1 Kurintu 3:4 - Ke meupiya ne tudtul mekeatag ki Hisu Kristu

⁴ Su ruen kun keniyu se egkahi te, “Sakup a ni Pablo,” ne egkahi maa ke senge etew te, “Sakup a ni Epulus.” Tuus be te ke ulaula niyu ne iring pà dut te menge etew ne warà mebperetiyaya.

1 Kurintu 3:4 ပူးပေါင်းရင်းမြစ်များ

1 Kurintu 1:12

Ne ini se ed-ul-ulaan niyu ne kenà meupiya se ebpemekedsurang ke hinawa niyu su ruen egkahi te, “Sakup a ni Pablo,” ne egkahi manen ke seveka te, “Sakup a ni Epulu.” Ne egkahi maa ke ruma te, “Kayi a eduma ki Pedro,” ne ruen pà lavew egkahi te, “Ne siaken ne kayi eduma te ki Hisu Kristu.”

1 Kurintu 3:3

Su ed-ul-ulaan niyu red ke ulaula rut te menge etew ne warà pà mebperetiyaya. Egkehiyen ku ini su ruen pà keniyu se egkesihi, ne ruen pà egkewaha, ne tuus be arà te iyan pà egaked keniyu ne ke kiyug dut te kememenusiyai.

1 Kurintu 4:6

Menge suled, ini se ebpenerengen te Eleteala dut te edsugsuhuen din ne insempità ku kayi te helevek dey ki Epulus su keupianan niyu. Su kiyug ku ne eduma kew ketà te inledawan dey su apey kew kenà edlangkad dut te Lalag te Eleteala ne impesurat din ne kenà duen dà se egkeedatan dut te ruma ran. Su kayi te menge sugsuhuen te Eleteala embiya ruen ed-edatan niyu dut te ruma rin, ne warà kew en meduma te Lalag te Eleteala.

Gelasiya 1:11

Menge suled ku, ruen ini ibpesabut ku keniyu: ini se Meupiya ne Tudtul mekeatag ki Hisu Kristu ne impenurù ku keniyu ne kenà ebpuun te itungan te etew.