1 Kurintu 7:12 - Ke meupiya ne tudtul mekeatag ki Hisu Kristu

¹² Ne sikiyu ke menge ruma, ne ruen egkehiyen ku keniyu (siaken se migkahi ini, kenà si Hisu Kristu ke Kerenan tew). Ini se egkehiyen ku keniyu, embiya ruen meama ne mibperetiyaya ki Hisus ugaid ne ke esawa rin ne warà mebperetiyaya, embiya ebpekesuhat se hinawa kayi te meritan ne kenà din belahi, ne kenà egkepakey ne ebpekibelag ke meama dut te esawa rin.

1 Kurintu 7:12 ပူးပေါင်းရင်းမြစ်များ

1 Kurintu 7:11

Ugaid ne embiya ebpekibelag sikandin, ne kenà en egkepakey ne edsaup pà sikandin te ed-esawa. Su egkepakey rà ne ebpekid-ulì sikandin dut te esawa rin ded. Ne ke meama ne kenà ded dema ebpekibelag dut te esawa rin.

1 Kurintu 7:13

Ne engketà ded dema ke meritan ne mibperetiyaya ki Hisus ugaid ke esawa rin ne warà mebperetiyaya, embiya ebpekesuhat se hinawa kayi te meama ne kenà din belahi, ne kenà egkepakey ne ebpekibelag ke meritan dut te esawa rin.

1 Kurintu 7:25

Na menge suled, edlived ad maa te egkahi rut te in-insà niyu atag dut te menge etew ne warà pà meked-esawa. Warà suhù ni Hisu Kristu ke Kerenan tew mekeatag te ini ne ibpelambas ku, ugaid ne ini se ibpepevayà te daat te nanam din kediey ne egkeserihan a ne mehepemandù ku keniyu.

1 Kurintu 7:27

Ne embiya nekeesawa ke en, ne kenà nu ed-engkeri. Ne embiya warà pà esawa nu, ne kenè ke en ed-esawa.

1 Kurintu 7:6

Ini se migkahi ku keniyu, ne kenà ku suhù ini se ked-esawa niyu ugaid ne mehepemandù ku rà.

2 Kurintu 11:17

Na ini se egkehiyen ku keniyu ne kenà diyà ebpuun te ki Hisu Kristu, su ke kedleleha ku te kedì ne hinawa ne ebpekeiring dut te lalag ne egkevengùbengù.