1 Kurintu 7:30 - Ke meupiya ne tudtul mekeatag ki Hisu Kristu

³⁰ Ne iring ded dema ke etew ne ruen kemutuwan din, kenà din ketà dà edtemana ke pegitungan din ketà te kemutuwan din. Ne iring ded ke etew ne ruen igkehalew rin, kenà iyan din dà tutuva te ebpegitung ne ke kehelawan din. Ne arà dema se ruen mibpemasa rin, ne kenà iyan din pegitunga se igkenuhuni rin arà se nepemasa rin, ugaid ne iyan din petimbangi se warà te hinawa rin.

1 Kurintu 7:30 ပူးပေါင်းရင်းမြစ်များ

Lucas 16:25

“Ugaid ne migkahi si Abraham te, ‘Menge anak, tentenuri nu te nekuwa nu en ke langun ne keupiyanan nu te gewii rut te biviyag ke pà, ugaid ne si Lazaro mulà ne neamin-amin din se keresayan. Ugaid ne guntaani ne si Lazaro ne meupiya en se egketemanan din kayi, ne sikuna en se egkerasay.

Lucas 6:21

Dayirayi kew ne menge egkevitil guntaan, su ebpekevulungan kew te Eleteala keuremà. Dayirayi kew ne menge egkemutu guntaan, su egkehalewhalew kew keuremà.

Lucas 6:25

Mekeruanduan kew ne ebpengevulung guntaan, su ruen timpu ne egkevitil kew keuremà. Mekeruanduan kew ne nengehalew guntaan, su ruen timpu ne egkemutu kew wey ebpekesinehew kew keuremà.

Juan 16:22

Ne iring kew re be rema ketà su guntaani ne egkemutu kew, ugaid ne ebpekidbalak e red maa keniyu ne egkehalew kew nevenar, ne warà misan entei ne ebpekeawà kayi te kehelawan niyu.

1 Kurintu 7:29

Ne iyan ku kebpekekahi kayi, menge suled ku, su kenè en meuhet se hewii te egelevek ki te Eleteala. Ne geina te iring kayi, ne ke nenekeesawa en ne iyan din tumana ke kiyug te Eleteala kandin, iring te warà esawa rin.

1 Kurintu 7:31

Ne kenà iyan tew dekelà te ebpegitungan ne ke langun taman kayi te ampew te dunya. Su ini se kelibutan wey langun te nekeriken kayi te ampew te dunya ne id-anew.

Imperayag 18:7

Su mibpereyùdeyù sikandin ne midtuman dut te meraat ne kiyug din, ne arà rema se kevehat dut te keresayan wey kemutuwan ne ebpekeuma kandin. Su migkahi arà se meraat ne meritan ne in-upama te arà ne inged, ke sikandin te, ‘Iring a te bai su warè en egkepemengà ku. Kenà a balu, tembù be warè en keresayan ne ebpekeuma kayi te kedì!’

Imperayag 7:17

Su ini se Nati te Bilibili ne kayi te etuvangan te ebpinuuwan dut te edatù, ne sikandin se edtuganur kandan, wey ebpeneheewit kandan diyà te ebpuunan te menge wayig ne ebpekevehey te umur ne warà edtemanan din. Ne ke Eleteala ne id-awà din ke kemutuwan dan ne kenà dan en ebpekesinehew.”