1 Kurintu 7:21 - Ke meupiya ne tudtul mekeatag ki Hisu Kristu

²¹ Embiya uripen ka te kineperetiyaya nu, kenà ka egkeuru. Ugaid ne embiya ruen hewii ne egkepakey ne egkevelukasan ka, ne pevelukas ka.

1 Kurintu 7:21 ပူးပေါင်းရင်းမြစ်များ

Lucas 12:29

Ketà be ne kenà kew meuru, ne kenà iyan niyu rà idtahù te hinawa niyu ke engkey se egkekaan wey egkeinum niyu.

Lucas 21:34

Ne migkahi en maa si Hisus te, “Uram kew ve su apey kenà kew kayi rà egketaman te kebpengevurunan, ebpenginum te ebpeketevereg, wey ke kegkeuru niyu te ked-ubpàubpà niyu. Su embiya kenà kew ed-uram ne egkesaut kew te hewii ne kegkukum te Eleteala te menusiyà ne iring kew te rumat ne egketelebpì.

1 Kurintu 12:13

Su langun tew ne misan Hudiyanen etawa kenà uripen etawa kenà ne langun tew ne mibunyahan ibpepevayà dut te seveka rà ne Kedesenan ne Ebpetuntul te Menusiyà su apey ki egkevaluy ne egkeseveka ne lawa egenat dut te kebpekidseveka tew ki Hisus. Langun tew ne mibehayan te seveka rà ne Kedesenan ne Ebpetuntul te Menusiyà ne ed-ubpà kayi te hinawa tew.

1 Kurintu 7:20

Ne egkehiyen ku manen ke migkahi ku geina te kenà kiyu en ebpemegitung en te kedsambì tew te misan engkey ne mibpetehuan te Eleteala keytew te warà kiyu pà mebperetiyaya ki Hisus.

1 Kurintu 7:22

Su misan uripen ka ketà te kineperetiyaya nu ki Hisu Kristu ke Kerenan tew, ne iyan din kedtengteng keykew ne kenà uripen. Engketà ded dema misan kenà ki uripen dut te kineperetiyaya tew, ne iring kiyu te uripen su embiya sikitew se mibperetiyaya ki Hisus ke Kerenan tew ne uripen kiyu nikandin.

Gelasiya 3:28

Su ke menge etew ne mibperetiyaya en, ne warà ebiraan din diyà te etuvangan te Eleteala ke menge etew ne Hudiyanen wey ke kenà Hudiyanen. Warà biraan din ke etew ne uripen wey ke etew ne kenà. Warà biraan din ke meama wey ke meritan. Su riyà te etuvangan te Eleteala ne midserepeng langun su sabap dut te kedsarig dan ki Hisus.

Pilipus 4:11

Ne kenà ve iyan ku kegkahi kayi ne ebpeketuenan ku se ruen kurang ku, su nelayaman ku te edtigker se piya engkey se egketemanan ku.

Pilipus 4:6

Kenà kew egkeuru te misan engkey en, ugaid ne ipengeningeni niyu riyà te Eleteala mekeatag te langun ne egketemanan niyu. Buyua niyu diyà te kandin te langun ne kurang niyu, ne peselemati niyu sikandin dut te ibehey rin.

Kulasi 3:11

Ke langun tew ne mibperetiyaya ne warà biraan din diyà te etuvangan te Eleteala, Hudiyanen sikandin etawa kenà Hudiyanen, neetusan sikandin etawa warà, nekepengadì sikandin etawa warà nekepengadì, uripen sikandin etawa kenà uripen. Su langun tew ne mibperetiyaya ki Hisu Kristu ne mibpekidseveka kiyu kandin, ne sikandin se ed-ubpà kayi te keytew.

Hibruhanen 13:5

Uram kew te kegkiyug niyu te pirak, ne endei rà taman se nearen niyu ne igkehalew niyu en arà. Su migkahi te Eleteala te, “Kenà ku sikiyu ed-ewaan, ne kenà ku sikiyu ebpedterayen.”

1 Pedro 5:7

Ne idsarig ta te Eleteala ke piya engkey ne kemutuwan ta su iyan sikandin ke edtuganur keyta.