1 Kurintu 15:26 - Ke meupiya ne tudtul mekeatag ki Hisu Kristu

²⁶ Ne ketà te edtelawen en ni Hisu Kristu ke langun ne menge kunterà din, ne ke mewri ne id-awà din ne ke kemetayen.

1 Kurintu 15:26 ပူးပေါင်းရင်းမြစ်များ

Lucas 20:36

Iyan dan kenà kebpees-eseweey ne iring dan en te suluhuen te Eleteala ne kenè en ebpatey. Menge anak dan en te Eleteala su nevanew ran en.

1 Kurintu 15:55

“Ne endei en ke ketehel te kepepatey? In-awà en te Eleteala! Ke ketehel din ne ebpekeandek te etew ne nepupus en!”

2 Timoteo 1:10

Ne guntaani ne netuman en ke tavang din kenitew su impepengkayi rin en si Hisu Kristu ke ebpeliyu keytew. Ne ketà te nevanew sikandin dut te kinepatey rin ne kayi rin be iawà ke andek tew te kepepatey wey impesabut din kayi te Meupiya ne Tudtul te ruen umur ne warà edtemanan din.

Hibruhanen 2:14

Ayan se mid-ingaranan ni Hisus te menge anak te Eleteala ne sikitew red ne etew rà dè duen, tembù be mibpebaluy si Hisus ne etew iring kenitew. Mid-ulaula rin ini su apey rin egketalew ke datù te pekaid ne ed-ingeranan dema ki Setanas. Ne netalew rin sikandin ketà te kinepebpatey rin atag kenitew, su kayi te kinepatey rin ne in-awà din ke gehem dut te datù te pekaid te ed-ewit te menge etew riyà te kepepatey ne warà edtemanan din.

Imperayag 20:13

Uya, langun ne riyà te Hades te Ivayaan ne nevanew en misan mibpatey ran kayi te tanà etawa nelened ran diyà te rahat, ne nepasad en te kukuman kandan su atag dut te mid-ulaula ran te biviyag dan pà.

Imperayag 20:14

Neipus arà ne in-antug ke Kemetayen diyà te apuy nerakà wey arà se Ivayaan dema ne ed-ingaranan te Hades. (Ne ini se apuy nerakà ne ed-ingaranan te ikeruwa ne kemetayen.)

Imperayag 21:4

Ne id-awà din ke kedsinehew ran su warè en ebpatey. Ne warè en kemutuwan dan, ne warà kebpekesinehew ran. Ne warè en dema keresayan dan su neawà en arà se raan ne kelibutan.”