1 Kurintu 3:8 - Ke meupiya ne tudtul mekeatag ki Hisu Kristu

⁸ Engketà be ne warà ebiraan dut te etew ne ebpemula wey ke etew ne ebungbung te wayig su neked-iring ke lakew ran. Su ketà te hewii ne kebehey te Eleteala te idlalew rin ne iyan din kebehey ne ebpekepayew rut te helevek dan.

1 Kurintu 3:8 ပူးပေါင်းရင်းမြစ်များ

Mateo 16:27

Su sikandin ke Impeanak te Menusiyà ne mehaan ne edlived kayi te ampew te dunya ne edumaan te menge suluhuen din wey ruen raman din ne iring te raman te Amey rin ne Eleteala. Ne ketà ne eberasan din ke menge etew dut te mid-ulaula ran kayi te ampew te dunya ke meupiya etawa meraat.

Lucas 19:19

“Ne migkahi ke datù te, ‘Arà be! Ne lelima ne inged se ebpekemalan ku keykew.’

Ruma 2:6

Su ruen ibehey te Eleteala dut te langun ne menge etew te endei se edait dut te mid-ulaula ran.

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.

1 Kurintu 3:14

Ne embiya ke pengawid ne imbaley te etew ketà te segkad ne kenà egketutung, ne dekelà se lalew rin.

1 Kurintu 3:7

Su ke etew ne ebpemula wey ke ebungbung te wayig ne kenà sikandan se egkereyù. Ugaid ne iyan egkereyù ke Eleteala su sikandin dà se ebpetuvù dut te benì.

1 Kurintu 3:9

Su sikami ki Epulus ne teleduma te egelevek te Eleteala, ne sikiyu ke iring te pengengewiran te Eleteala ne ebpehelevekan din kenami. Iring kew rema te ebelayan te Eleteala ne warà pà meipus.

1 Kurintu 4:15

Su misan pà merakel se ebpenurù keniyu te kebperetiyaya niyu ki Hisus, ne sebseveka ku ne iring te amey niyu kayi te kineperetiyaya niyu ki Hisus. Su nekeperetiyaya kew ki Hisu Kristu dut te kinepesabut ku keniyu te Meupiya ne Tudtul.

1 Kurintu 9:7

Upama ke, ruen sundaru ne kenà egkevehayan te egestuwen din? Menu, ruen be etew ne ebpemula ne embiya edsabpet en ne kenà egkepakey ne ebpekekaan dut te bahas te pinemula rin? Ne engketà ded dema ke etew ne ebantey te menge binatang, menu kenà be egkepakey ne ebpekeinum sikandin te gatas dut te edtugenuren din ne binatang?

Gelasiya 6:4

Uman senge etew ne pegpegitunga rin se kandin ne mid-ulaula. Su embiya id-amin din ke hinawa rin te eduma rut te metidtu, ne ebmelintad sikandin. Su kenà meupiya ne idrepeng din ke ulaula rin te ruma rin su apey rin egkereyù ke hinawa rin.

Gelasiya 6:5

Su uman senge etew ne ruen keluvey te ebpekedsalà, tembù be dait ne ed-uram sikandin.

Hibruhanen 6:10

Su ke ulaula te Eleteala ne metidtu, tembù be kenà din egkelipatan ke meupiya ne ulaula niyu wey ke limù niyu kandin ne impekita niyu rut te kedtevang niyu rut te menge ruma niyu ne mibperetiyaya taman guntaan.

1 Pedro 5:4

Su ketà te kedlived ni Hisu Kristu kayi, ne iyan mepurù ne tumetuganur, ne ebpekeamung ki dut te ed-andlag ne raman te kebpepurù kandin ne kenà egkurang ke raman din.

2 Juan 1:8

Tembù be uram kew su apey kenà meawà diyà te keniyu ini se lalew rut te migelevek niyu, ugaid ne ebpekekuwa kew te langun ne impenehana te Eleteala keniyu.

Imperayag 2:23

Ne ed-imetayan ku rema ke menge etew ne eduma rut te impenurù din su apey egkekita te langun ne mibperetiyaya te siaken ke netau te langun ne netahù te itungan dut te menge etew wey ke egkiyuhan dan dema. Ne edusaan ku red dema ke uman seveka kandan te piya engkey se edait dut te menge ulaula ran.

Imperayag 22:12

Na ke si Hisus, “Pemineha niyu ini. Mehaan ad edlived, ne ruen lalew ne ibehey ku rut te uman seveka su sabap dut te mid-ulaula rin.