1 Kurintu 4:12 - Ke meupiya ne tudtul mekeatag ki Hisu Kristu

¹² Edrumerasey key te helevek dey. Ne embiya ruen edsudì kenami ne kenà dey edtevaken; inemulà se ibpengeningeni rey sikandan te ebpeneuven te Eleteala. Ne embiya ebpekesekitan key ne edtigkeran dey.

1 Kurintu 4:12 ပူးပေါင်းရင်းမြစ်များ

Mateo 5:11

Dayirayi kew ke ebpenempelaen kew, wey ebpekesekitan kew, wey edtevuan kew te langun ne edsusunan te mereatey ne ulaula su sabap te keduma niyu kediey.

Mateo 5:44

Ugaid ne igkahi ku keniyu te limui niyu ke menge kunterà niyu, ne ipengeningeni niyu te ebpeneuven te Eleteala ke menge etew ne ebpekesakit kenikew.

Lucas 23:34

Gewii ran te edlansang kandin ne mibpengeningeni si Hisus te, “Amà, pesehara nu sikandan su warà dan metueni ini se ed-ul-ulaan dan.” Ne ketà ne ini se menge sundaru ne midlansang kandin ne mibunutbunutan dan se velegkas ni Hisus ke entei se ebpekegkemuney kandan.

Lucas 6:28

Ipengeningeni niyu te ebpeneuven te Eleteala ke menge etew ne ebpenrawak keniyu, ne ke menge etew ne ed-ayuaya keniyu ne ipengeningeni niyu sikandan.

Juan 15:20

Tentenuri niyu iya ke migkahi ku te, ‘Warà uripen ne iyan en mepurù dut te ebpengunguripen kandin,’ ” ke si Hisus. “Ne embiya midrasey a ran, ne iyan kew pè be kenà resaya ran. Embiya midtuman dan ke penurù ku, ne edtuman dan dema dut te penurù niyu.

Nenged-ulaula 18:3

ne mid-ubpà ketà ne mid-amur te helevek dan se nerineg din se megidsan se helevek dan dut te kandin dema ne helevek su ebpembaal dan te ibevaley ne manteylukù.

Nenged-ulaula 20:34

Su netuenan niyu langun te migelevek a te mevaher su apey ruen kureta ne igkepemasa te kurang dey te menge ruma ku.

Nenged-ulaula 7:60

Ketà ne mibpenimbuel en sikandin ne mibmerahing se suwara rin se egkahi te, “Ey Kerenan, kenà nu penunduha ke menge salà dan!” Neipus din dà te egkahi ini, ne nepandus en ke hinawa rin.

Ruma 12:14

Ke menge etew ne ebpekesakit keytew, ne ibpengeningeni tew te Eleteala ne ebpeneuven din sikandan. Uya, ibpengeningeni tew te Eleteala ne ebpeneuven sikandan, ne kenà din edusaan.

Ruma 12:20

Ketà be ne iyan tew edumaan ne ke impesurat ne Lalag te Eleteala ne egkahi te, “Embiya egkevitil ke kunterà nu, ne pekeena nu. Ne embiya ebpekeinum, ne peinuma nu. Su embiya ve iring ketà se mid-ulaula nu kandin, ne igkeyeyai rin nevenar ke meraat ne mid-ulaula rin keykew.”

Ruma 8:35

Ne embiya iring ketà, ne warà misan engkey en ne ebpekepebelag keytew rut te limù ni Hisu Kristu. Su misan egkerasey ki, egkemutuwan ki, ebpekesekitan ki te ruma tew, egkerasey ki te vitil etawa te kewewereey, ebpemekeiran ki etawa ed-imetayan ki, ne netuenan tew te kenà egkeawà ke kerekelà te limù ni Hisus keytew.

1 Kurintu 9:6

Menu, sikami rà ki Bernabe se kenà edtugenuren te kegkeuyag dey rut te menge etew ne pemenduen dey?

2 Kurintu 11:8

Uya, warà migkuwa ku riyà te keniyu, inemulà te iyan mibehey kedì ne ke riyà te ruma ne inged ne mibperetiyaya gewii te kebpesabut ku keniyu. Iring a te mibpemenakew te igkeuyag ku riyà te kandan asal dà ne metevangi ku sikiyu.

Ipisu 4:28

Ne embiya ruen keniyan te keniyu tekawen pehaney te warà pà mibperetiyaya, ne med-engked en imbe sikandin. Ne megelevek sikandin su apey ruen igkeuyag din wey ruen dema igkevehey rin dut te ruma ne egkerehenan.

1 Tiselunika 2:9

Ne egketenuran niyu red buwa, menge suled, ke ralan te kebpementiyari rey su merukilem meandew ne migelevek key su apey warà keniyu ebpekevayad te kegkeuyag dey te kebpemesabut dey te Meupiya ne Tudtul ne riyà egenat te Eleteala.

2 Tiselunika 3:8

Warà key mebuyù te igkeuyag dey, su langun ne mibayaran dey. Merukilem meandew ne mibpegelep key se egelevek su apey sikami en se edtuganur dut te menge kurang dey ne kenà key niyu igkereheni.

1 Timoteo 4:10

Tembù be ebpegelep te egelevek te Eleteala su edsarig ki te Eleteala ne warà kemetayan din ne iyan ebpekepeliyu te langun ne menge etew, labi en ke menge etew ne mibperetiyaya kandin.

1 Pedro 2:23

Su misan ke menge etew ne midsumpalit kandin, ne warà din tevaka te meraat. Ne iring ded ketà te mibpekesekitan sikandin, ne warà sikandin migkahi te edsulì. Insarig din dà diyà te Eleteala ne iyan metidtu ne egkukum dut te langun ne egketemanan din.

1 Pedro 3:14

Ugaid ne misan ebpeketigker ki te kegkesihi te menge etew atag dut te ed-ul-ulaan ta ne meupiya, ne kenà ki ed-engked su egkehalew ki. Iyan meupiya ne kenà ki egkeandek wey kenà ki egkeuru.

1 Pedro 3:9

Embiya ruen etew ne ed-ulaula te meraat kayi te keyta etawa ed-undaunda keyta, ne kenà ki edsulì ugaid ne iyan ta ed-ul-ulaan diyà te kandan ne meupiya. Su ini se kiyug te Eleteala keyta ketà te kebpekeperetiyaya ta su apey kiyu rin metevangi te meupiya.

1 Pedro 4:19

Tembù be, menge suled, embiya edrumerasey ki su sabap dut te kiyug te Eleteala keyta, ne kenà ta igkebungas te kedtigker ta. Ugaid ne idsarig ta ke hinawa ta te Eleteala ne iyan midlimbag keyta, su kenà ki ed-engkeran nikandin ne ke impasad din ne edtumanen din kayi te keyta.

Hudas 1:9

Ne misan si Miguel ke mepurù te menge suluhuen te Eleteala ne kenà iring ketà se mid-ulaula rin. Su ketà te kinepatey ni Moises ne mibpelewaney en si Miguel ki Setanas ke engkey kandan se egkuwa rut te bangkey ni Moises, ne warà megaga ni Miguel te ed-isuhat te meraat ne lalag si Setanas su iyan din dà migkahi ne, “Eleteala en se ed-isuhat kenikew.”