1 Kurintu 4:8 - Ke meupiya ne tudtul mekeatag ki Hisu Kristu

⁸ Menu, iyan niyu egkepegitung se kenà kew en ebuyù te ketau te Eleteala su keniyu en ke langun? Iyan niyu kunaan ke mibehayan kew te langun ne ketau ne ibehey te Eleteala, ne iring kew te menge datù. Ugaid ne sikami ne kedserihan din ne warà pà. Meupiya iya maa perem ke embiya edatù kew en su wey sikami ne edatù en dema elin keniyu.

1 Kurintu 4:8 ပူးပေါင်းရင်းမြစ်များ

Mateo 5:1

Guna su nekita ni Hisus ke denda ne menge etew ne miduma kandin ne midtekereg sikandin diyà te buvungan ne rutun mibpinuu. Ne mid-uvey kandin ke menge edumdumaan din.

Lucas 6:25

Mekeruanduan kew ne ebpengevulung guntaan, su ruen timpu ne egkevitil kew keuremà. Mekeruanduan kew ne nengehalew guntaan, su ruen timpu ne egkemutu kew wey ebpekesinehew kew keuremà.

Nenged-ulaula 26:29

“Meuhet mehaan,” ke si Pablo, “ne iyan ku ibpengeningeni te Eleteala te kenà sikuna rà, Datù Egeripa, ugaid ne langun niyu ne ebpemineg kediey guntaani ne egkevaluy ne ebperetiyaya ki Hisus iring kediey, ugaid ne kenà kew mulà ebilengguan.”

Ruma 12:3

Ne geina te ruen ketau ne imbehey kediey te Eleteala te kebpemesabut te lalag din, ne ebuyuen ku te langun niyu ne kenà niyu pegitunga te sikiyu rà se ruen gaga rin. Ugaid ne peketidtuwa niyu ke itungan niyu dut te negaga niyu, ne iyan niyu serihi ne endei rà taman te ketau ne imbehey keykew te Eleteala ketà te kedsarig niyu kandin.

1 Kurintu 1:5

Warà tedtab din se penaub te Eleteala keniyu igenat te mibpekidseveka ke hinawa niyu ki Hisus. Seveka ne penaub din ne nesebutan niyu en ke benar ne penduan ni Hisus, ne nevehayan kew rema te ketau te ebpesabut kayi te menge ruma niyu.

1 Kurintu 4:18

Na ruen keniyan te keniyu menge mepereyù su iyan dan kunaan ke kenà ad ebpengkeniyan te edsusi keniyu.

1 Kurintu 5:6

Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

2 Kurintu 11:1

Iyan ku egkiyuhan ne tigkeri a niyu misan iring a te egkevengùbengù su igkahi ku keniyu ke kayi te hinawa ku.

2 Kurintu 13:9

Ketà be ne igkehalew ku embiya warà kebpegingawà te kebpekita ku rut te kewayà ku te ebpedsalà su warà nekesurang dut te sikiyu. Su beleharen ke embiya ruen egkahi te warà kewayà ku asal ebmevaher kew te ed-ulaula te meupiya. Ibpengeningeni ku te Eleteala te ibpeiseg din ke meupiya ne ulaula niyu.

Gelasiya 6:3

Embiya ruen etew ne ebpegitung te sikandin mulà ne kenà beledtila, ne midlimbungan din se hinawa rin.

Pilipus 1:27

Na memekebalak kiyu ve se kenà, ne itahù niyu te itungan se iyan niyu rà ul-ulaa ke edait ne ulaula rut te menge mibperetiyaya te Meupiya ne Tudtul mekeatag ki Hisu Kristu. Ketà ne misan ebpendiyan a te keniyu etawa kenà, ne ke tudtul mekeatag keniyu ne ebpekeuma kayi te kedì ne warè en ebpekesawug ne meraat su seveka rà ne neuyun kew en dut te sarig niyu ki Hisu Kristu, ne ebpetebtevangey kew en te edtindeg dut te Meupiya ne Tudtul ne mibperetiyaya niyu.

Pilipus 2:12

Engketà be menge suled ne igkelimù ku, iring dut te kebperumaruma ni Hisu Kristu te Amey rin ne Eleteala ne ebperumaruma kiyu rema. Gewii te keniyan e pà te keniyu ne mibperumaruma kew rut te penurù ku keniyu, ne wey kew pè be maa kenà mebperumaruma dut te penurù ku ke warà ad. Ibpereyun niyu te ed-ulaula ke kedtuman niyu te kiyug te Eleteala keniyu, ne arà se kegkepasad te kebperetiyaya niyu. Ne ul-ulaa niyu ini egenat te dekelà ne adat niyu te Eleteala wey ke kegkeandek niyu te edsurang te lalag din.

Imperayag 3:17

Egkahi kew te, “Kewasa ki en ne meupiya ini se kebpekesavuk ta ne warè en kurang ta te misan engkey.” Ugaid ne warà niyu rà metueni te mekeyruwiru kew ves. Su iring kew te menge etew ne nepisek, ne egkeayuayu wey etew ne warà belegkas din.

Imperayag 5:10

Ne in-amung nu sikandan dut te menge etew ne edetuan nu ne in-amung nu rema sikandan ne menge terebpelengesa ne egelevek dut te egkiyuhan te Eleteala, ne ebperetuen nu sikandan kayi te ampew te dunya.”