1 Kurintu 14:31 - Ke meupiya ne tudtul mekeatag ki Hisu Kristu

³¹ Su langun niyu ne egkepakey ne edlalag, ugaid ne mebpesemsembayey su apey ke langun ne ebpemineg ne ebpekehuru wey egkevag-et ke hinawa rin.

1 Kurintu 14:31 ပူးပေါင်းရင်းမြစ်များ

Ruma 1:12

Ne iyan ku egkiyuhan ne ke kebperetiyaya tew ki Hisus ne ebpetebtevangey kiyu. Su embiya egkekita niyu ke sarig ku, ne ke kedsarig niyu rema ne ebmeilut. Ne engketà e red dema ebmeilut ke sarig ku ke egkekita ku ke sarig niyu.

1 Kurintu 14:19

Ugaid ne embiya riyan a te egkevurunan te menge mibperetiyaya ki Hisus ne iyan dà tumù ne egkekahi ku keniyu se lelima ne tahà ne ebpeketavang keniyu su nesebutan niyu tumin dut te ngivungivuwan ne lalag ne warà seveka ketà ne egkepurut niyu ne ebpeketavang keniyu.

1 Kurintu 14:3

Ugaid ne ke etew ne ebpenurù dut te impesabut kandin te Eleteala ne iyan din edlelahen ke menge ruma rin ne egketevangan dan kayi te edlelahen din wey kebpekeiseg te kebperetiyaya ran ki Hisus wey ebmevaher ke hinawa ran te kedtigker dut te langun ne kemerehenan dan.

1 Kurintu 14:30

Ugaid ne embiya ruen ketà te kevurunan ne ruen impesabut kandin te Eleteala te edlalag pà ke ruma rin, ne iyan meupiya ne ed-engked pà arà se edlalag.

1 Kurintu 14:32

Su ke etew ne ebpesabut dut te impesabut kandin te Eleteala, ne ed-erenen din ke kedlalag din.

1 Kurintu 14:35

Embiya ruen kenà egkesebutan dut te meritan ne kenà din i-insà diyà te baley ne egkevurunan ugaid ne riyà din id-insà te esawa rin embiya ed-ulì dan en. Su mekeyayà ke ulaula te meritan ne edlalag diyà te kegkevurun te menge etew ne mibperetiyaya.

2 Kurintu 1:4

Su misan engkey se egkerumpak tew ne kemerehenan ne edtevangan kiyu rin su apey kiyu ebpekehuru riyà te kandin ne iring be rema ketà se kedtevangi tew ke menge ruma tew ne egkerehenan.

Ipisu 6:22

Su tembù ma iya edsuhuen ku sikandin su apey rin igkepenudtul ke langun ne egketemanan dey kayi ne ebeheren din dema ke itungan niyu.

Kulasi 2:2

Su kiyug ku ne ebmeilut ke hinawa niyu te kedsarig ki Hisu Kristu wey egkeseveka ke itungan niyu atag te kebpelimlimuey. Su embiya ini se ed-ul-ulaan niyu ne egkesebutan niyu nevenar ne kenà duwaruwa se hinawa niyu rut te benar ne nesebutan niyu mekeatag ki Hisu Kristu, ini se behu en ne impayag te Eleteala.

1 Tiselunika 4:18

Tembù be, ini ne impesabut ku keniyu ne ibpenurù niyu te menge ruma niyu ne mibperetiyaya su apey ran kenà egkeuru.

1 Tiselunika 5:11

Na geina te ini se edtaharan ta, ne beg-eta niyu ke hinawa dut te menge ruma niyu wey petebtevangey kew.

1 Tiselunika 5:14

Ne ebuyuen ku lavew, menge suled, te suhua niyu ke pehulen ne egelevek. Beg-eta niyu ke hinawa dut te menge etew ne egkeandek, ne tevangi niyu ke menge etew ne melemu ne egkegaga te penggeram dut te datù te pekaid. Ne iyan iya se menanew se kedlalag niyu dut te kedtevangi niyu te menge etew.

1 Tiselunika 5:20

kenà niyu sudii ke egkehiyen dut te menge ebpelambas te Lalag te Eleteala,