1 Kurintu 14:32 - Ke meupiya ne tudtul mekeatag ki Hisu Kristu

³² Su ke etew ne ebpesabut dut te impesabut kandin te Eleteala, ne ed-erenen din ke kedlalag din.

1 Kurintu 14:32 ပူးပေါင်းရင်းမြစ်များ

Nenged-ulaula 13:1

Diyà te menge mibperetiyaya ne riyà te Antiyuka ne ruen menge ebpelambas te Lalag te Eleteala wey ebpenurù te Lalag din. Ketà ne si Bernabe, si Simeon (ke ed-imukuen te Meitem), si Lucio (ne riyà ebpuun te Sirini), ne si Menain (ne riyan en medekelà te ki Hirudis ne gubinedur) wey si Saulo.

1 Kurintu 14:31

Su langun niyu ne egkepakey ne edlalag, ugaid ne mebpesemsembayey su apey ke langun ne ebpemineg ne ebpekehuru wey egkevag-et ke hinawa rin.

1 Kurintu 14:33

Su kenà egkiyuhan te Eleteala ne ebpekeuringer kiyu, ugaid ne iyan din egkiyuhan se egkevensà ke langun ne ulaula tew. Na iring dut te betasan te menge sakup dut te Eleteala ne ebpengarap diyà te ebelàbelà ne menge inged,

2 Tiselunika 2:2

Iyan dey ebuyuen ne kenà kew metekawi dut te tudtul ne egkerineg niyu te nekeuma en kun ke Hewii te Kedlived dut te Kerenan tew. Kenà metarin se itungan niyu ketà te tarù misan ibpekahi kun kandin dut te Kedesenan ne Ebpetuntul te Menusiyà, etawa ruen ebpenurù keniyu te ini, etawa ruen egkahi te ruen surat kun ne kayi ebpuun te kenami ne egkahi ketà.

1 Juan 4:1

Menge suled ku ne igkelimù ku, kenà kew peretiyaya dut te langun ne egkahi ne impekahi ran kun te Kedesenan ne Ebpetuntul te Menusiyà. Ugaid ne perisaan niyu pà ke ebpenurù dan apey niyu metueni ke riyà be ebpuun ini te Eleteala etawa kenà. Su merakel se midlepew kayi te ampew te dunya ne uvag kun te ebpelambas sikandan te Lalag te Eleteala.

Imperayag 22:6

Ketà ne migkahi ke suluhuen te Eleteala kediey, ke sikandin te, “Langun ne menge lalag ne nerineg nu ne benar iya ne egketuman en. Su ke Kerenan ne Eleteala ne mibpelumunan din dut te Kedesenan ne Ebpetuntul te Menusiyà arà se menge mibpelambas te Lalag din dengan ne sikandin se midsuhù te suluhuen din kayi te kediey su apey a ebpesabut dut te langun ne menge sakup din ke engkey se mehaan en ne egked-ulaula.”