1 Kurintu 16:20 - Ke meupiya ne tudtul mekeatag ki Hisu Kristu

²⁰ Langun ne ruma ku ne mibperetiyaya kayi ne ebpenginginsà dan dema keniyu. Ne sikiyu rema keniyan ne mebpeed-edatey wey mebpelimlimuey kew.

1 Kurintu 16:20 ပူးပေါင်းရင်းမြစ်များ

Mateo 5:47

Ne embiya iyan niyu rà edsehipaan ke menge sepakat niyu, ne engkey se kegkereyui keniyu? Warà! Su misan ke menge etew ne kenà ebperetiyaya te Eleteala ne ed-ulaula red dema te iring ketà.

Ruma 16:16

Ne langun niyu ne pesegsehipeey kew su tuus te ruen kebpelimlimuey niyu. Langun ne menge mibperetiyaya kayi te ebelàbelà ne inged ne ebpenginginsà dan dut te langun ne sikiyu keniyan.

Ruma 16:21

Ini se ruma ku te ebpemenudtul te Meupiya ne Tudtul ne si Timoteo, ne ebpenginginsà keniyu wey en si Lucio, si Jason, wey si Susipatru ke menge ruma ku ne Hudiyanen.

Ruma 16:23

Si Gayu ne ebpenginginsà rema keniyu. Sikandin ke ebpeketuganur kediey su riyan a ed-ubpà te baley rin ne egkevurunan dut te ruma tew ne mibperetiyaya. Ne si Irastu ke edtuganur te kureta kayi te inged ini, wey ke suled tew te ebperetiyaya si Kuwartu ne ebpenginginsà rema keniyu. [

Pilipus 4:22

Langun ne menge sakup te Eleteala kayi te inged ne Ruma labi en ke menge suled tew ne egelevek kayi te turuhan ni Caesar ke datù kayi ne langun dan se ebpenginginsà keniyu rema.

1 Tiselunika 5:26

Ikahi niyu rà diyà te langun ne menge ruma ta ne mibperetiyaya mekeatag dut te limù dey kandan.

Hibruhanen 13:24

Ne penudtuli niyu ke langun ne ebpeneheewit te menge mibperetiyaya riyà wey langun ne menge etew te Eleteala ne ebpengpenginginsà key kandan. Ini se menge ruma tew te ebperetiyaya ne riyà ebpuun te Italya ne ebpengpenginginsà dema keniyu.

1 Pedro 5:14

Ne iyan meupiya ne ketà te egkevurun kew ne ebpesegsehipaey kew su ibpekita niyu te edsusuled kew. Na langun niyu ne mibperetiyaya ki Hisu Kristu, ne egkiyuhan ku ne ebmelinawen te Eleteala ke itungan niyu. Arà dà taman. Pedro