1 Kurintu 6:6 - Ke meupiya ne tudtul mekeatag ki Hisu Kristu

⁶ Su misan sikiyu ne menge mibperetiyaya ne ruen egkeveelan ne kukuman te ruma niyu, ugaid ne muna pà ne meraat ke riyà niyu ebpeneheewita te unuten ne warà mebperetiyaya ki Hisu Kristu su apey egkekukum.

1 Kurintu 6:6 ပူးပေါင်းရင်းမြစ်များ

Nenged-ulaula 7:26

Ikeruwa ne hewii ne midlived maa sikandin ne nekita rin te ruen deruwa ne ruma rin ne Hudiyanen ne ebpeehetey, ne ebpelangen din perem ini se deruwa ne etew. ‘Menge suled,’ ke sikandin, ‘kenà kew! Su teledsuled kew su elin kew Hudiyanen! Ne meambe ke ebpeehetey kew?’

1 Kurintu 6:1

Na embiya ruen seveka ne mibperetiyaya riyà te keniyu ne egkeveelan te kukuman te ruma rin ded, ne meambe ke riyà kew ebpesinaru te unuten ne warà pà mebperetiyaya su egkekukum kew? Iyan tumù ne riyà kew egkukum te unuten niyu te ebperetiyaya.

1 Kurintu 6:7

Meambe, warà niyu ves metueni te ini se kebpesumsumbungey niyu ne ini ke tuus te kurang kew pà te kebperetiyaya niyu ki Hisus? Iyan meupiya ne ebeleharen niyu ke ruen ebped-ulaula keniyu te meraatey etawa edlilimbung keniyu?

2 Kurintu 6:14

Ruma ne egkehiyen ku, ne kenà kew med-esawa te menge etew ne kenà ebperetiyaya ki Hisus. Su kenà egkepakey ne ebpekidsawug ke etew ne metidtu se ulaula rin dut te etew ne kenà metidtu se ulaula rin. Su kenà egkepakey ne ebpeked-amur ke merayag dut te merusirem.

2 Kurintu 6:15

Kenà egkeseveka te pegingawà si Hisu Kristu wey si Setanas ke datù te pekaid. Engketà ded dema ke menge etew ne mibperetiyaya ki Hisus wey ke kenà ebperetiyaya su kenà egkeseveka ke pegingawà ran.

1 Timoteo 5:8

Su ke etew ne kenà edtuganur te menge suled din, labi en ke sikandan ne telteleanak, ne midlekaan din ke kebperetiyaya rin ki Hisu Kristu. Ne tuwas pà lavew sikandin dut te etew ne warà mebperetiyaya.