“Warà edsugsuhuen,” ke si Hisus, “ne deruwa se edtehiuripen kandin. Su embiya deruwa se ebpengunguripen kandin, ne egkeepesan din ke seveka ne ed-edatan din ke seveka. Etawa ebperumaduma sikandin dut te seveka ne kenà din edsehipaan ke seveka. Su iring be kayi embiya iyan dekelà te hinawa nu ne kureta, ne kenà ka ebpeketuman te kiyug te Eleteala.
1 Kurintu 7:23 - Ke meupiya ne tudtul mekeatag ki Hisu Kristu23 Ne mepmepurù se kinevayad te Eleteala keytew te kebpekepeliyu keytew rut te keberedusaan tew. Engketà be ne kenà kew en peuripen dut te etew, ugaid ne diyà kew peuripen dut te mibpemasa keniyu te mepmepurù. အခန်းကိုကြည့်ပါ။ |
1 Kurintu 7:23
10 ပူးပေါင်းရင်းမြစ်များ
Bentayi niyu,” ke si Pablo, “ini se ed-ul-ulaan niyu wey tugenura niyu ke langun ne menge etew ne mibperetiyaya ki Hisus ne insarig keniyu dut te Kedesenan ne Ebpetuntul te Menusiyà. Ed-iring kew te tumetuganur te menge bilbili ne edtugenuren niyu ke menge etew ne mibperetiyaya te Eleteala su sakup dan te Eleteala egenat te kebpebpatey te Anak din su sabap dut te menge salà dan.
Ugaid ne ruen ruma ne menge Hudiyanen ne midtelavuk ne uvag kun se mibperetiyaya ran en ki Hisus ne migkahi te iyan iya se ed-etusan sikandin. Iyan kinetelavuk dan su apey ran ebpenitipi embiya sikami se mibperetiyaya ki Hisus se eduma red te penduan ni Moises. Su iyan dan igkesuat ne ebpekeruma key pà kayi te penduan ni Moises misan impeliyu key ni Hisu Kristu ne kenà en arà se penduan ne edumaan ta.
Su misan si Hisu Kristu ne warà salà din ne mibpeimatey sikandin su atag dut te sikitew ne mekesesalà su apey ibpelived ta ke hinawa ta diyà te Eleteala. Keseveka rà se kinepatey rin atag dut te salà ta, ne kenà en edseupan su nepasad en. Ugaid ne misan mid-imetayan te menge etew ke lawa rin ne biviyag ded sikandin su warà mibpatey ke gimukud din,
Ne migkanta ran te behu pà ne kanta, ke se bayuk dan te, “Sikuna rà ke ebpekegaga ne ebpekekuwa te midlulun ne kelatas ne ebpekeawà dut te menge tuus ne impereket ketà. Su mid-imetayan ka rengan ne sabap dut te kedtudà te lengesa nu ketà te kineimetayi keykew, ne mid-awun nu ke menge etew ne meraat se ed-ul-ulaan din dut te langun ne menge inged, bansa wey kinehiyan su apey sikandan ne egkevaluy ne sakup te Eleteala.
ကြော်ငြာတွေ