1 Kurintu 7:38 - Ke meupiya ne tudtul mekeatag ki Hisu Kristu

³⁸ Tembù be ke etew ne ed-esawa ne nekevaal te meupiya, ugaid ne muna pà se keupiya rin embiya kenà ed-esawa.

1 Kurintu 7:38 ပူးပေါင်းရင်းမြစ်များ

Mateo 5:32

Ugaid ne igkahi ku keniyu embiya ruen meama ne ebpekid-engked te esawa rin, misan kenà edlangkadlangkad ini se esawa rin kandin, ne ini se meama se puunan te salà te esawa rin su embiya edsaup ed-esawa ke meritan ne timbang te nekelangkadlangkad en sikandin. Ne engketà ded dema timbang te nekelangkadlangkad en ke meama ne ed-esawa kandin.”

1 Kurintu 7:26

Embiya iyan ta ed-intengan ke egketemanan dut te sikitew ne mibperetiyaya ne merakel se kemerehenan ne ibpevayà ta, ne iyan pà tumù ne kenà ed-esawa.

1 Kurintu 7:37

Ugaid ne embiya ruen kenakan ne intahù te hinawa rin te kenà ed-esawa su egketigkeran din ke kiyug din ne kenà ebpehesen sikandin, ne iyan tumù ne kenà en sikandin med-esawa.

1 Kurintu 7:39

Na embiya ruen meritan ne ruen en esawa rin, ne kenà egkepakey ne ed-engkeran din ke esawa rin ne edsaup ed-esawa. Ugaid embiya ebpatey ke esawa rin, ne egkepakey ne edsaup sikandin ed-esawa asal su iyan din ed-esawaan ne mibperetiyaya ki Hisu Kristu ke Kerenan tew.

1 Kurintu 7:8

Na sikiyu se menge kenakan wey menge raha wey menge valu, iyan pà meupiya ke kayi kew ed-iring te kedì te warà med-esawa.

Hibruhanen 13:4

Ne edati niyu ke kedtiwelayà niyu ne kenà kew edlangkadlangkad dut te esawa nu. Su edusaan te Eleteala ke etew ne ed-iring ketà misan nekeesawa sikandin etawa kenà.