1 Kurintu 5:6 - Ke meupiya ne tudtul mekeatag ki Hisu Kristu

⁶ Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

1 Kurintu 5:6 ပူးပေါင်းရင်းမြစ်များ

Mateo 13:33

Ne mibpenurù pà lavew si Hisus te ruma pà ne sempità. Ke sikandin te, “Ini se Kedatù te Eleteala kayi te menge etew ne iring te ibpelevag te pan. Migkuwa ini te meritan ne insawug din dut te senge asad ne tapung su apey ebpeketuvù ke mibawug din ne tapung.”

Lucas 13:21

Ini se Edetuan te Eleteala te menge etew ne id-upama ta te ibpepelevag te pan ne migkuwa te meritan ne idsawug dut te senge asad ne tapung su apey ebpeketuvù ke mibawug ne tapung.”

Ruma 6:16

Su netuenan niyu te piya endei kew ebpesakup ne arà se ebayàbayà keniyu su embiya idsempità ta ne iring kew te uripen din. Ne engketà ded dema ke etew ne iyan ed-uripen kandin ke meraat ne ed-ul-ulaan din, ne edusaan sikandin te kepepatey ne warà edtemanan din. Ugaid ne ke etew ne idrumakan din ke hinawa rin te eduma te Eleteala, ne iyan kedtengteng kandin te Eleteala ne metidtu riyà te etuvangan din.

1 Kurintu 15:33

Ugaid ne kenà kew egkeekali ketà. Su tentenuri niyu ke beseanan ne egkahi te, “Embiya ebpekeruma kew rut te menge etew ne meraat se ulaula rin, ne egkepeneheewit kew ran dema te ebaal te meraat.”

1 Kurintu 3:21

Engketà be ne warà mebpendekarak keniyan te keniyu mekeatag te ketau te etew ne ebpesekupan niyu. Su langun dan ne midsuhù te Eleteala diyà te keniyu su apey kew egkeupiya.

1 Kurintu 5:2

Ne misan meredsik ke ed-ul-ulaan dan iring ketà, ne meambe ke ebpereyùdeyù kew pà lavew? Iyan tumù ne egkemutu kew ne ibpeawà niyu sikandin dut te kevurunan niyu su atag dut te meredsik ne ulaula rin.

Gelasiya 5:9

Uram kew su misan deisek ke tarù ne penduan ne ebpekeeneb dut te langun ne itungan niyu. Su iring te beseanan ne egkahi te, “Misan ibukbuk niyu ke reisek dà ne pelevag dut te tapung ne ebeelan ne pan, ne langun ketà ne edlevag.”

2 Timoteo 2:17

Ini ve se penurù dan ne ebpekeiring te it-it su edradnas taman te edteredak en ke lawa te etew. Iring embe iya ketà ke penurù ni Himeneo wey si Fileto.

Santiago 4:16

Ugaid ne sikiyu mulà ne menge mepereyù su idantal niyu ke ed-ul-ulaan niyu. Ne meraat arà se idantal niyu diyà te etuvangan te Eleteala.