mibperetiyaya en ki Hisus ne egkevurun diyà te menge valey te Eleteala diyà te inged ne Gelasiya. Langun dey kayi ne mibperetiyaya en ki Hisus ne ebpenginginsà te sikiyu. Senge etew a ne kedserihan ni Hisu Kristu, ugaid ne ini se kinesuhù kedì ne kenà kiyug dà te etew etawa insuhù dan kedì su suhù a ni Hisu Kristu wey ke Amey ne mibanew ki Hisus dut te kinepatey rin.

Gelasiya 5:1

Kenà kiyu en uripen dut te penduan ne intahak ni Moises, su nekeliyu kiyu en. Kenà niyu lipati ini ne itindehi niyu su apey kew kenà mekelived te kegkeuripen dut te penduan.

1 Tiselunika 2:6

Kenà ke kedeyua niyu kenami etawa ke kedeyù te ruma ne etew se mibpemengà dey,

1 Timoteo 2:7

Tembù be mibpemilì a ni Hisu Kristu ne kedserihan din ne ibpemenudtul ini se tidtu ne lalag mekeatag kandin diyà te menge etew ne kenà Hudiyanen apey ran ebpekeperetiyaya. Ini ve iya se egkehiyen ku ne kenè en be iya ini egkedtarù su benar!

2 Timoteo 1:11

Ne midtendù a te Eleteala ne kedserihan ni Hisu Kristu te ebpemenudtul kayi te Meupiya ne Tudtul mekeatag kandin wey ibpemesabut ini.