1 Kurintu 4:15 - Ke meupiya ne tudtul mekeatag ki Hisu Kristu

¹⁵ Su misan pà merakel se ebpenurù keniyu te kebperetiyaya niyu ki Hisus, ne sebseveka ku ne iring te amey niyu kayi te kineperetiyaya niyu ki Hisus. Su nekeperetiyaya kew ki Hisu Kristu dut te kinepesabut ku keniyu te Meupiya ne Tudtul.

1 Kurintu 4:15 ပူးပေါင်းရင်းမြစ်များ

Ruma 15:20

Su iyan ku pegungayà ne riyan a ebpemenudtul te Meupiya ne Tudtul te menge etew ne warà pà bulug mekerineg su apey kenà a ebpekelapis dut te nepenudtulan en te ruma ne etew.

1 Kurintu 1:30

Su ke kinepekidseveka tew ki Hisu Kristu ne riyà ebpuun te kiyug te Eleteala. Ne Eleteala rema se ebehey keyta te ketau ibpepevayà ki Hisu Kristu. Ne si Hisus ke iyan kedtengteng te Eleteala keytew ne metidtu diyà te etuvangan din su sikandin se mibpeliyu keytew rut te kedusa te salà tew su apey ki mevaluy ne menge etew te Eleteala.

1 Kurintu 15:1

Na menge suled ku, ebpetentenuran ku keniyu ke migkahi ku en keniyu mekeatag ki Hisu Kristu. Su arà se Meupiya ne Tudtul ne impesabut ku keniyu, ne mibperetiyaya niyu wey mid-itindehan niyu te mevaher.

1 Kurintu 3:10

Ne egenat dut te tavang te Eleteala ne ibehey rin kediey, ne iring a rut te etew ne ebpeitindeg te mevaher ne segkad. Ne ke helevek ku ketà ne meimpit su siak ke neuna ne mibpenurù keniyu atag ki Hisus. Ugaid ne ruen ruma ne etew ne ed-imasad ketà te nerudsuan ku ne helevek, ne uman seveka ne ed-amung te ebevaley ne med-uram dut te kandin ne helevek.

1 Kurintu 3:6

Embiya idsempità ku ne iring te benì ne ibpemula ku riyà te keniyu. Ne ke helevek ni Epulus ne ebungbung te wayig su sikandin se ebag-et dut te kebperetiyaya niyu. Ugaid ne iyan ebpetuvù dut te benì ne Eleteala.

1 Kurintu 3:8

Engketà be ne warà ebiraan dut te etew ne ebpemula wey ke etew ne ebungbung te wayig su neked-iring ke lakew ran. Su ketà te hewii ne kebehey te Eleteala te idlalew rin ne iyan din kebehey ne ebpekepayew rut te helevek dan.

1 Kurintu 9:12

Embiya edait ne egkevehayan niyu ke ruma ne ebpenurù keniyu, iyan key pè be kenà duen egkeperateng. Ugaid ne misan duen kewagib dey te ebperateng, ne warà key mebuyù. Misan mepasang en se egketemanan dey ne warà key mebuyù apey kenà meungen ke kebpemesabut dey rut te Meupiya ne Tudtul mekeatag ki Hisus.

1 Kurintu 9:14

Ne engketà ded dema ke menge etew ne ebpemesabut dut te Meupiya ne Tudtul, su arà ke insuhù ni Hisu Kristu ke Kerenan tew ne ke menge etew ne ebpemesabut te Lalag din ne ketà se ebpuun te kebpekekuwa ran te igkeuyag dan.

1 Kurintu 9:16

Su kenà egkepakey ne idantal ku ke kebpemesabut ku dut te Meupiya ne Tudtul, su iyan midsuhù kedì ne si Hisu Kristu ke Kerenan tew. Ne kenà egkepakey ne kenà ku edtumanen, su mevehat se kedusa rin kedì embiya kenà ku ibpemesabut ke Meupiya ne Tudtul ne egenat diyà te kandin.

