1 Kurintu 8:10 - Ke meupiya ne tudtul mekeatag ki Hisu Kristu

¹⁰ Su misan netuenan nu ke benar ugaid ne egkaan ka te egkeenen ne indrenà ne siparat diyà te baley ne ed-erapan te kenà tidtu ne ebpengerapan ne nekita ka rut te ruma ne warà mekesabut te benar, ne kalu ke egkepeneheewit nu sikandin te ed-amung dema.

1 Kurintu 8:10 ပူးပေါင်းရင်းမြစ်များ

Nenged-ulaula 15:20

Iyan meupiya ne edsuratan ta sikandan ne egkehiyen tew te kenà dan megkaan te egkeenen ne indawey su inrenà ne siparat diyà te ledawan ne kenà tidtu ne Eleteala, ne kenà dan megkaan te binatang ne ebpekelen dà wey kenà dan megkaan te lengesa. Ne kenà dan dema mebpengingniyug.

Ruma 14:14

Su kayi sabap te keduma ku ki Hisu Kristu ke Kerenan ku, ne nesebutan ku te warà misan engkey ne egkeenen ne idawey te Eleteala. Ugaid ne embiya ruen etew ne ebpegitung te ruen egkeenen ne idawey te Eleteala, ne kenà meupiya ne egkaan sikandin.

Ruma 14:23

Su embiya ruen etew ne egkeruwaruwa se hinawa rin ketà te egkeenen din, ugaid ne egkeenen din ma iya, ne ed-isuhaten te Eleteala sikandin te salà su nesurang din ke benar ne mibperetiyaya rin. Ne misan engkey en se ed-ul-ulaan tew, embiya kenà kayi ebpuun dut te benar ne peretiyaya tew ne egkevaluy ne salà tew.

1 Kurintu 10:32

Ne sekitew, ne kenà ki iya ed-ulaula te misan engkey en ne egkepeneheewit ke ruma tew te ebpekedsalà misan Hudiyanen sikandin, etawa kenà Hudiyanen, etawa ve ke ruma tew red te mibperetiyaya ki Hisus.

1 Kurintu 8:4

Na gunteani maa ne edlived ad te egkahi te in-insà niyu mekeatag te indrenà ne siparat diyà te kenà tidtu ne ebpengerapan. Ne netuenan ta te arà se midrenaan dan te siparat ne kenà tidtu ne ebpengerapan su ruen sebseveka rà ne Eleteala.

1 Kurintu 8:7

Ugaid ne kenà langun ne ruma tew ne mibperetiyaya ki Hisus ne netau te warà gehem din diyà te kandan arà se kenà tidtu ne ebpengerapan embiya egkaan dan te egkeenen ne indrenà ne siparat su nelayaman dan rengan te egkaan te egkeenen ne indrenà ne siparat diyà te kenà tidtu ne ebpengerapan. Ne taman guntaan embiya egkekaan dan arà se egkeenen ne indrenà ne siparat diyà te kenà tidtu ne ebpengerapan, ne iyan dan kunaan ke nekeamung dan dema te ebpengarap ketà te kenà tidtu ne ebpengerapan. Ne ketà puunan ne ebmeraat ke hinawa ran su kunaan dan ke nekesalà dan su warà dan mesebuti ke benar.

1 Kurintu 8:9

Ugaid ne misan iring ketà, ne uram kew kayi te menge ruma niyu ne meluvey pà se peretiyaya ran su apey ran kenà ebpekedsalà te puunan keniyu.