1 Kurintu 8:9 - Ke meupiya ne tudtul mekeatag ki Hisu Kristu

⁹ Ugaid ne misan iring ketà, ne uram kew kayi te menge ruma niyu ne meluvey pà se peretiyaya ran su apey ran kenà ebpekedsalà te puunan keniyu.

1 Kurintu 8:9 ပူးပေါင်းရင်းမြစ်များ

Mateo 18:10

“Urami niyu,” ke si Hisus, “te kenà kew edsudì kayi te eduma kediey ne iring te vatà se kedsarig dan. Su ke menge suluhuen ne ebantey kandan ne layun diyà te etuvangan te Eleteala ne Amey ku diyà te langit. [

Ruma 15:1

Na sikitew se mevaher en se peretiyaya tew, ne iyan iya se edtulengeran tew ke menge ruma tew ne meluvey pà se peretiyaya rin. Ne kenà iyan tew rà ebpegitungen ne ke hinawa tew.

1 Kurintu 10:24

Warà perem dut te sikiyu ne ebpegelep te kandin dà ne keupianan, ke kenà keupianan ded dut te ruma ne menge etew.

1 Kurintu 10:28

Ugaid ne embiya ruen etew ketà ne mibperetiyaya ki Hisus ne egkahi te ayan se egkeenen ne indrenà ne siparat diyà te kenà tidtu ne ebpengerapan, ne kenà nu keena su arà se ibpetuus kandin te salà embiya egkaan ka. Tembù be kenà nu keena su apey kenà ebmesakit se hinawa rin. Ne kalu ke ruen egkahi te, “Meambe ke kenà ku egkekaan arà te netuenan ku ne kenà salà? Su meambe ke iyan ku edumaan ke itungan dut te ruma ne etew?

1 Kurintu 10:32

Ne sekitew, ne kenà ki iya ed-ulaula te misan engkey en ne egkepeneheewit ke ruma tew te ebpekedsalà misan Hudiyanen sikandin, etawa kenà Hudiyanen, etawa ve ke ruma tew red te mibperetiyaya ki Hisus.

1 Kurintu 8:10

Su misan netuenan nu ke benar ugaid ne egkaan ka te egkeenen ne indrenà ne siparat diyà te baley ne ed-erapan te kenà tidtu ne ebpengerapan ne nekita ka rut te ruma ne warà mekesabut te benar, ne kalu ke egkepeneheewit nu sikandin te ed-amung dema.

1 Kurintu 8:12

Tembù be embiya iring ketà se ed-ul-ulaan nu, ne nekesalà ka ki Hisu Kristu su nekesalà ka rut te ruma nu ne meluvey pà se kebperetiyaya rin ki Hisus su midereetan nu ke sarig din.

1 Kurintu 9:22

Ne embiya riyan a te menge etew ne meluvey pà se kebperetiyaya ran ki Hisus, ne kenà ku ed-ul-ulaan te iyan dan pegitungan ne salà. Iyan ku ked-ul-ulaa te iring ketà su apey ku egketevangi sikandan te ebpeiseg dut te kebperetiyaya ran. Tembù be kayi te kebpemesabut ku te Meupiya ne Tudtul dut te langun ne menge etew, ne ebpemengaan ku ke ralan te kebpeneheewit ku kandan te kebperetiyaya ki Hisus.

2 Kurintu 11:21

Ne arà se ed-ul-ulaan dan, ne igkeyeyai ku te ed-iring! Su kenà iring ketà se kevurut ku! Geina te warà kegkeandek dan te kedantal, ne kenà a rema egkeandek ne edantal misan iring a te egkevengùbengù.

2 Kurintu 11:29

Su embiya ruen mibperetiyaya ne ebmeluvey se sarig din, ne iring te egeramen ku rema ketà te kegkeuru ku. Ne embiya ruen egkeewit te kebpekedsalà, ne iring te ebpiruwen ke pusung ku kandin.

2 Kurintu 6:3

Ne kayi te helevek dey te Eleteala ne ed-up-upianan dey ini su apey warà igkesawey kenami te misan engkey ne etew. Ed-uram key nevenar su apey warà liwahì te etew te kenà din keduma dut te penuruan dey mekeatag te Eleteala.

Gelasiya 5:13

Menge suled ku, mibpemilì kew te Eleteala su apey kew ebpekeliyu rut te keduma niyu te penduan ni Moises. Ne misan nekeliyu kew en ketà, ne kenà niyu iyan idtahù te hinawa te egkepakey ne eduma kew rut te misan engkey ne egkiyuhan niyu. Iyan pà mentag se iyan niyu ipeiseg ke kebpetebtevangey niyu su sabap dut te kebpelimlimuey niyu.

Kulasi 2:8

Pemiyapiya kew ve rut te menge etew ne ebpekehuyud te inesa niyu te ebpemineg dut te lalag dan ne engkungkun ne meralem su apey kew egkeekali wey apey kew ebperumaruma kandan. Ugaid ne warà pantag dut te menge lalag dan su iyan dan dà ebpenurù ke betasan te menge keep-epuan dan ne riyà dà ebpuun te itungan dut te menge etew rà dè duen, su ini se ibpenurù dan ne kenà riyà ebpuun te ki Hisu Kristu.

1 Pedro 2:16

Ne geina te impeliyu ki en dut te salà ta ne egkepakey ne sikita se ebpemilì ke engkey se ed-ul-ulaan tew. Ugaid ne kenà egkepakey ne iyan tew ebpegitungen ne ini se kebpekeliyu keytew ne idtaleb ta dut te meraat maa ne ed-ul-ulaan ta. Ugaid ne ebperumaruma ki te Eleteala su sikita se sugsuhuen din guntaani.

2 Pedro 2:19

Su iyan dan ibpenurù ne embiya ruen etew ne eduma rut te ibpenurù dan ne warè en penduan ne ebpekeiket kandan. Ugaid ne sikandan se ebpenurù te tarù ne ed-uripenen dut te menge ulaula ran ne meraat ne ederaat dema kandan. Su netuenan ta ne uripen iya ke etew dut te piya engkey ne ebayàbayà kandin.

Imperayag 2:14

“Ugaid ne ruen dema ed-ul-ulaan niyu ne kenà ku egkesuatan su ruen keniyan te keniyu ne eduma te impenurù ni Belaam dengan. Si Belaam ini, ne impenurù din dengan ki Balak ke ralan te kebpeneheewit dut te menge etew ne kevuwaran ni Israyil te kebpekedsalà. Su mibpeneheewit din sikandan te egkaan dut te egkeenen ne inrenà ne siparat diyà te ledawan dà ne kenà tidtu ne Eleteala wey mibpeneheewit din dema sikandan te kebpengingniyug.