1 Kurintu 7:14 - Ke meupiya ne tudtul mekeatag ki Hisu Kristu

¹⁴ Sikiyu ne mibperetiyaya ki Hisu Kristu ne ruen esawa niyu ne warà pà mebperetiyaya ki Hisus, ne riyà te etuvangan te Eleteala ne metilak se kebpekeesawa niyu su sabap te kebperetiyaya nu ki Hisus. Engketà ded dema ke menge anak niyu riyà te etuvangan te Eleteala, su embiya ve kenà metilak se kebpekeesawa niyu riyà te etuvangan te Eleteala ne ke menge anak niyu ne kenà metilak diyà te etuvangan din su iyan dan egkeiringan ne anak dut te warà pà mebperetiyaya te Eleteala.

1 Kurintu 7:14 ပူးပေါင်းရင်းမြစ်များ

Nenged-ulaula 10:23

Ne impelusud ni Pedro ke menge meama ne impeirehà din sikandan te senge kerukileman. Guna su nepawà en ne miduma si Pedro kandan. Ne ruen menge mibperetiyaya riyà te Hupa ne miduma kandin dema.

Ruma 11:16

Su ruen sempità ku mekeatag te menge Hudiyanen te sikandan ded ke menge etew te Eleteala su ke menge apù dan ne kandin. Su sikami ne menge Hudiyanen ne iyan dey egkeiringan ne pan su kayi te betasan dey ne ruen edtevien dey rut te pan ne ebeelan dey su ibehey rey te Eleteala ne timbang te langun ne ibehey red dema diyà te Eleteala. Ne ruma pà ne upama ku ne iring te kayu su embiya ke ralid din ne iyan kemuney ke Eleteala, ne misan ke menge subpang din ne edtuvù ketà ne kandin ded dema.

1 Kurintu 7:13

Ne engketà ded dema ke meritan ne mibperetiyaya ki Hisus ugaid ke esawa rin ne warà mebperetiyaya, embiya ebpekesuhat se hinawa kayi te meama ne kenà din belahi, ne kenà egkepakey ne ebpekibelag ke meritan dut te esawa rin.

1 Timoteo 4:5

su ke egkeenen tew ne pekegkeupiya egenat dut te Lalag te Eleteala wey ke kebpengeningeni tew kandin.

Tito 1:15

Su embiya mibmelinis en te Eleteala ke hinawa te etew, ne langun ne melinis diyà te kandin. Ugaid ne ke etew ne warà pà mibmelinis se hinawa rin te Eleteala su warà pà mibperetiyaya, ne warà dema melinis diyà te kandin su ruen meraat ne netahù te hinawa wey itungan din ne kenà din egketuenan ke engkey se meupiya wey meraat.