1 Kurintu 9:18

Ne embiya iring ketà, ne engkey ve se egkekuwa ku kayi ne lalew ku? Iyan ku lalew ne ke kegkehalew ku te ebpemesabut rut te Meupiya ne Tudtul te warà sukey misan duen kewagib ku te ebuyù te igkeuyag ku.

1 Kurintu 9:23

Ne iyan ku kinevaal te langun kayi su apey ebpekeeneb ke Meupiya ne Tudtul mekeatag ki Hisus, ne egkeumunan a rema rut te keupianan ne ibehey te Eleteala diyà te menge etew ne miduma kandin.

2 Kurintu 4:5

Kenà dey iyan ibpesabut ne mekeatag kenami, ugaid ne mekeatag ki Hisu Kristu su sikandin ke mibpemilì te Eleteala ne egkamal te langun. Ne sikami ne iring te sugsuhuen te kedtavang dey keniyu kayi te kedtuman dey te idsuhù din kenami.

Gelasiya 3:24

Tembù be ke penduan ni Moises se mibantey rut te menge etew su apey ran egkesebuti ke engkey se salà taman te nekeuma si Hisu Kristu kayi te ampew te dunya. Nekeuma sikandin ne ruen en ralan te ebmetidtu ke menge etew riyà te etuvangan din su sabap dut te kedsarig dan ki Hisus.

Gelasiya 3:25

Na gunteani te ini en si Hisus ne midsarig ki en kandin, ne warà en atag dut te penduan ne ebantey keyta.

Gelasiya 4:19

Menge anak ku egenat dut te kebperetiyaya ta, ne mibmesakit ke hinawa ku su atag dut te ed-ul-ulaan niyu. Embiya idsempità ta ini se kebmesakit, ne iring dut te meritan ne egeram en te belilit. Su iring ketà se kedreheni ku gewii te edtehad a te keduma niyu en nevenar rut te ulaula ni Hisu Kristu.

2 Timoteo 4:3

Iyan ku kedsuhù keykew kayi su mehaan en egkeuma arà se hewii ne ke menge etew ne kenà edtelimà dut te benar ne penurù egenat te Eleteala. Su iyan dan egkiyuhan te ebpemineg ne ke penurù ne ebpekeayun rut te kiyug dan, su ebpememengà dan te piya engkey ne etew se ebpenehàtahà te ebpekegkeupiya te telinga ran ne arà se ebpeminehen dan.

Tito 1:4

Edsuratan ku sikuna, Tito, su iring ka en iya te tuney ne anak ku su seveka kiyu riyà te peretiyaya tew ki Hisu Kristu. Iyan ku kiyug ne egkeheram nu te tavang wey kelinew te itungan ne riyà ebpuun te Eleteala ne Amey tew wey si Hisu Kristu ne ebpeliyu kenitew dut te salà tew.

Filemon 1:19

Na intengi nu ini se surat ku ne egkahi te: Siak imbe si Pablo se ebayad kenikew. Kalu ke warà atag din te kebpetanud ku kenikew te ruen utang nu kediey su embiya kenà kayi ebpuun te kediey ne penurù ne warà nu merineg ke kebpeliyu te Eleteala te menge etew.

Santiago 1:18

Ne sabap dut te kandin ne kiyug ne ebeluyen ki rin ne anak din ketà te kebperetiyaya ta te benar ne impenurù din. Ini se mid-ulaula rin su apey ke sikita se belielehà dut te langun ne midlimbag din.

1 Pedro 1:23

Su ketà te mibperetiyaya ki te Lalag te Eleteala ne nevaluy ki ne anak din su iring te insaup ki in-anak, ne kenà etew se iyan mid-anak kenitew su Eleteala ne warà kemetayen din. Ne ini se behu ne umur ta ne ibpepevayà din ini dut te lalag din ne mibperetiyaya key ne ebpekevehey te umur ne warà edtemanan din wey kenà egkesembian.