1 Kurintu 16:22 - Ke meupiya ne tudtul mekeatag ki Hisu Kristu

²² Ne ke menge etew ne engkungkun ne mibperetiyaya ugaid ne warà limù te hinawa ran ki Hisu Kristu, ne edusaan dan te Eleteala taman te taman. “Marana tha,” ne iyan din meana ne, “Hisu Kristu ke Kerenan tew, lived ke en te mehaan!”

1 Kurintu 16:22 ပူးပေါင်းရင်းမြစ်များ

Mateo 10:37

“Embiyà ruen etew ne iyan pà dekelà se limù din dut te amey rin wey iney rin kenà siaken, ne kenà edait sikandin ne edumdumaan ku. Iring din ded dema ke etew ne iyan pà dekelà se limù din dut te anak din kenà siaken, ne kenà edait sikandin ne edumdumaan ku.

Juan 14:15

“Embiya egkelimù kew kediey,” ke si Hisus, “ne edtumanen niyu ini se menge suhù ku keniyu.

Juan 14:21

Misan entei ne etew se edtelimà te menge suhù ku ne edtumanen din,” ke si Hisus, “ne sikandin ke egkelimù kediey. Ne igkelimù dema dut te Amey ku arà se etew ne egkelimù kediey. Ne igkelimù ku rema sikandin, ne ibpayag ku kandin te siaken ke ruma rin.”

Juan 14:23

Midtavak si Hisus te, “Uya, su kenà dan egkelimù kediey su ke etew ne egkelimù kediey ne iyan din edtumanen ke menge suhù ku. Ne igkelimù sikandin dut te Amey ku, ne sikami ki Amà ne riyà key te kandin su ed-ubpà.

Juan 15:24

Duen mid-ulaula ku ne nekita ran ne mekegeyip ne warà meveeli te misan entei ne menusiyà, ne embiya ve perem warà dan ini mekita ne ruen igkeliwahì dan te salà dan,” ke si Hisus. “Ugaid ne nekita ran en ini, ne ingkeepes key ran ki Amà.

Juan 16:14

“Ne ebentuhen a rin su ibpesabut din ke menge lalag ku keniyu wey ke ulaula ku.

Juan 8:42

“Na,” ke si Hisus “embiya ke Eleteala iya maa ke amey niyu, ne igkelimù a nikiyu su diyan a mibpuun te kandin. Ne kenà kedì ne kiyug se kinepengkayi ku su sikandin ke midsuhù kedì.

Nenged-ulaula 23:14

Ketà ne mibpendiyà dan te menge mepurù te terebpelengesa wey menge pekilukesen ne migkahi te, “Midsapà key te kenà key egkaan wey ed-inum taman te kenà dey mepatey si Pablo.

Ruma 9:3

mekeatag te menge suled ku ne kerurumeey ku red ne Hudiyanen ne kenà ebperetiyaya ki Hisu Kristu. Embiya egkepakey rà perem ne siaken se edusaan ne ebpekeselidig kandan, ne siaken se ebpekevelag ki Hisu Kristu su apey ran mekeliyu rut te kedusai kandan.

1 Kurintu 12:3

Ugaid ne ketà te ebperetiyaya kew en te Eleteala ne egketuenan niyu embiya ke egkehiyen dut te etew ne ebpuun te Kedesenan ne Ebpetuntul te Menusiyà etawa kenà. Su ke etew ne mid-ulinan dut te Kedesenan ne Ebpetuntul te Menusiyà ne kenà egkepakey ne edlalag te meraat mekeatag ki Hisus. Ne engketà ded dema warà etew ne egkepakey ne egkahi te si Hisu Kristu ke Kerenan din embiya kenà ebpesebuten sikandin dut te Kedesenan ne Ebpetuntul te Menusiyà.

Gelasiya 5:6

Su embiya egkeseveka ki ki Hisu Kristu, ne kenà ke kebpeetus ta etawa ke kenà ta kebpeetus se dalan ne ebmetidtu key riyà te etuvangan te Eleteala. Ugaid ne iyan kiyug te Eleteala ne ibpekita ta te benar se kedsarig tew ibpepevayà te kebpelimlimuey.

Ipisu 6:24

Ne ebuyuen ku rema te Eleteala te menu ke peneuva kew nikandin, langun ne sikiyu ne kenà egkeawà ke limù din ki Hisu Kristu ke Kerenan tew. Arà dà taman. Pablo

Pilipus 4:5

Peketulanged kew dut te langun ne etew. Mehaan en edlived si Hisu Kristu ke Kerenan tew.

Hibruhanen 6:10

Su ke ulaula te Eleteala ne metidtu, tembù be kenà din egkelipatan ke meupiya ne ulaula niyu wey ke limù niyu kandin ne impekita niyu rut te kedtevang niyu rut te menge ruma niyu ne mibperetiyaya taman guntaan.

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

1 Pedro 2:7

Ne ini se segkad ne mibpemilì te Eleteala ne si Hisu Kristu, ne mepmepurù kayi te sikami ne mibperetiyaya kandin. Ugaid ne ke menge etew ne kenà ebperetiyaya kandin ne sikandan se edtuman dut te impesurat ne Lalag te Eleteala ne egkahi te, “Ini se pelaus ne intimbag dut te ebpemevaley su kunaan dan ne warà rantek din, ne iyan en iya ini nepemilì ne segkad dut te baley.”

1 Juan 4:19

Duen limù ta te Eleteala su sikandin ke neuna ne nelimù keyta.

1 Juan 5:1

Piya engkey ne etew ne mibperetiyaya te si Hisus ke Impasad te Eleteala ne Ebperetuen te langun, ne anak en sikandin te Eleteala. Ne piya engkey ne etew ne egkelimù dut te Amey tew ne Eleteala ne egkelimù dema ini se menge anak din.

Imperayag 22:20

Na si Hisus ke mibperayag te langun ne insurat ku kayi ne migkahi te, “Uya, benar iya ne mehaan ad edlived!” Egketuman ini! Is, Hisus ne Kerenan ku, egkiyuhan ku ne ebpengkayi ke en!