1 Kurintu 16:1 - Ke meupiya ne tudtul mekeatag ki Hisu Kristu

¹ Na ruen pà ini ibpesabut ku keniyu ne ini ne mekeatag te kebehey niyu te tavang dut te menge mibperetiyaya ki Hisus ne egkepesangan diyà te inged ne Hirusalim. Iyan niyu dumai ke impesabut ku en dut te menge mibperetiyaya ne riyà te lusud te inged ne Gelasiya.

1 Kurintu 16:1 ပူးပေါင်းရင်းမြစ်များ

Nenged-ulaula 11:28

Ruen senge etew kandan ne ed-ingaranan ki Agabu ne mid-itindeg su igkahi rin neraan ini se impesabut kandin dut te Kedesenan ne Ebpetuntul te Menusiyà. Iyan din migkahi te ruen mepasang ne bitil ne ebpekeuma kayi te langun ne inged te ampew te dunya. (Nekeuma ini se mepasang ne bitil te gewii te si Claudio se egkamal te inged ne Ruma.)

Nenged-ulaula 11:30

Na ini se mid-ulaula ran, ne mibpeewit dan te kureta ki Bernabe wey si Saulo diyà te menge pekilukesen dut te menge mibperetiyaya diyà te Hirusalim.

Nenged-ulaula 16:6

Ne riyà dan mibpevayà te menge inged ne Perigya wey Gelasiya su warà ituhut kandan dut te Kedesenan ne Ebpetuntul te Menusiyà te ibpesabut ke Lalag te Eleteala diyà te pruvinsiya ne Asiya.

Nenged-ulaula 18:23

Warà meuhet ketà ne migenat sikandin ne kayi ebpevayà te menge pruvinsiya te Gelasiya wey Perigiya. Ne mibag-et din ke kebperetiyaya rut te langun ne menge mibperetiyaya ketà ne menge inged.

Nenged-ulaula 24:17

“Guna su ebirangan en te rahun se kineawà ku diyà te Hirusalim ne mibpendiyan a su id-ated ku se kureta ne idtavang te menge ruma ku ne Hudiyanen ne ayuayu. Ne mibpendiyan a su apey ruen ibpelengesa ku ne ibehey te Eleteala.

Nenged-ulaula 9:13

Ugaid ne migkahi si Ananias te, “Kerenan, nerineg ku riyà te merakel ne etew mekeatag kayi ne etew su meraat te mid-ulaula rin dut te menge mibperetiyaya keykew ne riyà te Hirusalim.

Nenged-ulaula 9:41

Migeweran ni Pedro ke velad din su apey ibpeitindeg. Ketà ne midtawag din ke langun ne menge mibperetiyaya abpeg ke menge balu ne meritan, ne impekita rin kandan te neviviyag si Dorcas.

Ruma 12:13

Ne ebehayan tew te tavang ke menge suled tew te kebperetiyaya ne ruen kurang din, ne egelhelaan tew ke menge etew ne sumeseharey.

1 Kurintu 11:34

Ne embiya ruen egkevitil keniyu, ne riyà med-ib-ivulung te baley rin su apey warà id-isuhat kandin ne ke kedusa te Eleteala. Na mekeatag te ruma pà ne insà niyu kediey, ne ruen pà ruma ne suhù ku keniyu ke embiya ebpekeuma ad keniyan te keniyu.

1 Kurintu 16:15

Na menge suled ku, netuenan niyu te iyan neuna ne mibperetiyaya riyà te lusud te inged ne Gerisya ne telteleanak ne ensi Istipanya. Ne egenat dà ketà ne kenà dan eduwaruwa se edtavang dut te menge ruma ran ne mibperetiyaya.

1 Kurintu 4:17

Tembù be midsuhù ku si Timoteo keniyan te keniyu. Iring sikandin te tidtu ne anak ku kayi ebpuun te kebperetiyaya rey ki Hisu Kristu. Egkeserihan din kayi te keduma rin te Kerenan tew, tembù be midsuhù ku sikandin su ebpetentenuran din keniyu ke engkey se ed-ul-ulaan te keduma ku ki Hisus, ne ini ke ibpenurù ku te menge mibperetiyaya te misan endei a ebpesinaru ne inged.

Gelasiya 2:10

Ne iyan den dà mibuyù kenami se edtevangan dey ke menge mibperetiyaya en ne ayuayu. Ne arà en iya rema ke netahù te hinawa ku.

Filemon 1:5

Su tatap ne egkerineg ku ke limù nu rut te langun ne mibperetiyaya keniyan wey ke kedsarig nu ki Hisu Kristu ke Kerenan tew.

Filemon 1:7

Su ketà te nerineg ku mekeatag te limù nu, Filemon, dut te menge ruma nu, ne nehalew a nevenar wey ke hinawa ku ne neegaran su midtihel nu kun ke hinawa rut te langun ne mibperetiyaya.

Hibruhanen 6:10

Su ke ulaula te Eleteala ne metidtu, tembù be kenà din egkelipatan ke meupiya ne ulaula niyu wey ke limù niyu kandin ne impekita niyu rut te kedtevang niyu rut te menge ruma niyu ne mibperetiyaya taman guntaan.

1 Juan 3:17

Ne embiya ruen etew ne ruen id-uyag din ne egkekita rin ini se ruma rin ne kurang nevenar ugaid ne kenà din edtevangan su warà kegkeyru rin, ne kenà egkepakey ne ruen limù din te Eleteala.