1 Kurintu 8:4 - Ke meupiya ne tudtul mekeatag ki Hisu Kristu

⁴ Na gunteani maa ne edlived ad te egkahi te in-insà niyu mekeatag te indrenà ne siparat diyà te kenà tidtu ne ebpengerapan. Ne netuenan ta te arà se midrenaan dan te siparat ne kenà tidtu ne ebpengerapan su ruen sebseveka rà ne Eleteala.

1 Kurintu 8:4 ပူးပေါင်းရင်းမြစ်များ

Marcos 12:29

Ne midtavak ni Hisus te, “Ini ke ebpekeuna te langun: ‘Sikiyu ne inenakan ni Israyil ne pemineha niyu ini! Ke Kerenan ne Eleteala tew ne iyan dà iya Kerenan!

Nenged-ulaula 14:15

“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.

Nenged-ulaula 15:20

Iyan meupiya ne edsuratan ta sikandan ne egkehiyen tew te kenà dan megkaan te egkeenen ne indawey su inrenà ne siparat diyà te ledawan ne kenà tidtu ne Eleteala, ne kenà dan megkaan te binatang ne ebpekelen dà wey kenà dan megkaan te lengesa. Ne kenà dan dema mebpengingniyug.

Nenged-ulaula 19:26

Ne nekita niyu wey nerineg niyu ini se mibeelan kayi te etew ini ne ed-ingaranan ki Pablo su impenurù din te ini se menge ledawan ne mibeelan te menge etew rà ne kenà ke tidtu ne Eleteala. Ne merakel en se mibperetiyaya te ini se penurù din, ne kenà kayi rà te inged ne Ipisu su riyà te langun ne lusud te Asiya.

1 Kurintu 8:1

Na menge suled ku, ini se egkehiyen ku keniyu ne mekeatag te in-insà niyu kedì ke embiya egkepakey ne egkekaan dut te sikitew ne mibperetiyaya ki Hisu Kristu ke egkeenen ne indrenà ne siparat diyà te kenà tidtu ne ebpengerapan. Ne benar iya ne iyan niyu migkahi te netuenan tew langun te ini se kenà tidtu ne ebpengerapan ne warà gehem din keytew. Ugaid ne misan netuenan tew en se warà gehem din keytew, ne ed-uram kiyu su apey kenà ki ebmepereyù diyà te ruma tew su kenà ini se netuenan tew se kebpeketavang tew kandan. Su ke ralan ne kebpeketavang tew rut te ruma tew ne kenà ke netuenan tew, ugaid ne ke limù tew kandan.

1 Kurintu 8:10

Su misan netuenan nu ke benar ugaid ne egkaan ka te egkeenen ne indrenà ne siparat diyà te baley ne ed-erapan te kenà tidtu ne ebpengerapan ne nekita ka rut te ruma ne warà mekesabut te benar, ne kalu ke egkepeneheewit nu sikandin te ed-amung dema.

1 Kurintu 8:11

Engketà be ne kayi te mid-ulaula nu ne misan nesebutan nu te arà ne kenà salà, ne nereetan nu ke sarig te ruma nu ne meluvey se kebperetiyaya rin, ne etew red dema sikandin ne impeliyu ni Hisus dut te kinepatey rin.

Gelasiya 4:8

Rengan te warà niyu pà metueni ke tidtu ne Eleteala, ne mibpengunguripen kew rut te ebperetiyayaan niyu ne tumitimà ne kenà tidtu ne Eleteala.

Ipisu 4:6

Ne ruen dema seveka rà ne Eleteala ne ke Amey rut te langun tew, ne sikandin ke mepurù ne ebayàbayà te langun ne sikitew. Sikandin dà ke ebayàbayà dut te langun tew su piya endei kiyu ed-ubpà ne ketà ed-ubpà sikandin, ne kayi red te kinawa te langun tew.

1 Timoteo 1:17

Ne edeyrey kiyu ve te Eleteala taman te taman su sikandin dà se Eleteala. Ne sikandin se ebayàbayà te langun taman te warà ketepusan din. Kenà sikandin egkekita su rengan ne daan en sikandin su warà rudsuan din ne warà kemetayen din.

1 Timoteo 2:5

Su Eleteala ne sebseveka rà, ne sebseveka rà dema se edteyekupan tew te menge etew riyà te etuvangan te Eleteala ne warà liyu rin ke kenà si Hisu Kristu ne nevaluy ne etew.

Hudas 1:25

Kenà kiyu ed-engked se edeyrey te Eleteala su sikandin dà se benar ne Eleteala ne ebpeliyu kenitew su sabap dut te mid-ulaula ni Hisu Kristu ke Kerenan tew. Su sikandin dà se mepurù te langun ne warà repeng dut te keupiya wey gehem din, su mibayàbayà sikandin te aney en te warà pà limbaha ini se kelibutan taman guntaani en ne warà ketepusan din taman te taman! Ne metuman be ini. Arà dà taman. Hudas